بركاو ماشنفتو راكم كرهتولنا حياتنا.........

[re..sonia..da]

السلام عليكم ورحمة الله

السلام عليكم جميعا ورحمة الله وبركاته​

اهنأكم بهذا العيد السعيد فعيدكم مبارك وكل عام وانتم بخير ​

زاهيين وباهيين نشاء الله ​

ليوم رانا ثاني عيد صافي خلاص رمضان وخلاص معاه التقلاش​

لكبير فلماكلة هههههه​

وبمانسبة الحديث عن الاكل ​

سقساتني مما لبارح وقاتلي:صونيا واش نديرو للعشا ؟ ​

جاني ضحك قاتلي لاه راكي تضحكي ؟ قتلها ايييه يامما واش​

راهو جاي للامهات من لغدا ولعشا وسكت .​

مبعد خممت في هاذ لهدرة وقلت لازم ندير موضوع​

وللي راه عندو قداااااه وهوا يغني في راسي هههه ​

المهم مانطولش عليكم ​

الموضوع هاذا عبارة عن حوار وللي يدور في اغلب العائلات​

الجزائرية بين الام وولادها خصوصا الذكور ​

هاو ليكم الحوار تبعوه ضك تفهمو كلش​

يدخل الشاب على 12 للدار وراه جيعااااااان ومن لباب يبدا​

مما واش درتيلنا للغدا (ساعات لا سلام عليكم ولا هم يحزنون)​

الام :وعليكم السلام وليدي ​

الشاب :السلام عليكم واش درتيلنا للغدا ​

الام:وهي تتبسم درتلكم شربة​

الشاب:لاه امما يعني لاه ياخي تعرفيني نكرها (بدا التشناف) ​

الام:والله غير جات بنينة تسخخخخف ​

الشاب :لعجوز شوفي واش ديريلنا راني ميت بشششر ​

(وهاذيك الشربة تطيش وللا واش ؟؟والام مايهمش عيات​

ماعياتش كيفكيف) ​

الام :تعيط لابنها ملكوزينة ​

ارواح وليدي اشريلي لخبز ​

ارواح تشريلي الخبز​

هاااا حنوني ارواح تشريلي لخبز​

و السي محمد راه مداير لكيتمان في وذنيه ويسمع فلغنا وممو ​

شايطا تعيطلو​

حتان راحت هيا ليه وقاتلو اشريلي باه فطن وفي رايكم واش قالها ​

؟
قالها:شوفي برك كشمن يشريلك راني كاااااو (هيا ماعياتش )​

*
*
*
*
*
*
*
*
*​

وقت العشاء​

دخل الشاب تاعنا على 8 تاع الليل لدار ​

يروح طوووول يلزق فلميكو وللا للتلفاز ​

نكملو​

الام :هيا تتعشاو راه وجد لعشا ​

ينطق الشاب تاعناواش عشانا؟؟؟؟؟؟؟؟؟؟؟؟​

الام:تاع لغدا ​

الشاب: لعجوز اقلينا زوج بيضات ​

في رايكم هاذ لماكلة تشبع راجل الله يبارك ماكلا والو من لغدا ؟ محال​

اكيد راه ضرب فيها قبل مايروح بيتزا وللا محاجب وللا​

كاسكروت شوا عليها راهو يشنف هكذا على الماكلة ​

ياكلو بررا وللا يسلكولهم صحابهم ويجيو يصمطو لماكلة على​

تاع الدار ساعة يقولولك صامطة ساعة مسوس يااالطيف ​

نسيت .....وقليل من يخمم باه يجيب حاجة في يدو لممو تبنن ​

بيها​

فمها يا لوكان حبة حلوى الا من رحم ربي ​

** هاذ الشاب نسا بللي ماكلة ممو وين رايح يلقا كيفها ​

** نسا بللي ممو راهي تعبت باه وجدتها نهار طول وهي ​

واقفة فلكوزينة​

وفالاخير يجي سسي محمد يشنف عليها ​

** نسا بللي الوالد تاعو مسكين اللي قدو قد حالو راه مايجي ​

يكمل​

الشهر حتان تسوادلو​

** نسا بللي ربي قادر يهز علينا نعمتو في أي لحظة .....أي ​

نعمة
** نسا بللي كاين شي ناس عندهم لمال بصح محرومين من ​

ابسط​

الاكلات لي حنا نشنفو عليها ​

** نسا بللي الرسول عليه الصلاة والسلام كان كي ماتعجبوش ​

لماكلة​

كان هوا لي يبعد عليها ماشي يبعدها عليه ​

** نسا بللي لحوار لي دار بينو وبين ممو راه فيه اثم ملجيهتين ​

من​

جيهت ربي انو تكبر على نعمتو ومن جهة اخرى راه غضب ممو​

عليه ​

** نسا بللي كاين في هاذا رمضان شي شباب صالح يسخن ​

السحور​

للوالدة تاعو قبل ما يروح يصللي الفجر​

فما بالك بسائر الايام​

** نسا بللي يجي النهار وين ولادو رايحين يشيطوه كيما راه مداير ​

لممو​

وباباه​

نسا...... و نسا......... ونسا........​

والله ياااا نهار يعود للغدا خالتي اللوبيا وللا عمي لعدس


هههههه​

ماعندي مانحكيلكم ​

التشناف مليار​

 

[Estrella]

عندك الحق ختي الجيل نتاع ضرك يعرف غير يتقلش على الماكلة
كاين الي مراهوش صايبها وهو يتقلش عليهااااا
واش راييحن نديرو هدي حالة زمااااااااان الي رانا فيييييييه
بكري كانو الحاجة الي تنحطلهم ياكلوها وحامدين ربي سبحانه يتو لوكان
غير لما برك وضرك كل خير كااااين وميعجبهم والووووو ...
الواحد ميعرفش قيمة الحاجة حتى كي تروح عليه ....
لله يهدينااااا ويعطيك الصحة على الموضوع شباب ...
++++ تقييم ​

 

[Miss_Rose]

عندك الحق..يعطيك الصحة على الموضوع

 

[missa_1]

هههههههههههههههههههههه
اختي والله غير عندك الصح
حنا عندنا غير طفل واحد برك تقول راه عندنا 10 شاشرا
الي نديروها متعجبوش
ملصقينو فيا غير انا ننغبن معاه
يقلي مريومة مومو العين
معلاباليش يقول فيها من قلبو ولا غي علا جال كرشو
مرسي خيتو على الموضوع
​

 

[لاجودان شاف]

السلام عليكم
ههههه صح كاينة
انا لوكان ندخل ونلقى جلبانة ولا شوفلور نحكم الكويزينيار نقويلها على لخر باه يتحرق لغدا ههههه
يعطيك الصحة صح الام تتعب ودير ماكلة نظييفة وخفيفة وحنا نتكبرو
مشكووووورة​

 

[ماكانش]

أهلا بيك صونيا
يعطيك الصحة على الموضوع الباهي
والله يما وختي يضالو حايرين واش يديرو الماكلة
لغدا هوا الصعيب لعشا ساهل واش يبقى الصباح ولا حاجة خفيفة برك
ويضالو يشاوروني واش سخفتو نديرولكم لغدا
واش نديرو
يضالو حايرات هههه

تستهالي تقيييييييم​

 

[إيمان قلب]

والله العظيم يااختي غير دوركا بالذات راني ادوست مع خويا لقاني دايرة حريرة
قالي هذا واش لقيتو اديرو الحريرة راهي نبتت في كروشنا ونضت قليت فريت يااايما والله كنا مهنيين في رمضان سورتو من الغدا
ويجي وقت الفطور يوجد بلا جدنا
راني نقارع غير ويقتاش تخلاص لفاكونس ونروح نتهنى منهم هذو يومين برك راهم شيبوني
يعطيك الصحة خيتو على الموضوع هههه والله خليتيني نجي نفرغ زعافي ديراكت​

 

[nina bonoise]

ايه وحد لاروتين يا جدك
ديما يحيروك
قبيلة برك كانت عندنا عمي و مرتوا
كي عادوا مروحين قاتلوا وش حنطيب عشا
قالها دبري راسك

 

[mimouch]

السلام عليك
عيدك مبارك
تحياتي اليك و احتراماتي اليك
بارك الله فيك و عليك علي الموضوع الرائع و الي النقطة
المهم وراء كتابة الموضوع
***
- من فينا نسي أو تناسي بركة الوالدين و خاصة الأم الحنون حيث وصي و قال :
أمك ثم أمك ثم أمك ثم ابيك
**لا تنهرهما و لا تقلهما أف **
** و قل ربي إرحمهما كما ربياني صغيرا **
*****
كل شىء يهون و يزول أمام قيمة و فضل الوالدين
كل شىء في النيا يعوض و تلقي له البديل
الا
الا
الا
الوالدين
حنينن الوالدين و كرمهما
ربي يطول في عمرهم ان كانوا حيين و يرحمهم اذا كانوا ميتين
***
من يريد أن يعرف قيمة ماوصل اليه و ما من رحمة نزلت و فضلت عليه دون غيره
لا بد أن يري الي منهم أقل مستوي منه و ما من هم في مستوي منحط منهم
من يأكلون من فضلات المزابل و مخلفات النفايات
من يأكلون مرة و لا يجدون مرات ما يأكلون
ومن ومن ومن ومن ومن
خلي البير بغطاه
شكرا لك صونيا و بارك الله فيك و عليك

​

 

[فقير صغير]

جاري قراءة الموضوع لاحقا​

 

[yassine_houari]

بعد السلام ابدا الرد بالشكر على كاتبته .. حقا فهذا وضع الأمهات اللائي يعانين من ابنائهن ليس فقط وقت الغذاء ولكن طيلة اليوم خلال 356 يوم .. لذا من هذا المنبر الطيب اتوجه بالنداء الى جميع الاخوة: " تهلاو في والديكم قبل ما تندموا وتقولوا يا ريت ترجع هديك الايام "

 

[re..sonia..da]

trella;3644460][/size]

عندك الحق ختي الجيل نتاع ضرك يعرف غير يتقلش على الماكلة​

كاين الي مراهوش صايبها وهو يتقلش عليهااااا
واش راييحن نديرو هدي حالة زمااااااااان الي رانا فيييييييه
بكري كانو الحاجة الي تنحطلهم ياكلوها وحامدين ربي سبحانه يتو لوكان
غير لما برك وضرك كل خير كااااين وميعجبهم والووووو ...
الواحد ميعرفش قيمة الحاجة حتى كي تروح عليه ....
لله يهدينااااا ويعطيك الصحة على الموضوع شباب ...​

++++ تقييم ​

شكرا حبيبتي على الرد المميز

عجبتني هاذ الكلمة لي قلتيها

الواحد ميعرفش قيمة الحاجة حتى كي تروح عليه ....

ربي يدوم علينا النعم تاوعو .... يارب

 

[re..sonia..da]

عندك الحق..يعطيك الصحة على الموضوع

اااامين

شكرا على الرد وربي يسترك

 

[re..sonia..da]

هههههههههههههههههههههه​

اختي والله غير عندك الصح
حنا عندنا غير طفل واحد برك تقول راه عندنا 10 شاشرا
الي نديروها متعجبوش
ملصقينو فيا غير انا ننغبن معاه
يقلي مريومة مومو العين
معلاباليش يقول فيها من قلبو ولا غي علا جال كرشو
مرسي خيتو على الموضوع​

نشكرك مريومة مومو لعين تاع خوها ههههه على الرد تاعك ​

خيتو نشكرك​

​

​

 

[re..sonia..da]

السلام عليكم





ههههه صح كاينة
انا لوكان ندخل ونلقى جلبانة ولا شوفلور نحكم الكويزينيار نقويلها على لخر باه يتحرق لغدا

نتا على الاقل ماتحبش حاجا وللا زوج ماشي كلش (بيني بينك الشيفلور انا ثاني مانحبوش ... اااا نسيت هو لي مايحبنيش هههههه )

ههههه
يعطيك الصحة صح الام تتعب ودير ماكلة نظييفة وخفيفة وحنا نتكبرو

مشكووووورة
​

مشكور على الرد والصراحة

​

 

[re..sonia..da]

أهلا بيك صونيا​

يعطيك الصحة على الموضوع الباهي
والله يما وختي يضالو حايرين واش يديرو الماكلة
لغدا هوا الصعيب لعشا ساهل واش يبقى الصباح ولا حاجة خفيفة برك
ويضالو يشاوروني واش سخفتو نديرولكم لغدا
واش نديرو
يضالو حايرات هههه​

تستهالي تقيييييييم​

شكرا سفيان
ايه هاذو فحلات يشاورو باه ما يكثرش عليهم التشناف ههههه
فكرة مليحة هاذي​

شكرا على الرد

​

 

[═♥.ЈŪšť_ màn.♥═]

كلامــ من الواقع الاختـــ الكريمة
انا شخصيــا نديرها و درتها بزاااااافــ _ مي كي كنت صغير ماشي دكا _
المهمــ .. كيما قلتـــ التشناف و التشنافــ هههههههه
ربي يهدينا و يهدي شباب المسليمن
و ربي يكون مع امهاتنــا .. يا رب العالمين
تحيــة ليكــ ​

 

[re..sonia..da]

والله العظيم يااختي غير دوركا بالذات راني ادوست مع خويا لقاني دايرة حريرة ​

قالي هذا واش لقيتو اديرو الحريرة راهي نبتت في كروشنا ونضت قليت فريت يااايما والله كنا مهنيين في رمضان سورتو من الغدا
ويجي وقت الفطور يوجد بلا جدنا
راني نقارع غير ويقتاش تخلاص لفاكونس ونروح نتهنى منهم هذو يومين برك راهم شيبوني​

يعطيك الصحة خيتو على الموضوع هههه والله خليتيني نجي نفرغ زعافي ديراكت​

يعطيك الصحة ختي
شوفي نتي عطلة برك وماقدرتيش فما بالك بلي طول العام وهي هكذا

​

 

[re..sonia..da]

السلام عليك

وعليكم السلام​

عيدك مبارك
وعيدك مبارك لك وللوالدة الفاضلة
تحياتي اليك و احتراماتي اليك شكرا
بارك الله فيك و عليك علي الموضوع الرائع و الي النقطة
المهمة وراء كتابة الموضوع
العفو
***
- من فينا نسي أو تناسي بركة الوالدين و خاصة الأم الحنون حيث وصي و قال :
أمك ثم أمك ثم أمك ثم ابيك
**لا تنهرهما و لا تقلهما أف **
** و قل ربي إرحمهما كما ربياني صغيرا **
*****
كل شىء يهون و يزول أمام قيمة و فضل الوالدين
كل شىء في الدنيا يعوض و تلقى له البديل
الا
الا
الا
الوالدين
حنينن الوالدين و كرمهما
ربي يطول في عمرهم ان كانوا حيين و يرحمهم اذا كانوا ميتين
***
من يريد أن يعرف قيمة ماوصل اليه و ما من رحمة نزلت و فضلت عليه دون غيره
لا بد أن يري الي منهم أقل مستوي منه و ما من هم في مستوي منحط منهم
من يأكلون من فضلات المزابل و مخلفات النفايات
من يأكلون مرة و لا يجدون مرات ما يأكلون
ومن ومن ومن ومن ومن
خلي البير بغطاه
شكرا لك صونيا و بارك الله فيك و عليك ​

كلامك يحدث العقل قبل القلب اخي وهذا لا يدل الا على رجاحة عقلك وتفكيرك الواعي
فعلا اذا دخلنا شيئا من التكبر (واعتبر التشناف على الاكل نوع من انواع التكبر) ننظر الى الفقراء والى من هم اقل منا مالا وهم كثيرون والله لنحمد الله على النعم التي نحن فيها
ربي يحفظلك الوالدة

 

[re..sonia..da]

كلامــ من الواقع الاختـــ الكريمة

انا شخصيــا نديرها و درتها بزاااااافــ _ مي كي كنت صغير ماشي دكا _
المهمــ .. كيما قلتـــ التشناف و التشنافــ هههههههه
ربي يهدينا و يهدي شباب المسليمن
و ربي يكون مع امهاتنــا .. يا رب العالمين

تحيــة ليكــ ​

شكرا على الصراحة عبدو وعلى الرد تاعك