الجوزية القسنطينية

[ibtesem]

الوصفة
نسيت ماخديتش المراحل
راني نقلتهم كيما طبقتها
من الاخت نور الياقوت
المقادير :200غ جوز محمص و مكسر باليد وانصاف جوز للتزيين...300 غ عسل...3بياض بيض ...75غ ماء.....250غ سكر عادي....فانيلا
التحضير :
نضربو البياض مع الفني ورشة ملح حتى يولي جامد
نحضرو سيرو بالماء والسكر ونخليوه يغلي ........نسخنو العسل على نار هادئة
وكي السيرو يجهز (135درجة ) نضيفوه للعسل ونخلطو شوي فوق النار ثم نحيوه
ونصبوه بشكل خيط رفيع على الميرانغ لي حضرناه بصح بلاما نحبسو الخلاط

....نبقاو نخبطو حتي نتحصلو على ميرانغ ايطاليان ( هاذ الميرانغ يستخدم في دهن لي تارت كلّي كريم شانتي )
نرجعو للموضوع... لما تبدى الجوزية تجمد نحطو الوعاء في حمام مريم على نار
هادئة (الوعاء لازم يكون إينوكس إذا كنا نستعملو خفاق كهربائية أو يكون
الوعاء تاع العجانة هو أصلا إينوكس ) نستمرو في الخلط بملعقة كبيرة او
سباتولا كيما قلت بدون توقف باه تنشف الجوزية

وهاذ المرحلة تدي شوي وقت وجهد حوالي ساعة ونصف

لما تجهز الجوزية نحيوها من حمام مريم ونضيفو الجوز المكسر ونخلطوه ونفرغو
المزيج في بلاطو مغلف بورق سولفيغيزي ونعدلو السطح بوضع ورقة أخرى على
الوجه ونملسو باليد ونوزعو أنصاف الجوز

إضغط هنا لرؤية الصورة بحجمها الطبيعي.

باه لما تجمد نقطعو كل قطعة فيها نصف

 

[عشقي الامارات]

emmmmmmmmmm
ya3tik essaha okhtah

 

[رآج ـية العفو]

مممممممممم والله رووعة وتشهي
يآ بسومة يع ـطيك الصحة حبيبتي ان شآء الله
نجربهآ بصح حتى بعد العيد هههه
تح ـيآتي ,, ~||​

 

[{مُدَلَّلَتُهُ}]

اممممممممم تسلميييييييييي الله يبارك تشهي

 

[رآج ـية العفو]

بسووووومة سآعة وحنآ وآقفين عليهآ ونخلطو؟؟؟؟
يلآ كيمآ هآك الله يسمح ههههههه​

 

[كوثر الوهرانية]

الف شكر اختي ابتسام على الوصفة جاتك تهبل بصحتكم

 

[ibtesem]

بسووووومة سآعة وحنآ وآقفين عليهآ ونخلطو؟؟؟؟


يلآ كيمآ هآك الله يسمح ههههههه​

تعرفي مثل لقول لحايب لبصح مايقول اح

هههههههههههههه
ادي تكسرت من التخلاط
مي بنينة

 

[ibtesem]

بارك الله فيكم يالبنات على المرور

 

[حكيك]

يعطيك الصحة جاتك هايلة بصحتكم

 

[imane27]

هايلة ابتسام يعطيك الصحة

 

[fatima_19]

merci pour la recette

 

[rima29]

وااااااااااااااو
يعطيك الصحة بسووووووووومة​

 

[عاشقة الوردة]

امممممممممممممممممممممممم
تشهي
يعطيك الصحة

 

[tasnim55]

امممممممم هاااااااااااايلة يعطيك الصحة بسومة

 

[زهرة الجنوب9]

يعطيك صحة ابتسام نقلك والله ماعندي صبر باش نخلط ساعة ونصف هههههههههههه ابعثيلي حبة واحدة فقط باش نذوقها باين عليها هايلة بنينة

 

[bignouri777]

يعطيك الصحة اختي

 

[chouchou rose]

تهبل........................راهي تتباع من برا الحبة ب 50 دج
هههههههههه
بصح ساعة و نتي واقفة؟؟؟؟؟؟؟؟؟؟؟؟؟؟

 

[narjes81]

روعة وتشهي يعطيك الصحة