تربية اخر زمن

[sisou023]

السلام عليكم ورحمة الله وبركاته
واش راكم يا ناس اللمة ؟
اولا صحا رمضانكم وفطوركم وسحوركم وسهراتكم
الله يجعل ربي يتقبل صيامكم ان شاء الله​

ندخل في الموضوع لاحظت ظاهرة ولا عقلية تبدلت مفهمتش
لي هي التربية لي رباوها بينا والدينا بكري مهيش كيف كيف مع التربية لي راهم يربو بيها والدين هذا الجيل خصوصا الرجال
راني نشوف بلي الاطفال تاع هذا الوقت راهم قريب هوما يرجعو يحكمو في والديهم لاخطرش الوالدين او الاباء بصفة خاصة يساعفو ولادهم فوق الحد ويديرولهم مرضاهم فوق الحد
من جيهتي انا كي كنت صغيرة بابا يخزر فيا خزرة وحدة نرجع نرقص بالخوف سيرتو كي نكون دايرة حاجة مشي مليحة وكنت كي نقباح ونبكي بلا سبة هكا نشري فيها كيما نقولو حنا يقلي اسكتي المرة 1 المرة2 اذا مسكتش ندي زوج طريحات صحاح :shiny:باه منعاودتش
والمثال تاع اباء هذا الجيل راه عندنا فالدار ولي هو خويا يضحكني ولادو راهم قريب يركبو فوق راسو كي يبكو يضلي يحلل فيهم باه يسكتو يساعفهم بزااااااااااف كي يرجع من الخدمة يهبلوه يديرو الحس:sheer: ميخلوهش يريح وهو جاياتو عادي انا بابا كان كي يجي من
الخدمة الذبانة متسمعهاش :scared::scared:نلعبو في عقلنا ومنديروش الحس واش نحكي
وواش نخلي راه رانا في وقت كل حاجة فيه انعكست
ونتوما قولولي راكم شايفين هاذي الظاهرة ولا كاين اباء لي جيهم الحرية المطلقة لولادهم هي التربية الصح ​

 

[ماكانش]

أهلا بيك سيسو
يعطيك الصحة على الموضوع الباهي
والله صح كثر الدلال بزاف
انا خويا لكبير والله ألي تسير في دارو بنتو في عمرها 6 سنين
ياي يمشي رايها وساعات يدي الكف ههههههه​

 

[fatima-31]

اهلا اختي مشكورة على الموضوع الهايل والرائع يا اختي واش نقلك مكان لا تربية لا والووو +كي تحبي تربيهم يزعفوواا متل اختي متحبش على ولادها شوفي واسكتي برك

تقبلي مروري

 

[الحاج الطيف]

كل من الوالدين هو جائز الا في معصية الخالق

 

[nina bonoise]

انا بكري كان يخزر فيا بابا ول ماما خزرة وحدة نموت بالخوف
مي تاع درك تخزر فيه يولي يضحك لا تربية لا والوا

 

[بنت الجزائر و افتخر]

موضوع شباب

يا اختي كثرة الدلال ماشي مليحه

الولد كي يكبر يولي جايح و كيف كيف البنت

انا وحده ماما تكرررررره الصغار اللي يقعدو يتقلشو بزاااف

شكرا على الموضوع
​

 

[zahira92]

جيل هدا الوقت صعيب ويخوف الله غالب عليهم راكي تهدري هاك بصح نهار لي دجيبي ولاد تم تىشوفي العجب العجاب
​

 

[sisou023]

أهلا بيك سيسو

يعطيك الصحة على الموضوع الباهي
والله صح كثر الدلال بزاف
انا خويا لكبير والله ألي تسير في دارو بنتو في عمرها 6 سنين

ياي يمشي رايها وساعات يدي الكف ههههههه
​

ههههه عيش تشوف بلاك نتا تعطيك كف احرز روحك

 

[ماكانش]

ههههه عيش تشوف بلاك نتا تعطيك كف احرز روحك

ههههه
اواه في الدار كي يجيو يخلعوهم غير بيا انا ههههه

 

[sisou023]

مشكورين على المرور بارك الله فيكم

 

[07 _H@yThm]

هاواش تحبي كلش تبدل

 

[ياقوتة الصحراء]

قالك الطفل باش ما تكونش عندو عقد ومكبوتات
تربية الحليب الاصطناعي و البيبرون ...​

 

[tendresse]

صح خيتو كاين فرق كبير بين تربيا نتاع جيلنا و هاد لجيل كيما يgولك عيش تشوف
الله يجيب لخير ياك حنا كنا نخافو من ولدينا و نقادرو لكبير بصح نتاع دروك الطفل عاد يعامل الكبير منه كيف صحابه و لاو يخوفووو ...هههه
و كاش مراكم فاهمين ؟المشكل وين؟ فالتربية ولا فهاد لجيل جا هاك و خلاص!

 

[♥بنت عنابة♥]

انا عمري 15 نعتبر منهم ولا لا

 

[Melia azedarach]

انا ثانيك بكري بابا نخاف منو بزاف ..غير يخزرني نسكت حتان دوك حتى وهو اقرب ليا من ماما ..مي نخاف منو
مي ختي الصغيرة كل شيء يلي تحوسو يمشي ..ما شي كيفي انا كامل
كلش تبدل يا ختي واش نحكو ونخلو ؟
مارسي ع الموضوع