قالك بلادنا تصدر التريسيتي ---والله تبهديلة---nass 4algeria

[الجزائري05]

تقدم لكم

أولا صحا فطوركم ورمضانكم وعيدكم اونجنيرال:re_gards:

وهذي تحية أخوية للجماعة زلق طاح مي الله غالب ما ناض ما راح_o:
عندي بزاف ماكتبتش موضوع في هاذ الجهة
مي اليوم والله كلاني قلبي وحبيت نهدر على واحد الازمة
وهي أزمة التريسيتي
كيما اليوم يا سيدي ضربت قريب 2 سوايع و هي مكانش
خاوتنا في سونالغاز الله يهديهم ماخافوش فينا ربي و الواحد صايم وزيد في وقت الgايلة وين درجة الحرارة قريب تلحق45i-o: درجة

والله والواحد ريقو نشف وزيد فالمدينة اللي ساكن فيها (مدينة المسيلة) يخطيك الكليماتيزور غير روح افطر علا خاطر راك معذور والله اخاوتي ماجات تلحق ساعة الفطور ريقي نشف وليت نشوف في قرعة الماء ..........طيط

واللي تغيظ انو في مدينة المسيلة كاين مركز توليد الكهرباء يصدر انتاجو الى تونس :scared:

كيفاه فلحنا فالتصدير مي تلبية حاجيات البلاد ربي يجيب

​

هايا ضرك نخليلكم الخط ترحيو شوي
الراعي الرسمي للتريسيتي بالجزائر:yaw:

VIVE MON BLED

​

 

[الجزائري05]

مرسي عليكم كي أكتيفيتو الميضوع:showoff:
​

 

[لاجودان شاف]

السلام عليكم

صح خويا باتنة ثاني مكانش البارح واليوم

قالك حبو يقتصدو شوي​

 

[السلطانة]

وعليكم السلام
صحا فتورك
القلم تاعك دارت عليه خيوط العنكبوت
من كثر عدم التخربيش ههه واخيرا
يعطيك الصحة على الموضوع الحساس
لي راه داير حالة في الجزاييرين
انقطاع الكهرباء وقلنا
مي يزيدو يصدرو من عندكم للتوانسة
هادي مخلاتيش
يعني سيدي مليح
لازم العبد يخدم بحيرة في دارو
ويدير عليها اشعار كيما لامارتين
لاراح التريسيتي يشتم نسيما عليلا

صحيت تحياتي



​

 

[mira.21]

وين تروح اي هكا مام حنا عندنا فسكيكدة لبارح راح
وحد نص ساعة قالك حبو يقتاصدو وحنا نتقلاو فالسخانة ههههه
بلاد ميكي الله غالب
مرسي خويا ​

 

[الجزائري05]

السلام عليكم

صح خويا باتنة ثاني مكانش البارح واليوم

قالك حبو يقتصدو شوي​

وعليكم السلام ورحمة الله وبركاته خويا
يعني ما لقاو وكتاه يقتاصدو غير في ايامات الصيام
وزيد مع الصباح اللي الغاشي كامل يحتاج التريستي
ومبعد كي يدير الشعب الفوضى يقولك علاه
ما نكذبش عليك في حاجة كيما هاذي ما فيهاش اللعب
​

 

[Houda Chaouienne DZ]

نفس الشي حنا ثاني عندنا اليوم
هبلنا التريسيتي
عشية كل و هو يروح و يجي
مرض تاع الصح
بلاد البترول .. التريسيتي فيها مشي راكح
ربي وكيلهم

شكرا لك على الموضوع
​

 

[الجزائري05]

وعليكم السلام
صحا فتورك
ونتي زادة اخت العرب
القلم تاعك دارت عليه خيوط العنكبوت
من كثر عدم التخربيش ههه واخيرا

شراولي ستيلو جديد يخي الميموار خلصتلي القديم :shiny:
يعطيك الصحة على الموضوع الحساس
لي راه داير حالة في الجزاييرين
انقطاع الكهرباء وقلنا
مي يزيدو يصدرو من عندكم للتوانسة
هادي مخلاتيش
يعني سيدي مليح

كيما قال المثل
طباخ وشاتي مرقة_o:
لازم العبد يخدم بحيرة في دارو
ويدير عليها اشعار كيما لامارتين
لاراح التريسيتي يشتم نسيما عليلا

ترقبو هذه الفكرة في خواطر 8:re_gards:
ابداع تلو الأخر
بلاصتك ماش هنا
صحيت تحياتي

بلامزية والتحيات احكميهم عندكi-o:

​

شكرا لك على الرأي المفيد للموضوع والمناقشة
​

 

[الجزائري05]

نفس الشي حنا ثاني عندنا اليوم
هبلنا التريسيتي
عشية كل و هو يروح و يجي
مرض تاع الصح
بلاد البترول .. التريسيتي فيها مشي راكح
ربي وكيلهم

شكرا لك على الموضوع
​

ختي لوكان جات تروح وتجي الواحد راهو اوموان يديpاني
مي ساعتين مع السخانة هذي والله طييبك

و كيما قلتي بلاد البترول و التريسيتي ومشتاقينهم

اسعدني تفاعلك أختي:re_gards:
​

 

[adraa]

ياااااااااااااااااااه شكوون اللي راهو لهناااا؟؟؟؟؟؟؟؟؟؟؟
ههههههه اهلا اهلا..

ماعرف لاكان قريت الموضوع مليح و فهمتو خاطرني اول حاجة في رمضان على 1وربه نتع الليل..

ليسونسيال

هاذي بلادك و كلشيييييييييييييييييييي كلشيييييييييييييييييييييي كلشيييييييييييييييييييييييييييييييييي فيها معووج

يقلك ولاد البلاد ام مالفين بينا خير من ما نخسرو المشترية نتعنا

نووووووورماااالموووووون ما خرجتش على الموضوع

تربح


سلاااااااام و صحا كلش من بعد
​

 

[الجزائري05]

وين تروح اي هكا مام حنا عندنا فسكيكدة لبارح راح
وحد نص ساعة قالك حبو يقتاصدو وحنا نتقلاو فالسخانة ههههه
بلاد ميكي الله غالب
مرسي خويا ​

انا كنت حاط غير عندنا برك وهي الله يبارك بلادي كامل فيها الvيس

مالgري كلشي نشيت يا بلادي:shay:

لا مرسي على واجب
سلام
​

 

[adraa]

بفففففففف الذبانة هبلتني c suuuuuuur نتا اللي بعثتها
اني خارجة هاااه
سلاام...
​

 

[الجزائري05]

ياااااااااااااااااااه شكوون اللي راهو لهناااا؟؟؟؟؟؟؟؟؟؟؟
ههههههه اهلا اهلا..

اهلا بيك يا العطرة

ماعرف لاكان قريت الموضوع مليح و فهمتو خاطرني اول حاجة في رمضان على 1وربه نتع الليل..

واش بيك زربتي الفيلم
هههههههه
ليسونسيال

هاذي بلادك و كلشيييييييييييييييييييي كلشيييييييييييييييييييييي كلشيييييييييييييييييييييييييييييييييي فيها معووج

يقلك ولاد البلاد ام مالفين بينا خير من ما نخسرو المشترية نتعنا

هذي بوكيستيو
راكي جبتيها يا ختي

نووووووورماااالموووووون ما خرجتش على الموضوع

تربح
لالا
16/20
جيد جدا


سلاااااااام و صحا كلش من بعد

الله يسلمك
وشكرا على الزيارة الخفيفة
​

صح فطورك و صح رمضانك عذراء ختي:re_gards:
​

 

[زينوبة زيزو]

كااااااااااااااامل رانا في هاد لبروبلام مي احنا عيطة :cra_zy::cra_zy: تاع الشباب:showoff::showoff: تاوعنا خلاتهم يرعدو:surrender: ومن اول يوم ما زادو قطعوووووه:surrender::surrender:​

 

[nassim007]

اهلا بييييك لبلاااااااد


انا ميكرو تحرق منهااااا

هوما يديروها والشعب يخلص


​

 

[kazawa]

ياو لي يوصل للقمة مابقاش يشوف لتحت . ومع سونلغاز تسلك الترسيتي وعيش يامواطن

 

[احساس انثى dz]

ماكاش منها !!!!!!!!!!!!!!!!!!
سبحان الله دزاير تصدر تريسيتي ههههههههه
زعمة كفات بلادنا خص غير نصدرو للخارج والله عيش تسمع عيش تشوف
هو نهار لي تكون فيه سخانة نص يصحلو يشعل كليماتيزور ونص الاخر يتكوبالو الكونتور ههههههههه
ايا معليش قالك ايثار

 

[دنيا البسمة]

يا خويا احنا عندنا الحمد لله
مازال ماراحتش لحد الان مللي بدا رمضان
راحت مرة عند الجوارين على جال اللي اتحرق الخيط اللي من جهتهم مي غدون من هاذاك الصبح كانو حلو المشكل وخدموها
ربي يكون معاكم​

 

[adel-mz]

واش تحب البلاد .
راهم قريب سونغاز يعطيونا شمعة شمعة في اليوم الواحد.
صحيت .

 

[Melia azedarach]

يخي بلاد ..والله غير تحير مراهيش قادرة تحقق اكتفاء ذاتي للسكان ورايحــة تصدر لتونس ..

حتى انو الشعب مراهوش عايش la belle vie بحكم سرقـة اموالو من قبل [....] ...ومراهوش شايف لا دراهم التريسيتي ولا الغاز ولا النفـط .. عايشين بالدراهم ماليها..ماشي حنـا..
معندنا ما نقولو الله وكيلهم ..

مارسي ع الموضوع المهم خيو