لماذا أبناء المعلمين يتحصلون على المراتب الأولى؟

ا

الأمير الجزائري

:: عضو مُتميز ::
السلام عليكم
يمكن للأعضاء الكرام أنهم لاحظوا أن أبناء المعلمين والأساتذة (الأسرة التربوية) أغلبيتهم نجباء ويتحصلون على المراتب الأولى في التعليم في كل الأطوار .

لماذا أغلب أبناء عمال التربية -وبناتهم- نجباء واذكياء ويدرسون جيدا ويتحصلون على نتائج جيدة ؟
أم انني مخطئ ؟
أرجوا النقاش بأدب وشكرا لكم .
 
ليس الامر مقتصر على ابناء الأساتذة والمعلمين
فهناك الكثيرين من اسر امية وتجدهم من الاوائل فالذكاء نعمة الله على عبده
تقلي تلقاهم مبلعين وفي آخر السنة هم الأولين الي يجيبو تفوق نقلك ايه في امثلة حية على ذالك لكن بجهدهم نشك كاين بزاف الي يلعبو تحت الطاولة
ومنظلمش ناس ونكون حقية في تلاميذ ولاد الاسرة الترباوية متفوقين ويستاهلو نجاحهم وهم بالفعل اذكياء
لكن الذكاء لا يقتصر عليهم وحدهم
مع احترامي للجميع وللمعلم والمعلمة
فمن علمك حرفا كن له عبدا
شكرا اخي على الطرح المميز والموضوع الرائع
تحياتي​
 
اكيد شفنا هدي الظاهرة لانو المعلمون يدرسو ولادهم غير وين يقروا هوما يعني الاكثرية ينجحوا بالكذب و منعممش بسكو كاين اللي يقرا

شكرا ليك اخي
 
توقيع assinat
يا ودي لا أذكياء لا والو.......صح بالاك كاين منهم أذكياء مي لخرين والأغلبية تاعهم يمدولهم وش يراجعوا قبل الإمتحانات يعني يقولولهم راجعوا هادي وهادي وهادي.......وبالاك يتأثروا بجو القراية لخاطر والديهم معلمين .....هادا هو الرأي ديالي شكرااااااااااااااااااااا
 
هذه ليست نظرية صالحة لكل أبناء
المعلمين والأساتذة والأسرة التربوية
بصفة عامة ... كاين أبناء كيما نقولو
بالعامية مبوقلين مقفلين مع أنو الأب
ولا الأم ينتمي للأسرة التربوية ...
ويبقى فيهم لي يتحصل على هاذ المراتب
عن جدارة واستحقاق كونه نشأ في وسط
علم ... وكاين لي يتحصولو عليها من
وراء اسم الأم ولا الأب ... يعني pـيسطون
...
ولا يقتصر هذا الأمر في المجال هذا برك
حتى ولد فلان المدير تاع الشركة الفلانية
وولد فلان رئيس المجلس كذا يتحصولن على
هذه المراتب لماذا ؟
لأن اسمهم ثقيل في البلد ولأن الأساتذة
- حاشا البعض منهم - ما عندهم شخصية
يحبو يضربو الشيتااااااا
مغسي خويا عالموضوع
سلامو
​
 
توقيع الورد الأحمر
الســـــــــلآم عليــــــــكم

شوف خويا كاين ولاد معلمين و اساتذة الله يبارك يقراو مليح
و كاين لي مايقراوش و نعرف وحايد
.. هاذي حاجة عادية ..
اما كاين لي يخدعو و يزيدولهم النقاط و ينعتولهم
و هاذو لي راهم يغشو مايروحوش بعيد يجي النهار لي يحبسو فيه

مشكور اخي عالموضوع
​
 
كاين فيهم و عليهم
هوما تلقا اغلبيتهم يقراو لانو الوسط يعني لي راهم فيه
و كاين لي تلقاه باباه و امو لزوز دكاترة و ماشاء الله و هوما
في الحضيض
هادا يعتمد على التلميد و رغبتو
شكــــــــــــــــــرا​
 
تحية وشكر لجميع من وضع ردا سواء موافقا أو مخالفا .

أنا لم أقل كل أبناء المعلمين نجباء بل قلت أغلبهم وهذا ما استنتجته من الواقع
إبنة المدير الذي اعمل معه تحصلت على أكثر من 18 في البيام السنة الماضية وابن المشرف العام تم تكريمه في الولاية مع أعلى المعدلات في الباك وعندما ذهب للولاية وجد اغلب المكرمين أبناء قطاع التعليم .... وابنة أستاذ الفيزياء معي تحصلت على البيام فوق 17 هذه السنة ....-هذا ماأراه قربي-
صحيح معنا أستاذة علوم مطلقة ابنها أضعف معدل وعاود مرتين .
نحن نتحدث بشكل عام
وطبعا هناك نوابغ وأذكياء جدا أبناء ناس عاديين وفلاحين وبسطاء .
لكن أبناء قطاع التعليم هم الأكثر نسبة في النجاح وهذا لديه أسبابه
نعم هناك من يزيد في نقطة ابنه أو يعطيه السيجي ولكن عددهم قليل جدا لأن أغلب المعلمين يعرفون ان ذلك يضر ابنهم وليس ينفعه
مرسي لكم جميعا​
 
انا يما تقري فالعلوم
انا كنت ديما نجيب نقاط اولى فالعلوم
بزاف يقولولي ختراه امك تقري فالعلوم تحبي العلوم وتعرفيها
وكانت الهدرة هاذي تقلقني
ختراه انا يما جامي قراتني فالدار وماقريتش وين كانت تقري هيا
وكيما قالو لي قبلي كاين معلمين خرين تلقايهم يوصيو زملاءهم باش يزيدولهم النقاط
وباش تعرفي القراي من لي كانو يزيدولو
يبان كلش فالامتحانات الرسمية
سيزيام بيام وباك
الحمد لله الباك نتاعي العلوم هي الاولى وثبتهلم بلي بقرايتي ماشي بالهف
​
 
السلام عليكم

ماشي كل من والديه يخدمو في القطاع التربوي نجباء

انا مثلا قراو معايا 3 ذكور 2 اولاد اساتذة وواحد ابن مفتش ولا واحد فيهم داخلتلو لقراية

واذا كان الاغلبية كيما راكـ تقول فهذا يرجع للجو لي كاين في البيت يعني الوالد ولا الوالد يقري مادة تلقى الحديث عليها بزاف في البيت ويحثو اولادهم عليها بطريقة غير مباشرة ..

شكرا ليك اخي ||~~~
 
نجاة اختي رانا كيف كيف باسكو رانا على الهوا سوا مي انا ما زال ني في التاناوية (ليسي) وصح انا نشوف بزاف تلاميد ابناء عمال القطاع هما الاوائل ماشي لانهم يخدمو بيسطو ن نو الامتحانات الرسمية هي الجواب منها يبان القراي ولي غير معاهم معاهم ميرسي موضوع بياتاااااااا +تقييم
 
السلآم عليكم ​
شكرا على الموضوع أخي ​
صرآحة هو محير بعض الشئ​
منذ متى كآن العلم وتحصيل النتآئج الأولى حكر على أبنآء عمآل القطآع فقط​
كآين بزآف أوليآئهم أميين وهومآ متفوقين في درآستهم والحمد لله ​
ولآ كآين لي وآلديهم خآرج القطآع هآدآ كآمل وتصيب نتآئجهم ممتآزة ​
ومرآت تلقى وآحد وآلديه أسآتذة وهو فآلس ومآشي تع قرآية ​
ونعطيك مثآل حي وهو أنآ وآلدتي كآنت أستآذة ومستوآي جد متوسط في الدرآسة ​
يعني مآ لآزمش نقرنو هآد الشي بالأوليآء ممكن فقط الأستآذ تلقآه يشجع وليدو ​
ويرآقبو ديمآ ويحثو على الدرآسة ​
ويبقى كل وآحد ومستوآه وقدرة التقبل لي عندو ​
سلآآآآآآم​
 
..
اممممممم شوفـــ انتــ الشبب واااااااااااضحـــ
هادي هي ــ .. في كل المجالاتــ
لوكانـــ جا ابــ الولد سبورتيفــ يخرجــ الولد كيما باباه
و هادي هي
الاسرة التربيوية توقر العلمــ و هادا الارجحــ
تحياتي و بكل ادبــ هههههه

​
 
قال الأمير الجزائري:
تحية وشكر لجميع من وضع ردا سواء موافقا أو مخالفا .​


أنا لم أقل كل أبناء المعلمين نجباء بل قلت أغلبهم وهذا ما استنتجته من الواقع
إبنة المدير الذي اعمل معه تحصلت على أكثر من 18 في البيام السنة الماضية وابن المشرف العام تم تكريمه في الولاية مع أعلى المعدلات في الباك وعندما ذهب للولاية وجد اغلب المكرمين أبناء قطاع التعليم .... وابنة أستاذ الفيزياء معي تحصلت على البيام فوق 17 هذه السنة ....-هذا ماأراه قربي-
صحيح معنا أستاذة علوم مطلقة ابنها أضعف معدل وعاود مرتين .
نحن نتحدث بشكل عام
وطبعا هناك نوابغ وأذكياء جدا أبناء ناس عاديين وفلاحين وبسطاء .
لكن أبناء قطاع التعليم هم الأكثر نسبة في النجاح وهذا لديه أسبابه
نعم هناك من يزيد في نقطة ابنه أو يعطيه السيجي ولكن عددهم قليل جدا لأن أغلب المعلمين يعرفون ان ذلك يضر ابنهم وليس ينفعه

مرسي لكم جميعا​
إضغط للتوسيع...
وي صح في هادي عندك حق
و معاك بنت معلم و متحصلة على المرتبة الاولى ولائيا في البيام بمعدل
18.72 و يقراو معايا ولاد معلمين في الحضيض
وش راح تدير هادا يعتمد على التلميد مش والديه

​
 
من جد وجد ...
 
مشكور أخي الكريم على طرح الموضوع و بما أني من الأسرة التربوية أود التعقيب اذا سمحت
لماذا أغلب أبناء عمال التربية -وبناتهم- نجباء واذكياء ويدرسون جيدا ويتحصلون على نتائج جيدة ؟
لأن الحارس و المصحح و المدرس نفسه الاب أو الأم أو الأحباب و المعارف ربي يسترنا
أم انني مخطئ ؟ لا لست مخطأ بل عين الصواب حاشا الاساتذة لي يخدموا بأنضباط
أنا شخصيا أتفادي العمل في الأماكن التي تدرس فيها الأخوة نتاعي تماما لتفادي الشبهات و ربي يغفرلنا كاشما غلطنا
 
قال homework:
مشكور أخي الكريم على طرح الموضوع و بما أني من الأسرة التربوية أود التعقيب اذا سمحت
لماذا أغلب أبناء عمال التربية -وبناتهم- نجباء واذكياء ويدرسون جيدا ويتحصلون على نتائج جيدة ؟
لأن الحارس و المصحح و المدرس نفسه الاب أو الأم أو الأحباب و المعارف ربي يسترنا
أم انني مخطئ ؟ لا لست مخطأ بل عين الصواب حاشا الاساتذة لي يخدموا بأنضباط
أنا شخصيا أتفادي العمل في الأماكن التي تدرس فيها الأخوة نتاعي تماما لتفادي الشبهات و ربي يغفرلنا كاشما غلطنا
إضغط للتوسيع...

أهلا أخي
كلامك فيه بعض الحقيقة .... لكن نحن نتحدث عن الشهادات ... الباك... البيام.... السيزيام ...
أغلبية أبناء المعلمين يكرمون باعتبارهم الأكثر معدلا ....
ممكن أبوه أو امه يساعدوه في الاختبارات او ايعطوه السيجي أو يطلبوا من بعض الأساتذة مساعدته فقط في محيط المدرسة التي يدرس فيها لكن هل دائما يكون الأب والأم حاضرين معه ...في الامتحانات المصيرية حيث الأب ممنوع من الحراسة والتصحيح .
أكيد لا ...
تقبل تشكراتي
​
 
قال الأمير الجزائري:
أهلا أخي

كلامك فيه بعض الحقيقة .... لكن نحن نتحدث عن الشهادات ... الباك... البيام.... السيزيام ...
أغلبية أبناء المعلمين يكرمون باعتبارهم الأكثر معدلا ....
ممكن أبوه أو امه يساعدوه في الاختبارات او ايعطوه السيجي أو يطلبوا من بعض الأساتذة مساعدته فقط في محيط المدرسة التي يدرس فيها لكن هل دائما يكون الأب والأم حاضرين معه ...في الامتحانات المصيرية حيث الأب ممنوع من الحراسة والتصحيح .
أكيد لا ...
تقبل تشكراتي ​
إضغط للتوسيع...
اذا كان التفوق في الأمتحانات المصيرية خاصة الباك فهذا مجهوده الشخصي بمساعدة دروس التدعيم و الاب والام والأخوت اذا كانوا ذوي شهادات عليا
أما السيزيام و البيام فيه بعض التجاوزات و ووووو خلي برك كلشي في السترة
 
ليس بالضرورة يكونو من الأوائل

انا بابا أستاذ صح نقرا والحمد لله لكن أحيانا نكون من الأوائل واحيانا لا

واذا قريت على الاقل في وجه بابا مايقولوش أستاذ وبنتو حابسة؟

هذا رأيي ومن تجربتي

سلام​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom