حواجبي كيما تاع الغولة ...... وانتي كيفاه تاعك

[عاشقة مجهول]

السلام عليكم ............. وصح رمضانكم وكل عام وانتم بخير ............

حواجبي كيما تاع الغول .............. هاذي خويا قالهالي اليوم ..... جامي قالهالي واحد وجامي حطيت خويا راح يتوله لحواجبي وبنتقدهم .............. سبحان الله يتوله لكلشئ ........
اليوم وحنا على الفطور قاعدين نحكيو انا وهو وماما حتى لقيتوا حبس من الهدرة وقاللي انتي تلقط في حواجبك ...........انا دخلت في بعضاي قتلوا علاه واش بيهم ......... قاللي ماعلابالكش باللي حرام...... قتلوا ايه علاباللي وقاللي علاه امالى تفزد فيهم رديتهم كيما تاع الغول ............. مالقيت مانحكي وبدا هو فوق راسي بالهدرة ..............وصح عندوا الحق ..........علاه انا نحي في نص حواجبي وندير في حاجة حرام ................ولا راح جبدلي فتوة تاع شيخ وقاللي روحي اقرايها ............ وصراحة انا علاباللي باللي راهي حرام ونعرف الفتوة وش راهي تقول بصح هكداك ووووووووووونلقط في حواجبي ............... الله غالب .................ضعف الايمان
هاذي هي الفتوة http://forum.sh3bwah.maktoob.com/t13120.html

انا حبيت نعرف من لبنات علاه تلقطوا في حواجبكم وتقلبوا فيها ماشي كيما لازمة ..............

وحابة نعرف رائ الرجال تاني وش رايك في اختك كيما تشوفها تلقط ومرتك كان ترضاها تمس فيهم ولالا .........


انا خويا قاللي ماحطيتكش ماكيش متربية .........ايه قالهالي............... قالي ماكيش متربية

وانتم واش تقولوا في خاوتكم يا ترى






ارجوا المشاركة والرد الفعال


تقبلوا تحياتي





عاشقة مجهول​

 

[روز]

لعن الله النامصة والمتنمصة يعني لي تلقط حواجبها ولي تقوم بهذ العملية
رغم الفتوى الا أننا مرات نضعفو ونقولو وش عليه مافيها والو.!
لكن نظن(والله أعلم ولست أفتي) أنو التحسين أو التهذيب منهم وفك الاقتران الحاجبين (للي عندها حواجب مقرونين ببعض )
مسموح خصوصا انو اقتران الحواجب ببعض هو تشبه بالرجال ولذا يلزم على البنت تنح اذا كانو حواجبها مقرونيين ببعض
(هذي لي سمعتها في فتوى على التلفاز)
هذا فقط فقط وليس النمص أو التلقاط بحيث يصبحوا رقاق ياسر هذا هو لي حرام
كذلك أظن أنه مسموح للمرأة اذا كان قصدها تتزين بيه لراجلها

أما أنها ترققهم يااااسر وتعمللهم مكياج وتخرج بيهم هذا أكيد حرام...

ربي يهدينا ويهدي الجميع ويثبتنا على دين الله
​

 

[دنيا البسمة]

صباح الخير اختي
والله هاذا الموضوع كيما يقولو موضوع شائك
انا باش نحكي على روحي نقولك في حياتي ما حطيتش فيهم لقاط وفي حياتي ما مسيتهمش
على جال اللي حرام وتاني على جال لاباس بيهم شابين ولوكان نمسهم يخسرو
الحمد لله
وكيما قالت الاخت لعن الله النامصة والمتنمصة
واي حاجة يكون فيها تغيير لخلق الله حرام
الا اللي يكونو حواجبها يشبهو لحواجب الرجال يعني متلاقيين او مقرونين
ولا قويين بزاف
انا هاذا واش نعرف
ونزيد نقولك انا عندي اختي كبيرة وعندها 9 سنين مللي متزوجة في حياتها ما ممستهمش حتى في نهار عرسها
واذا حواجبك شابيين خليهم على حالهم وما تلقطيهمش
ساهلة ماهلة​

 

[احساس انثى dz]

انا مانلقطش
لقطت مرة برك بسيف عليا لقتهم عند الحفافة بصح من هذاك نهار حلفت مانزيد نلقطهم عمري خرجت
ما فهمتش كيفاه نساء يتحملو هذاك لوجع ويلقطو حواجبهم
وعلاش يلقطو مايزيد فيهم والو بالعكس يرجعو يخلعو
ربي يغفرلنا

 

[لاجودان شاف]

لعن الله النامصة والمتنمصة يعني لي تلقط حواجبها ولي تقوم بهذ العملية

رغم الفتوى الا أننا مرات نضعفو ونقولو وش عليه مافيها والو.!
لكن نظن(والله أعلم ولست أفتي) أنو التحسين أو التهذيب منهم وفك الاقتران الحاجبين (للي عندها حواجب مقرونين ببعض )
مسموح خصوصا انو اقتران الحواجب ببعض هو تشبه بالرجال ولذا يلزم على البنت تنح اذا كانو حواجبها مقرونيين ببعض
(هذي لي سمعتها في فتوى على التلفاز)
هذا فقط فقط وليس النمص أو التلقاط بحيث يصبحوا رقاق ياسر هذا هو لي حرام
كذلك أظن أنه مسموح للمرأة اذا كان قصدها تتزين بيه لراجلها ​

أما أنها ترققهم يااااسر وتعمللهم مكياج وتخرج بيهم هذا أكيد حرام...​

ربي يهدينا ويهدي الجميع ويثبتنا على دين الله​

السلام عليكم
انا الشي الي نعرفو انو المرأة ما لازمش تنحي خلاص الا في حالة كي يكون تشوه
باين خارج عن المعقول
اما الاقتران منظنش
بالعكس اقتران الحواجب علامة من علامات الجمال ويزيد للمرأة جمال اكثر​

 

[سمو المعاني]

السلام عليكم ورحمة الله وبركاته

الله يهدي المسلمين أجمعين

صحيح والله حرام النمص والحديث واضح وصريح
والنمص إلو تبعات ،،يعني بدل مايكونو الحواجب مئبولين =مع النمص رح بيزيدو ويكترو يعني يلي بتبلّش مارح تخلص

وأي أخت عندا شك أو تساؤل تسأل شيخ ثقه يفتيها فتوى خاصه لحالتها

اما بالنسبه لرأي اخوكي فعندو حق يمنعك من هيدا الفعل لأنو رايدلك الخير الله يخلكون لبعض إن شاء الله
وفي بدائل(( للنمص وال tatto ))خصوصا يلي بدا تعمل ماكياج بيوم عرسها في شي اسمو waX فيكون تفوتو عالنت وتاخدو معلومات عنو هيك بيكون أفضل من النمص والتاتو وبنكون كسبنا رضا الله وتجملنا بما يرضي الله
ونحنا بزمن القابض على الدين كالقابض على الجمر
ومن ترك شيئا لله عوضه الله خيرا منه

هذا والله أعلم

بارك الله فيك أختي

 

[برائة انسانة]

اكيد اختي خوك عندو الحق
لعن الله النامصة والمتنمصة
لا انا الحمد لله جامي قست حواجبي وموش ناوية نقيسهم ليوم الممات
مانيش ناقصة دنوب والله اللي عندي مكفيني وزيادة تاني
موضوعك مليح بزاف وربي يهدينا
تحياتي
رونق

 

[hiba14]

السلام عليكم
علابالكي خوك عندو الحق و المشكل اننا نعرفو هاد الشي بصح نطنشو انا تاني الله غالب لقط حواجبي ربي يهدينا
صحا فطوركم

 

[ماكانش]

الموضوع خاطيني ههههه

 

[ماكانش]

السلام عليكم

انا الشي الي نعرفو انو المرأة ما لازمش تنحي خلاص الا في حالة كي يكون تشوه
باين خارج عن المعقول
اما الاقتران منظنش

بالعكس اقتران الحواجب علامة من علامات الجمال ويزيد للمرأة جمال اكثر​

اشيخ جمهوور الفقهاء يقلك إذا أذن لها زوجها بالنمص كان ذلك جائز ...​

 

[قــمر الزمان]

يا اختي اسمها فتوى ميش فتوة
اسمحيلي ولكن ماكانش لازم تغلطي فيها ، اما عن الحواجب الحمد لله ماقستهمش ومانقيسهمش حتى نتزوج و ياذنلي زوجي من غير هكذا علاش رايحة نحي منهم ؟ لمن رايحة نتزين ؟
الجمال جمال الروح و الا كنتي لقيتي كل الناس تجري وراء الجمال فقط ربي يهديكم وربي يسترنا ويستركم
​

 

[هدى]

هي الفتوى الصحيحة كما قالت اختي روز والله اعلم
هداك المرة سمعت اختي في التيليفيزون قالك التلقاط يمرض الكبد
وعندو مخاطر كبيرة كي تجبدي الشعرة كاين عروق رقيقة حساسة وهي تمد للكبد
شكرا على الطرح
​

 

[لاجودان شاف]

اشيخ جمهوور الفقهاء يقلك إذا أذن لها زوجها بالنمص كان ذلك جائز ...​

الله اعلم نتا تعرف

بصح لحواجب مقرونين ملاح كيما قال الشاعر لسود مقروني​

 

[DARINE05]

انا على حسب معريفتي يجوز للمراة المزوجة مرسييييييييييييييييييييييييي

 

[انتصار*]

لي عندها حواجب كيما تاع المناعي مثلا تقدر تهذبهم شوية باه تولي مرى ..ولي حواجبها نورمال حرام تمسهم ..
لعجب الشي لي صاري في الخليج انحوهم كامل ويوشمو حواجب ...تاع الصح نساهم واعرين ولازمهم الضرب بالمقابل رجالهم عاقلين وملتزمين بالحجاب الشرعي ؟
​

 

[نتــــــــــاشا]

اشيخ جمهوور الفقهاء يقلك إذا أذن لها زوجها بالنمص كان ذلك جائز ...​

لا طاعـــة لمخلوق في معصية الخالق
اتقي الله أخي ولا تفتي من رأسك فكيف لنـا أن نطيـع ازواجنا في معصية ربنا
أنـا من اكثر الفتيات الي بحثن في هذا المجال رغم أن حاجبي لا تشتكيان من نقص والحمد لله
ولم اجد فتوى كهذه أبدا.

تقبلوا تحياتي...​

 

[just peace]

بصح لحواجب مقرونين ملاح كيما قال الشاعر لسود مقروني​

[/quote]
ههههههههههههههههههههههههههههههههههههههههههههههه

 

[bossdz]

ربي يهدينا لما فيه الخير ويردنا الى ديننا ردا جميلا
ربي يقوي ايماننا
يا بنات بلادي اياكن والغرور
ربي يفتح عليكن
هذا الشيء راهو حرام بنص الشريعة الاسلامية
وهناك رخصة للنمص لكن ليس لسائر النساء
اسالوا اهل الاختصاص في ذلك

​

 

[غزالة الصحراء]

الحمد لله تاعي مش لقط فيهم نخليهم على طبيعتهم احسن وانا نحب اي شيء طبيعي

 

[نسيم الربيع]

انا الحمد لله حواجبي جامي قستهم وبربي ان شاء الله مانمسهمش
يالبنات كيفاه تقدرو ديرو حاجه يلعنكم عليها ربي؟؟
عايشين ونتوما ربي لاعنكم ومش راضي عليكم
مع العلم انو بنات خرين تلقى حواجبها نورمال وما يخلعوش بصح هي تبغي ترجعهم رقاق طوووووووووول علاه عليك هاذ الشي كامل
يعطيك الصحه ختي على الصراحه
وديري براي خوك ومتمشيهمش
ربي يهديك ويهدينا
​