ما هو مفهوم الزواج عند النساء و الرجال الكل يشارك

[عبيدة82]

السلام عليكم و رحمة الله و بركاته
واش راكم يا أهل اللمة إن شاء الله الكل بخير
هاذ المرة حبيت نطرح موضوع مهم بزاف في مجتمعنا الي رانا نعيشو فيه و هو مفهوم الزواج عند الراجل و المرا
رانا نشوفو بلي المفهوش الشرعي للزواج راه ينقص بزاف
يعني تكون اسرة مبنية على الحب و المودة و العشرة بالمعروف و التفاهم و تربية الابناء تربية سليمة
درك رانا نشوفو بعض الرجال دايرين المرا غير للماكلة و الغسيل والفراش برك ما يسولها و يشاورها ما ياخد رايها في اي حاجة
و نشوفو تاني النساء كل واحدة تقولك حاباته يكون كيما الخاتم في صبعي و ندير واش بغيت و تدير واحد الطقوص نتاع شعوذة من ليلة الفاتحة نتاعها الي ليلة الدخلة الى الايام الي من بعد يعني مادام حابة تديري واش تحبي علاش تزوجتي اصلا
و هاذ الامور هي الي خلات الطلاق يزيد في بلادنا
نرجو مشاركة الجميع و كل واحد يبدي رايه
​

 

[عبيدة82]

14 مشاهدة و مافيش ولا رد
​

 

[سمية25]

السلام عليكم واش خو صافا
هي صح كاينين وبزاف اللي رجال يتزوجو فقط من اجل الاولاد وكاين اللي من اجل اشباع رغباته...... فقط وكاين وكاين ..........وثاني كاين النساء الي تتزوج هي تاني غير باش تنجب ولا تتبهى فقط بلي تزوجت وهي ماهيش مرضيا زوجها لا في الفراش ولا في البيت
سبحان الله انا تاني راني حائرة كيفاش يقولو رانا متزوجين وراهي عندنا بيوت زعما راهم قايمين بمسؤولياتهم اتجاه بيت الزوجية حتى يقولو رانا متزوجين ..........درك رانا نشوفو ماراهش كاين الزواج راه كاين فقط على الورق اما في الواقع راه فردي مشي راه زوجي كل متزوج راه يتزوج يكمل حياتو كيما كان من قبل يقولك انا مكانش اللي تجي وتبدلي حياتي ولا تقولي علاش........... والمراة تاني تقول انا هكدا كنت عايشة من قبل مقلشة وحرة ايا مكاش اللي يغيرلي طريقة عيشي اللي راني دايرتها .........
سبحان الله ونزيد نقولك هذو اللي عايشين هكدا موحال ايلا راهم عايشين بسعادة وهناء وراحة البال
الله يهدينا ويهديهم ويبعد علينا وعليكم البلاء
على العموم اشكرك على الموضوع الرائع وان شاء الله ربي يخليك لينا و لوالديك ...اميييييييين

 

[عبيدة82]

السلام عليكم واش خو صافا
هي صح كاينين وبزاف اللي رجال يتزوجو فقط من اجل الاولاد وكاين اللي من اجل اشباع رغباته...... فقط وكاين وكاين ..........وثاني كاين النساء الي تتزوج هي تاني غير باش تنجب ولا تتبهى فقط بلي تزوجت وهي ماهيش مرضيا زوجها لا في الفراش ولا في البيت
سبحان الله انا تاني راني حائرة كيفاش يقولو رانا متزوجين وراهي عندنا بيوت زعما راهم قايمين بمسؤولياتهم اتجاه بيت الزوجية حتى يقولو رانا متزوجين ..........درك رانا نشوفو ماراهش كاين الزواج راه كاين فقط على الورق اما في الواقع راه فردي مشي راه زوجي كل متزوج راه يتزوج يكمل حياتو كيما كان من قبل يقولك انا مكانش اللي تجي وتبدلي حياتي ولا تقولي علاش........... والمراة تاني تقول انا هكدا كنت عايشة من قبل مقلشة وحرة ايا مكاش اللي يغيرلي طريقة عيشي اللي راني دايرتها .........
سبحان الله ونزيد نقولك هذو اللي عايشين هكدا موحال ايلا راهم عايشين بسعادة وهناء وراحة البال
الله يهدينا ويهديهم ويبعد علينا وعليكم البلاء
على العموم اشكرك على الموضوع الرائع وان شاء الله ربي يخليك لينا و لوالديك ...اميييييييين

لك جزيل الشكر على المرور و الاضافة القيمة للموضوع بارك الله فيك

 

[l'espoire.h]

الزواج مسؤولية كبيرة على عاتق الزوج و الزوجة، يعني الواحد و لا الوحدة كي يخمم و لا تخمم ترتبط، يديرو في بالهم بلي رايحين تعيشوا ما تبقى من حياتهم مع بعض، على هذا لازم يفكروا كثيرا قبل ما يتاخذوا هذا القرار، لانو زواج ماشي لعبة و لا تسلية و لا نزهة و لا سفرية عندها مدة و تنتهي و فيها كامل الاحلام الوردية، لا الزواج راه مسؤولية من نهار عولوا فيه يكونو اسرة، لازم يديروا في بالهم بلي ما غاديش تعيش حياة كلها سعادة، لأنو ربي سبحانو خلق السعادة و الحزن ، خلق الضحك و البكاء، حتى الصلاة فيها حركات ما اقتصرتش على وقوف مثلا أو السجود فقط بل فيها عدة حركات حتى الانسان ما يملش ، ان الزواج هكدا في الحلو و المر في البكاء و الضحكة و فيه الحزن و السعادة، و هنا يرجع الامر للزوجين لازم يعرفو كيفاه يسيروا حياتهم ، ما لازمش يتوقفوا عند نقطة واحدة، نتمنى اني وصلت و لو القليل عن مفهوم الزواج في نظري انا، و اسمحولي اذا طولت عليكم لك تحياتي.

 

[الخجولة]

تسلم على الموضوع
ولكن انا لساتني صغيرووووووووونة
ههههههههههههههههههههه

 

[عبيدة82]

الزواج مسؤولية كبيرة على عاتق الزوج و الزوجة، يعني الواحد و لا الوحدة كي يخمم و لا تخمم ترتبط، يديرو في بالهم بلي رايحين تعيشوا ما تبقى من حياتهم مع بعض، على هذا لازم يفكروا كثيرا قبل ما يتاخذوا هذا القرار، لانو زواج ماشي لعبة و لا تسلية و لا نزهة و لا سفرية عندها مدة و تنتهي و فيها كامل الاحلام الوردية، لا الزواج راه مسؤولية من نهار عولوا فيه يكونو اسرة، لازم يديروا في بالهم بلي ما غاديش تعيش حياة كلها سعادة، لأنو ربي سبحانو خلق السعادة و الحزن ، خلق الضحك و البكاء، حتى الصلاة فيها حركات ما اقتصرتش على وقوف مثلا أو السجود فقط بل فيها عدة حركات حتى الانسان ما يملش ، ان الزواج هكدا في الحلو و المر في البكاء و الضحكة و فيه الحزن و السعادة، و هنا يرجع الامر للزوجين لازم يعرفو كيفاه يسيروا حياتهم ، ما لازمش يتوقفوا عند نقطة واحدة، نتمنى اني وصلت و لو القليل عن مفهوم الزواج في نظري انا، و اسمحولي اذا طولت عليكم لك تحياتي.

لك جزيل الشكر على الإضافة القيمة
بارك الله فيك
​