قالك الباك تجيبو ب14 وميعطولكش ولا اختيار من العشرة الي خيرتهم

Y

yacino1993

:: عضو مُشارك ::
السلام عليكم
واش راكم ...ان شاء الله صافا
المهم ندخل في الموضوع ديركت وهو الباك تاع هاد العام ولات 14و15 ميديرو بيها والوووو وإدا دارو فيك مزية يعطولك واحد من الاختيارات العشرة وبيانسور من السادس واطلع يسمى الي جابو ب10 و11 هداك قع ميهدرش ولو كان ميجيبوش خيييير على خاطر سور رح يلقى روحو عطاولو رقص وفنون جميلة و سينما ووووو وكيما قالو لمعوق يقرى سبور والملتزم يعطولو موسيقى والي ماشي متحجبة تروح للشريعة وهكدا خلط تصحى انا مزال للعام الجاي باش نفوت بصح على حساب مراني نشوف وقيلة نحبس لقراية قع منعيي روحي موالو وهادي قع سبابها سي بن بوزيد ربي يحرقو ان شاء الله
​
 
ليكم ربي خويا العزيز
​
 
آآآآآآآآو هذا لاه ؟؟؟؟

والله غير خوفتنـــــــــــي خويا كي عادت 14 و15 متدير والـــــــو كيما قلتها نتا نحبســـــو خير :sadwalk:

ربي يستر بركـــــــــــ

ثانكس ع الموضوعْ​
 
oui 14 wa 15 madir walo blad khlaya3 alah yadtor fi bac ta3na 2013 blak 16 madir walo
 
هذي هي بلادنا
علابالك واش اللي تقلق
نورمالمون المعدلارت يديروهم وطنيه
مش كل ولايه وكيفاه هذا مشي عدل خلاص
مارسي عليك​
 
السلام عليكم
كي عادت 14و 15ما دير والو شمر على ذراعتيك و جيب 17 و 18 لي دير ............ماشي تقول نحبس و ما نقراش
سلااااااااااااااااااام
 
توقيع أمّ عبد الله
واش تحب خويااااااااااا ملا نزيد نقولك انا ختي هدا العام جباتو 12.78 ومدولها اختيارررات
وكي خيرت وكملت بعتوها واش يحبو هماا قلولها الاختيارات الي خيرتيهم انت لازملك 13 فما فوق
واش دير دولة ديالنااااااااااا تمشي با المقلوب وسرتو ملتحت لتحت
ربي يكون معاكم قراية الجامعة تاني ماشي ساهلة
انا نقولك خوياااا زير سبتة مليح هدا العام وان شاء لله بن بوزيد ميكونش كاين بتوفيق للجميع
​
 
والله عندك الحق خويا
ولي راحوا فيها بزااااااف صحابين 14 و15
شكرااا عالموضووع​
 
نقلك علاه كيعاد الباك عاد من هاب وداب يديه علابيها طلعلهم في كلش بكري نظام القديم كان الباك بشلاغمو الناس تعقب في الكلاصة يدي واحد ولازوج والله 11.50دير مدسين مي ضرك ولات خالوطة الناس كاملة تدي عادت هكا نقلك حاجة والله غير عيب الواحد يكون سينتفيك يحلم طول عمرو يقرا حاجة مليحة يطيشوه ي حاجة تع ادب والله راحت حكاية الجامعة والله وبعد التخرج يحبلك معريفة صحيحة باه تخدم مرسييييييييييييييييييييي
 
العام هاد بزااف
خويا جاب 14 ما حقولوش ولا اختيار من الاختيارات 10
ربي يستر لعام لجاي
كنا نقول لي جاب 10 مايدير والو دوكا نولوا نقولوا لي جاب 14و15 ما يديير والو
ربي يوفقنا لعام الجاي
شكرااا عالموضووووع
​
 
السلام عليكم
هذيك هي دايرين رايهم بن بوزيد يلعب و حروابية يلعب وحنا نخلصو و الجامعات ناقصين واش تدير
و خويا ما تعمرش راسك بيهم بالعكس خليها تعود حافز ليك باش تخدم على 16 والفوق باش تدير واش تحب
بالتوفيق
​
 
سلام خويا ياسين
و الله غير كارثة هاد العام
قالك كامل شبعو بكا
دارو فيهم المنكر تع الصح
ربي معانا العام الجاي ان شاء الله دنوه و مارموناش في بلاصة منحبوهاش
مشكور​
 
أختي للسف نا هد العام فرطت فيه.......9.96الله غالب علبالي كون جبتو رح يكون ب10 ومعندش ما ندير بيها
الله غااالب​
 
ايه راهم صحاب 14 و15 ضربوهم ب choix 0
وكل واحد واش عطاولو كاينين 15 يعطولهم تجارة تحير بيولوجي ومطارتلهمش
ربي يستر​
 
انا ختي جابتو 13.98 و عطاوها الرغبة الأخيرة فففف
و جارتنا جابتو 15.50 ماعطاوهاش رغباتها عطاوها علوم بحر!!!!!
 
si cette anné 15.35 dentist
15.67 medecine
pharmaci 15.73
sah 14 medir welou bessah men 15 wetele3 sa va
rabi ykoun fi 3ounkoum inchallah
vraiment c dur
lavenir kemel mebniya 3la une moyenne
vraiment le bac c la clef ​
 
الباك تاعي عام 2000 ...كان اللي يجيب 14 عندو الحق يسجل تسجيل مباشر في أي اختيار مهما كان.....والطب كانت 12 والصيدلة 13

الآن كلشي طااااااااار :o_o:
​
 
wallah sah 14. 13. 15 walat madir walou hram 3liham la 14 mach mou3adal mlih sabhanalah 3la ben bouzid
 
ربي يخلص في بن بوزيد نشالله انا ديت الباك هاد العام ب 14 مي كلي ماديتهش كامل لا فرحة لا والو مين تصيبهم عاطيينك الاختيار الخامس..واش من حالة هادي بلاد ميكي..
 
بلاد ميكي .............
وش حا نقولك كلاتلي القطة لساني
ماتقولش نحبس القراية لازم هدا يكون حافز ليك وتجيب موايان مليحة العام الجاي لازم16 وطلع و راهو لي يقرا يلقا ابداها على صحيحة من الاول تاع العام بعد
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom