لبارح قلت في قلبي علاه ماهيش لغتنا هيا اللغة لولة في العالم؟

[meriem150491]

السلام عليكم

اهلا اصحاب اللمة عندي بزاف محطيتش موضوع هنا

اليوم هاني جيت وان شاء الله نلقاو تفاعل من الاعضاء

اسيدي لبارح انا كنت قاعدة منعرف كيفاش حتان قالتلي ما
راهم دارو الاسبانية هيا اللغة الثانية في العالم

من بعد خدمتلي في راسي قلت علاش ماهيش اللغة العربية هيا اللغة العالمية الاولى من بعد يجيو اللغات لخرين

تالمون هد اللغة هي لغة القران الكريم كتاب الرحمن

علاه زعما اللغات لخرين خير من العربية؟

+ مي كيما رانا نشوفو اللغة العربية راها تمشي وتنقرض دك قليل اللي يحكي العربية الفصحى مليح

تلقاهم صغار 4 سنين ينعتلوهم في الفرنسي ولونجلي ولغتهم الام نساوها

تسقيه كلمة بالفرنسي قريب يعطيك وكتاش خرجت وشكون قالها
مي لا سقسيتو على كلمة بالعربية يقولك الله اعلم؟


هدا هو موضووعي لليوم ان شاء الله يعجبكم

صح نسيت نقولك انا مارانيش ضد تعلم اللغات كيعاد ملاح

مي مش لازم ننساو لغتنا الام وفي الحق نتعلموها هيا اللولة ونعرفوها مليح ومن بعد ساهلة ونحكيو بلغتنا

هيا سلام في انتظار تفاعلكم

​

 

[meriem150491]

شكرا لاعتماد الموضوع

 

[adel-mz]

سلام

والله كلامك اختي جواهر
هدا الكلام يقلوه الناس الغيورين على لغتهم ودينهم وعاداتهم وتقاليدهم
نعم لغة القرآن ،وتسمى لغة الضاد للاسف للاسف !!!!!!!!
ما يشاهد في زماننا هذا من افتتان فِئام من المسلمين بِتعلُّم لُغات الكفار للتفاخر بها ، وربما كان هذا على حِساب لغة القرآن ، اللغة العربية ، فهذا ضعف وانهِزامية !
واحيانا ،، نحشمو بيها،،
ولسنا ضد تعلم اللغات الاجنبية ولكن لاستعماله لما يرضي الله فمن تعلم لغة قوم امن شرهم .
وفي الاخير ماعسانا ان نقول اللهم اجعل لغة القران هي العليا ولغة الكفار هي السفلى .

مارسي عليك الاخت
​

 

[القطة الزهرية]

سلالالام
لغتنا اولا لغة الجنة ولغة القرآن الكريم
وماناش حنا برك الي ندمرو فيها تدريجيا ضك عدنا نشوفو في الجورنال عادو مايكتبوش باللغة العربية الفحصى هم قصدهم باه يفهمو الاميين واش يقولو بصح راهم يدمرو في لغتنا هذا امر خطير ولازم نحاولو نصلحوه ربي يهدينا يا اختي

 

[homework]

أختي الكريمة الهدف من عدم ترسيم اللغة العربية كلغة أولى في العالم هي خوف الدول الأجنبية من فهم الأجانب للقرأن الكريم و دخولهم الأسلام و أنتشار الأسلام في الدول الأوربية
و شكرا لكي على الموضوع

 

[ALEXIS SANCHEZ]

على هاذي تعرفي بلي العرب
هوما الفرش فالعالم
الله غالب العرب ماعندهمش كلمة فالعالم
العرب "امعة"
ياودي يحيا بومدين لي هدر بالفصحة في مجلس مانعرف تاع واش تاع دول العالم
الراجل كان يهدر من راسو كي شافو للورقة لي كان يقرا منها لقاوها فارغة
الرجلة ولا خلي

​

 

[Black-Blossom]

تالمون هد اللغة هي لغة القران الكريم كتاب الرحمن


مي مش لازم ننساو لغتنا الام ...

​

بون عندك الحق...او ديجا هاذي الفينومان انتشرت ياسر و لازم نحلوا هذا البروبلام قبل ما تضيع لالونج آراب
xD

***
اليوم اللي نتمسكوا بالإسلام و بلغة القرءان..سيعزنا الله
و ما إبتغينا العزة في غيره أذلنا

***

 

[meriem150491]

سلام

والله كلامك اختي جواهر
هدا الكلام يقلوه الناس الغيورين على لغتهم ودينهم وعاداتهم وتقاليدهم
نعم لغة القرآن ،وتسمى لغة الضاد للاسف للاسف !!!!!!!!
ما يشاهد في زماننا هذا من افتتان فِئام من المسلمين بِتعلُّم لُغات الكفار للتفاخر بها ، وربما كان هذا على حِساب لغة القرآن ، اللغة العربية ، فهذا ضعف وانهِزامية !
واحيانا ،، نحشمو بيها،،
ولسنا ضد تعلم اللغات الاجنبية ولكن لاستعماله لما يرضي الله فمن تعلم لغة قوم امن شرهم .
وفي الاخير ماعسانا ان نقول اللهم اجعل لغة القران هي العليا ولغة الكفار هي السفلى .

مارسي عليك الاخت
​

وعليكم السلام ورحمة الله

اهلا اخي عادل

نعم هي لغة القران بصح عدنا نحشمو بيها واللي يهدر بيها كي شغل مش مثقف ومش متفتح وراحت فينا عادات تاع نهدرو باللغات لخرين خاصة الفرنسية وحتى متكلمناهاش كاينين كلمات راحو فينا وكل جملة ندخلوهم

ان شاء الله كل واحد فينا يحاول يرتقي باللغة تاعو ويعرفها مليح ويخليها اولوية على اللغات لخرين

واكيد كما قلت مناش ضد تعلم اللغات بصح كاينة لغتنا اولى باش نتعلموها ملييييح

شكرا للمرور والرد نورت الصفحة بارك الله فيك


​

 

[AHLEM1992]

يا ختي واحد ماراه ينكر بلي العربية لغة الاسلام و الجنة و القرآن و و و
لكن حاليا ليست لغة التطور و الحضارة
و العالم علابالك بلي يمشي على اساس التطور
لوكان العرب جا عندهم العلم لوكان راهي اللغة الاولى عالميا
يعطيك الصحة ختي على الموضوع الحساس​

 

[═♥.ЈŪšť_ màn.♥═]

..
ان اللغة العربية هي لغتنا الحبيبــة و لا يمكنــ لها ان تنقرضــ ابدا
... و من اجل عدــمــ تصدرها اللغاتــ في العالم
الله غالب واشــ دير
هادو هومــا العربـــ بالاكــ يحشمــوا باللغــة ديالهم
مانيشــ نقول ما نتعلموشــ اللغات لخرين على جال من تعلم لغــة قومــ اتقى شرهمــ
هادي هي و الله غالب
اللغة العربية ... راحــ تنقرــضــ صح
و خير دليل الجامعاتــ ... كل شي بالفرنسية و الانجليزي
مي هادا هو التحلابــ
سلامــ​

 

[meriem150491]

سلالالام
لغتنا اولا لغة الجنة ولغة القرآن الكريم
وماناش حنا برك الي ندمرو فيها تدريجيا ضك عدنا نشوفو في الجورنال عادو مايكتبوش باللغة العربية الفحصى هم قصدهم باه يفهمو الاميين واش يقولو بصح راهم يدمرو في لغتنا هذا امر خطير ولازم نحاولو نصلحوه ربي يهدينا يا اختي

وعليكم السلام ورحمة الله

اهلا نورتي الصفحة اختي

يا اختي حنا العرب اللي طيحنا البق على رواحنا بكري كانو العرب هوما اللي يكتشفو ويعملو ويجدو ويكدو وكلنا نعرفو انو كان عندنا علماء عرب ومسلمين شهد لهم التاريخ

هدوك كانو غيورين على دينهم وعروبتهم مي دك الله غالب دك

شكرا للمرور ونورتي الصفحة بارك الله فيك


​

 

[meriem150491]

أختي الكريمة الهدف من عدم ترسيم اللغة العربية كلغة أولى في العالم هي خوف الدول الأجنبية من فهم الأجانب للقرأن الكريم و دخولهم الأسلام و أنتشار الأسلام في الدول الأوربية
و شكرا لكي على الموضوع

صحيح اختي شكرا للمرور ووجهة نظرك نورتي بارك الله فيك
​

 

[minattou]

والله غير عندك الحق

كيما الجار تاعنا صغير دخل للتحضيري

قاللك هو يتفرج ليكوميك غير بالفرونسي

مايعرفش العربية بزااااف

هيه مالا الاستادة حطتلو تصويرة الجزر وقالتلو واش هدا قاللها قاروطة والاسد: ليون ههههه

 

[المسلم حسني الجزائري]

وعليكم سلام رحمة بركات الله وبركاته
شكرا شكرا الف شكر جزيلا خيتي على هاته موضوع جميلة بارك الله فيكي
اما عن راي
شوفي خيتي صح هي لغة عرب هي لغة قراءن كريمة هاته صح مش توجد من يقول عكس هاته كلمة مي
كيف بغيتي تكون لغتنا عرب هي لغة 1 في هاته عالم ونحن مش نضع اسباب حصول هاته شي بل لدينا اسباب التي تجعلها اخر لغة في هاته عالم
1 * العرب حتى لما يكونون تكلم مع بعضهم ( عربي ومعه اخر عربي ) مش يكونون تكلم بلغتهم الام بل يتكلمو بلغة اخر مثلا فرنسي انجليزي الماني .... هكا يعني
2 * بلدان العرب مش بلد مطورون ابد ابد ابد بل متخلفون في صناعة وعلم وامور اخرون
كيف تريدي تكون هي لغة 1 في العالم
ليس لنا تعاملات مع العالم ولسنا ملوك الصناعة ولسنا ملوك العلوم حتى يكونون مضطرون لتكلم بلغتنا
ادا نريدها تصبح لغة 1 في عالم لازم تكون نطور بلداننا ونكون نحن نتكلم بها صوا نكون مع عربي او انسان مش عربي حتى نفرض عنه يتعلم لغتنا
اما ادا واصلنا السير مثل نحن هكا نبتعد عن ديننا وهويتنا عربي فهاته سامحني اقولليك غي لاتحلمي انها تكون هي لغة 1
احترامي لكي خيتي موضوعكي جميلة اعجبني بزاااااااااااف​

 

[meriem150491]

على هاذي تعرفي بلي العرب
هوما الفرش فالعالم
الله غالب العرب ماعندهمش كلمة فالعالم
العرب "امعة"
ياودي يحيا بومدين لي هدر بالفصحة في مجلس مانعرف تاع واش تاع دول العالم
الراجل كان يهدر من راسو كي شافو للورقة لي كان يقرا منها لقاوها فارغة
الرجلة ولا خلي

​

صحيح اخي ما قلت والله المشكلة كااامل فينا حنا العرب لو غيرنا في نفوسنا اكيد راح يتغير حالنا وحال دولنا للاحسن

دك المشكل او في الكبار دك مثلا اب ولا ام يكونو عندهم لولاد

ويشوفوهم يهدرو بلغات اخرى غير العربية اكيد الابن ولا البنت راح تعود تحكي كيفهم وتنسى العربية

لازم على الاباء يعلمو ولادهم اللغة العربية ولازم يفتخرو بيها لانها لغتنا الام

ولازم حنا نغيرو في نظرتنا للغة العربية ونحاولو انا نسعاو نتعلموها كثر من اللغات لخرين

اما تحكي على بومدين هداك راجل ونص ويستاهل كلمة عربي ومسلم حر

شكرا لمرورك نورت الموضوع بارك الله فيك
​

 

[meriem150491]

بون عندك الحق...او ديجا هاذي الفينومان انتشرت ياسر و لازم نحلوا هذا البروبلام قبل ما تضيع لالونج آراب
xd

***
اليوم اللي نتمسكوا بالإسلام و بلغة القرءان..سيعزنا الله
و ما إبتغينا العزة في غيره أذلنا

***

هههههههههههه عجبوني الكلمات المسطرين الله غالب دك راحو فينا الكلمات هدو بصح لازم نحاولو نحيوهم ونغيروهم بكلمات عربية خير

وكما قلتي نهار نتمسكو بالاسلام ولغتو ثم يفرج ربي علينا ونعودو خيار الشعوب

شكرا للمرور نورتي

 

[meriem150491]

يا ختي واحد ماراه ينكر بلي العربية لغة الاسلام و الجنة و القرآن و و و
لكن حاليا ليست لغة التطور و الحضارة
و العالم علابالك بلي يمشي على اساس التطور
لوكان العرب جا عندهم العلم لوكان راهي اللغة الاولى عالميا
يعطيك الصحة ختي على الموضوع الحساس​

صح يا اختي اني قلت في الردود السابقة انو المشكلة فينا مش في اللغة لانو لو تكلمنا بيها وعملنا على انها تكون اللغة الاولى لكانت بصح للاسف العرب منشغلين في امور تافهة لا تسمن ولا تغني من جوع
راهم يقتلو في بعضاهم ووووالخ

لانو لو تكاتفنا نحن العرب مش صاري فينا هك بصح للاسف

المهم شكرا لكي على المرور نورتي بارك الله فيك
​

 

[meriem150491]

..
ان اللغة العربية هي لغتنا الحبيبــة و لا يمكنــ لها ان تنقرضــ ابدا
... و من اجل عدــمــ تصدرها اللغاتــ في العالم
الله غالب واشــ دير
هادو هومــا العربـــ بالاكــ يحشمــوا باللغــة ديالهم
مانيشــ نقول ما نتعلموشــ اللغات لخرين على جال من تعلم لغــة قومــ اتقى شرهمــ
هادي هي و الله غالب
اللغة العربية ... راحــ تنقرــضــ صح
و خير دليل الجامعاتــ ... كل شي بالفرنسية و الانجليزي
مي هادا هو التحلابــ
سلامــ​

لالا اي في طور الانقراض على ما اظن

هيه المشكلة انو دك نصهم يحشمو يحكيو بالعربية تجيه عيب يقولك كون نحكي بالعربية دك يقولو مفريني ويمفهمش ومسوgر وكافي مالا يقولك نحكي كاش لغة خير


شكرا للمرور نورت بارك الله فيك
​

 

[meriem150491]

والله غير عندك الحق

كيما الجار تاعنا صغير دخل للتحضيري

قاللك هو يتفرج ليكوميك غير بالفرونسي

مايعرفش العربية بزااااف

هيه مالا الاستادة حطتلو تصويرة الجزر وقالتلو واش هدا قاللها قاروطة والاسد: ليون ههههه

ههههههههههههه قتلتيني بالضحك

ها شتي كيفاش المشكلة في الوالدين كون علموه سع واش يقولو للاسد بالعربية ومن بعد يقولولو باالفرنسي

ربي يهدينا هدا واش نقولو

شكرا للمرور العطر بارك الله فيك

 

[meriem150491]

وعليكم سلام رحمة بركات الله وبركاته
شكرا شكرا الف شكر جزيلا خيتي على هاته موضوع جميلة بارك الله فيكي
اما عن راي
شوفي خيتي صح هي لغة عرب هي لغة قراءن كريمة هاته صح مش توجد من يقول عكس هاته كلمة مي
كيف بغيتي تكون لغتنا عرب هي لغة 1 في هاته عالم ونحن مش نضع اسباب حصول هاته شي بل لدينا اسباب التي تجعلها اخر لغة في هاته عالم
1 * العرب حتى لما يكونون تكلم مع بعضهم ( عربي ومعه اخر عربي ) مش يكونون تكلم بلغتهم الام بل يتكلمو بلغة اخر مثلا فرنسي انجليزي الماني .... هكا يعني
2 * بلدان العرب مش بلد مطورون ابد ابد ابد بل متخلفون في صناعة وعلم وامور اخرون
كيف تريدي تكون هي لغة 1 في العالم
ليس لنا تعاملات مع العالم ولسنا ملوك الصناعة ولسنا ملوك العلوم حتى يكونون مضطرون لتكلم بلغتنا
ادا نريدها تصبح لغة 1 في عالم لازم تكون نطور بلداننا ونكون نحن نتكلم بها صوا نكون مع عربي او انسان مش عربي حتى نفرض عنه يتعلم لغتنا
اما ادا واصلنا السير مثل نحن هكا نبتعد عن ديننا وهويتنا عربي فهاته سامحني اقولليك غي لاتحلمي انها تكون هي لغة 1
احترامي لكي خيتي موضوعكي جميلة اعجبني بزاااااااااااف​

وفيك بارك الله

رايك صحيح اخي واش علينا القول الا ربي يهدينا شكرا للمرور نورت بارك الله فيك