الزيراوي من يدين ماما بالخطوات المصورة

[ام منصف]

الزيراوي طبق تقليدي مشهور خاصة في اعراس الشاوية
فحبيت نشارككم بيه

المقادير
سميد وياريت يكون من النوع المليح
ملح
شوية زيت
ماء للعجن
***
غرس
زبدة
شوية حليب سائل

للتزيين
مكسرات وسكر ناعم اختياري

التحضير
العجينة خلطي كل المقادير وشكلي عجينة كيما نتاع الرقاق عادي

طيبيها في الطاوة الخاصة بالرقاق وحاولي القرصة تكون رقيقة جدا

وهي سخونة خرجيها على الغربال الخاص بالزيراوي

وهذه النتيجة

في طنجرة ذوبي الزبدة والغرس مع شوية حليب

بعدما يذوب حطيه على الفتات اللي حصلتي عليه

وخلطي مليح بين كفي يديك عندك لا يحرقك الغرس على خاطر سخون

كي تخلصي عاودي خرجيه على الغربال الخاص مرة اخرى وهذه النتيجة

فوريه واسقيه بشوية زبدة حرة وممكن تضيفي شوية عسل حسب الذوق وزيني بالمكسرات

وممكن تزيني بسكر ناعم

ويقدم مع اللبن اممممممممممم

اتمنى انكم تجربوه ويعجبكم
بانتظار ارائكم



​

 

[oumniati]

امممممممم يا ام منصف غير دخلت شفتو اول مرة نسمع بيه بصح رووووووعة ربي يعيشلك ميمتك سلمي عليها بزاف
++++احلى تقييم

 

[ibtesem]

اممممممممممممم ام منصف انا تاني اول مرة نعرفو كليتو مرة مي بلا تمر
انشاء الله يتجرب

 

[الحلم الوردي]

يعطيك الصحة
اممممممممممممممممم
شهيتيني
بصحتك

​

 

[روعة2005]

هايل هايل يا شريفة ربي يحميلك ميمتك راهو خرجلها فور تاع الصحة والله غير سخفتني موت
نهار لي نجي نباركلك بدار الجديدة ديريهولي مممممممممممممممممممممممم ههههها

 

[imane27]

يعطيك الصحة ام منصف رائع اول مرة نسمع بيه واحلي تقيم ليماك

 

[اطمئنان]

ياربي يشهي
اول مرة نسمع بيه

اكيد يحتاج براعة باش ننجحوا فيه

 

[عشقي الامارات]

ah klitou mera fi annaba
ya3tik essa7a

 

[ندى الورود]

يعطيها الصحة الوالدة الكريمة ويطول في عمرها
الصراحة الزيراوي اسمه غريب عليا
بصح هو شوي يشبه للرفيس عندنا نقدمه في اعراسنا
ماشي الرفيس التونسي اللي بالغرس
الرفيس اللآخر اللي عجينته كيما تاع المقروض

​

 

[faloussa]

اممممممممم والله يشهى احنا نقولولو رفيس الملاوي مي جا فوووور ربي يعيشلك اميمتك ويعطيها الف صحة ​

 

[صفية الروح]

زيراوي اكلة معروفة عندنا حنا الشاوية خاصة في المناسبات و في المناطق الاخرى معروف بالرفيس
يعطيها الصحة الوالدة الكريمة ربي يحفظها هذا التاع الشخشوخة انا بصراحة نحب الي بكسرة الرخسيس
ومع اللبن امممممممممم طعم لا يقاوم
بارك الله فيك ام منصف صحيتي يالشاوية الفحلة سخفتيني

 

[nada242008]

رووووعة رووعة تسلم ايدين الوالدة الغالية باينة بلي حرة الحراير :sheer:
بلغيلها سلامي الحار

 

[rima29]

merciiiiiiiiiiiiiiii
bayn bniiiiiiiiin​

 

[assia dz]

يعطيك الصحة أم منصف، وربي يحفظ الوالدة أول مرة نسمع بالزيراوي، بصح باين بنين يستحق التجريب.

 

[ام منصف]

oumniati الله يسلمك وسوالك راهو لحق لماما

ibtesem تقدري ديريه بنفس الطريقة تنحي الغرس وتزيدي العسل ويجي اممممممممم

ملاك25 الله يسلمك وشكرا على المرور

فوفة 2011 ان شاء الله ارواحي برك وانا نفرشلك الارض ورد حبيبتي

imane27 الله يسلمك لويزة جربيه ورجعيلي لخبر

اطمئنان بنين وهايل يحتاج شوية براعة برك :showoff: بصح ساهل شكرا على المرور

عشقي الامارات بصحتك وشكرا على المرور

ندى الورود لا لا هذا يتخدم بعجينة الرقاق نتاع الشخشوخة حنا كي نديرو الشخشوخة نزاودوا للزيراوي الف شكر على المرور

faloussa يشبه شوية بصح هذا ترحيه في الغربال الخاص والاخر تقصيه
باقة ورد للجميع

​

 

[أم نيفين]

بارك الله في ماماك ..ربي يعطيها صحتها و يخليهالك
أنا أول مرة نسمع بيه بصح باين بنين

 

[cherine]

رووووعه يعطيك الصحة وربي يخليلك ميمتك آمين يارب

مشكوورة قلبي​

 

[حاملـة المسك]

سبحان الله الشبه كاين مع شويا إختلاف
في مكان الغرس حنا نديرو السكر
الله يحفظ الوالدة الكيمة
جزيت خيرا أم منصف​

 

[حكيك]

يعطيك الصحة ام منصف رائع اول مرة نسمع بيه نجربو ان شاء الله

 

[amira2011]

تسلم الأيادي