La télévision algérienne كذب X كذب .........

[jolie عاشقة كوريا]

السلام عليكم ورحمة الله وبركاته
واش راكم مع رمضان ان شاء الله
تكونو ca va
حبيت نقولكم على هديك المسابقة :
تاع ( الجائزة الكبرى )
شحال من مرة نقول نشارك فيها
وهدي المرة دسيديت
باه نشارك
شفت كامل المسابقة
وكيفاش نشارك فيها
قالك تبعثلهم msg بـ 80 دج
ولا تعيطلهم بـ 50
انا قلت هكدا نعيطلهم خير
فليكسيت 200 دج
هههه قلت قادر يكو ن عندي
الزهر في هدي ونربح
غير درت num تكوبا
عاودت عيطت
حتى قالولي رصيدكم غير كافي
انا درت باه نشوف شحال راهم
ولقيتهــــــا 00.00
O MY GOD
مافهمت والوو
ياو داولي 200 دج
PFFF والله مايحشمو
يسرقو في الناس
عرفت بلي ماكش كامل منها
يلزم ماشي الي تشوفها دير عليها
سيرتو ادا كانت من
La télévision algérienne
هههههه والله انا المهبولة
الي درت عليهم
ايا قولولي يدو من عندي 200DA
ومن عند واحد 100DA وحد 5DA
ماشي معناها راهم يسرقو في الناس
والله انا الي تغيضني
كي راهم يتمسخرو بالمواطنين
هدا هو مصير الي يدير على

La télévision algérienne
كذب X كذب
ورانا عايشييييييين
ههههه والله رانا كيما هدا
اسمحولي طولت عليكم
ايا سلامـ ...
:re_gards::re_gards:
​

 

[لاجودان شاف]

السلام عليكم

آه يا ختي مالقيتي مع من تشاركي تشاركي مع التج
المهم لو كليتيهم في بطنك خير
شكرا​

 

[mimi.dz]

** القانونـ لـآ يحميـ المغفلينـ **

حاشاكـ عزيزتيـ ميـ ديما يقولو
الكذابـ يغلبـ الطماعـ
وهكذا عندنا حنا
يكلحو الغاشيـ بكاشـ كادو صحيحـ
تبانلكـ بلليـ راكيـ رابحة فيـ لافار
ميـ لوكانـ جاتـ باطلـ حبة حلوة متشوفيهاشـ:shiny:

معـ اليتيمة نتاعنا
هفـ تعيشـ


+صحا فطوركـ الزينة


​

 

[adel-mz]

لوكان شريتهم كيلو زلابية ماشي خير ههههههه
معليش ختي رب يخلف عليك ،مي عندك الحق مسابقات خرطي وهف .
بارك الله فيك

 

[هند العصفورة]

السلام عليكم
أها ياختي دزاير من برنامجها وهبطي ملازمش ديروا عليهم
و والله يا هذيك مسابقة رمضان نتي نهار تشوفي دوك الكادوات تقولي الدزاير كل تربح ويبقى
مي والله كل شيء كذب في كذب وراكي جربتي وراحولك دراهم
هههه بصح نقلك عجبتني كيفاه كتبتي القصة والدارهم هدوك لوكان درتيهم لحاجة أخرى خير


إيييه معليش

يعطيك الصحة أختي على الموضوووع
صح فطوووركم
سلام​

:re_gards::sheer:​

 

[hasna.m]

انا تانى خممت فيها بصح كى تفكرت نهار اللى بعتت جازى
مساج للأب تقولو ربحت x 4 x 4لازم تعطينا الأسم والعنوان باش نبعتوهالك


تما كنا نفليكسو 200 د ج ونعيطو تقولنا هات الأسم ومبعد تقطع

فالأخير 600 دج راحت بلا شــــ​

 

[one piece]

هذا ميعيطولوش التلفزيون الجزائري
يعيطولوا اليتيمة اوكي

معليش نعطيلك تقييم حتى نقص عليك شوية
​

 

[jolie عاشقة كوريا]

السلام عليكم​

آه يا ختي مالقيتي مع من تشاركي تشاركي مع التج
المهم لو كليتيهم في بطنك خير

شكرا​

والله صح
ههههه مالقيت مع من نشارك
شاركت مع TV ALG
MRç على الرد:re_gards:​

 

[عاشقة FCB]

السلام عليكم

شكرا على الموضووووووووووووووووووووووووووووووووووووووووووووع

 

[joker-17]

واش يجيك من التلفزة نتاعنا

 

[بنت الجزائر و افتخر]

ههههههههه

لوكان شريتي هادك الدراهم حاجه تفيدك ماشي خير

هه ماعليش المهم ديتي العبره باش ما تعاوديش

شكرا على الموضوع
​

 

[دنيا البسمة]

هههههههههههههههههههههه
ربي يخلف على 2000 الف
والله تمسخير في تمسخير
كيما اللي قالولهم لمو لغلاقات نتاع كوكا وايفري
ياو يربحو الريح​

 

[DARINE05]

هههههههههه ام كذابين مرسيييييييييييييييييييييييييييييييييي

 

[nour mary]

هههههههههه ربي يكون معاك مالقيتي ماديري
يلعبو بالشعب ولي يربحو من المعارف
كيفاش يعني تجيك في بالك لي يعطلهم يربحوه هكاك مايربحوش
هوما مدايرينها با يربحو هوما ماشي نتي حنونة
ايا سلام