علاه في بلادنا يحـgـرو الزوالي...؟؟؟

[ALEXIS SANCHEZ]

السلام عليكم ورحمة الله وبركاته


ماعنديش مقدمات ومانهدرش الكلمة الحلوة

راح نحكي على العبد الزوالي كيفاه عايش وكيفاه يعاملوه الناس


في بلادنا تعرفو الشعب نتاعنا بلي العبد الزوالي يركبو عليه ويحـgـروه ودايرينو كعبة

طبعا هنا فالمنتدى ماكاش الزوالي بويسك كامل راكم تكوناكتيو
يعني راكم عايشين لاباس احمدو ربي
وانا ثاني معاكم باه ماتقولوليش
عار عليك اذا فعلت عظيم

المهم
في البلاد الزوالي مايقضيش صلاحو بويسك اصلا ماشي عاطيينو صلاح
مثلا كي يبنو سكنات جديدة ماشي راح يعطوها لواحد زوالي على الحديدة
طبعا يعطوها لواحد عندو سكنة ويحوس على الدوزيام
طبعا بشرط تشيبة لوكان نحسبوها نلقاوها تشري دار واحدخرا
والزوالي الله غالب عليه مايقدرش يحط تشيبة

الزوالي المسكين في بلادنا عاد يبور مايتزوجش .. علاه ؟
ياك رانا نقولو زوالي
فهذا الوقت لبنات ماعادوش يحوسو على الرجلة فالراجل
عادو يبغوه موول شكارة معمرة وصاي
طبعا مع اودي ولا بيام
الا من رحم ربك
يعني الزوالي في بلادنا مغلوقة عليه على الدوبلي بلا

نولو للغاشي كيفاه يعامل الانسان الزوالي
هنا فالبلاد باه يقادروك ويتحولك ويديرولك قيمة لازم تكون عندك
لوطو اللخرة اودي ولا بيام
ولا تكون موول شكارة معمرة
ولا تكون عندك ختك مليحة
واكدولي على هاذي اللخرة بويسك تعرفو شي بشر كيفاه يفكرو

نولو للشيخ الزوالي تلقاهم يتكبرو عليه مايعبروهش مايديرولوش حتى ربع قيمة
بالعربية يعفسو عليه ودايرينو كعبة


طبعاااا
حكيت على الزوالي بمفهومنا الخاص في الشارع الجزائري
بويسك انا نظن بلي الزوالي تاع الصح
هو الانسان لي مايخافش ربي

ومانساوش يا ناس بلي
ان اكرمكم عند الله اتقاكم
وديرو في بالكم بلي الهنا يغلب الغنا
والدنيا فالنية ومايبقى غير مولاها
والاخرة بالافعال ماشي بالوجوه



واسمحولنا كي رانا عايشين


​

 

[ALEXIS SANCHEZ]

جماعة اعطيونا ردود ما تتكبروش
لوكان كتبتلكم موضوع بايخ اديرو لا كورس باه تردو
​

 

[iman la brune]

الزوالي ميحقروهش الناس غير لا حقر روحو هو
هذا هو ردي
​

 

[virus2015]

جماعة اعطيونا ردود ما تتكبروش

لوكان كتبتلكم موضوع بايخ اديرو لا كورس باه تردو​

خسارة عليك خويا، دوك برك قريت الموضوع ديالك،
لي عودة إن شا الله​

 

[ALEXIS SANCHEZ]

خسارة عليك خويا، دوك برك قريت الموضوع ديالك،
لي عودة إن شا الله​

تعجبني صاحبي
يحياو الرجاااال
​

 

[يوسےفے]

على سلامتك ابرااااهيم هذي غيبه
واش نقولك خويا
النااااس راها مظاهر في وقتنا
قليل لي يتقى ربي في خوه في هذا الوقت
دارو الدراهم لي هو وسخ الدنيا ....همهم في هذي الحياه
و أصبحنا في قول من "ملك المال ملك الناس"
و تناسو قول الرسول ....عن أبو هريرة رضي الله عنه عن النبي صلى الله عليه وسلم أنه قال:
(( تعس عبد الدينار وعبد الدرهم وعبد الخميصة ))
و في معنى الحديث ...انه لي يحب الدراهم و المال ....و الخميصه قصدها ..اللباس
لي يتبع هاذو الصوالح بزاااف ..عيش مهمو البال...عمره ..ما يتهنى
ربي يصلح لحواااال
شكرااااا برهووومه
​

 

[virus2015]

تعجبني صاحبي​

يحياو الرجاااال​

الله يعزك خويا، ويعطيك الصحة على الموضوع
صح الزوالي وين يروح محقور، بلا ما نهدرو كالسكن والحوايج الكبار،
نهدرو غير قيسنا: كي يروح يخرج كواغط، يسوفري، يدير لاشان،
وما تجي دالتو حتى يجوز قبلو 70 واحد كان موراه :scared:
في السبيطار، كيف كيف هذاك العساس هو اللي يقولك بللي ماكاش بلاصة،
ولا يلزمك أشعة، أصبر شهرين ولا كثر، :sadwalk:
تروح تخلص دراهمك اللي شهر طول وأنت تعرق عليهم،
السيتام حابس، ولا خلاصو الدراهم، ....
ولا عندك الزهر يصحولك ورق قدم تولي كي تروح تشري بيهم،
تحلل باش يقبلوهم ويبيعولك :shay:
والمشكل أن هذا اللي يحقر الزوالي هو زوالي كيفو :cra_zy:
وماشي محال هاد الزوالي المسكين اللي راهو غايضك
راهو يحقر من جهة أخرى _o:​

خويا أنا نشوف بللي لازم كل واحد فينا يسقم روحو
باش نتسقمو جميع :showoff:
" إن الله لايغير ما بقوم حتى يغيروا ما بأنفسهم"​

ربي يحفظك خويا، ويبعد عليك الحقارين​

 

[مابقاش بزاف.Dz]

السلام عليكم
يعطيك الصحة خو على الموضوع الباهي
و حكاية الزاوالي توجور ماشية في بلادنا يعني حالة تعيي من كل المجالات
ربي يفرج هدا ما نقول كلامك كفى

 

[adel-mz]

يمشي الفقير وكل شيء ضده 00 والناس تغلق دونه ابوابها

وتراه مبغوضا وليس بمذنب 00 ويرى العداوة لايرى اسبابها

حتى الكلاب اذا رأت ذا ثروة 00 خضعت لديه وحركت اذنابها

وإذا رات يوما فقيرا عابرا 00 نبحت عليه وكشرت انيابها

لك مني ارقى التحيات
accepté ya chef :re_gards:
​

 

[ابتسامة أمل]

السلام عليكم

الزوالي يا أخي ماشي غير ف بلادنا محgور مي عند لعرب كامل.....

المهم الناس ره ولات تتهف بالمظاهر بلاك واحد زوالي و ما عندوش نهار اطيح في يدو لبسة شابة و يروح يقضي بيها صوالحو يلقاهم يتفراو بلا ما يشقا.....وعلاش؟ بانلهم مرفه.....
ولينا يا اخي في زمان "عندك تسوا ما عندكش ما تسواش".....
و كيما قال الأخ دي فوا تلقا الزوالي هو اللي يحقر الزوالي....؟وعلااااش؟ et pourtant راه ذاق الحgرة ؟؟؟


أخيرا الزوالي هو ثاني ماشي لازم يطيح بروحو و يحس روحو ذليل .....هو راه بنادم و لازم يدخل في راسو بللي القيمة ماشي ف الدراهم و ربي هو اللي ما عطاهش و هو الا حب يعطيه _سبحانو_و ماشي العباد


و يعطيك الصحة خونا على الموضوع

بالعربية يعفسو عليه ودايرينو كعبة

في بلادنا تعرفو الشعب نتاعنا بلي العبد الزوالي يركبو عليه ويحـgـروه ودايرينو كعبة

ملاحظة برك واش معنتها "كعبة" ف هدرتكم؟​

 

[هآجر]

السلام عليكم

اهلا براهيممولا 19 سنة وش راك عاش من شافك ادور في اللمة

بخصوص الزوالي

وشكون قالك بلي الي يكنكتيو كامل هنا في اللمة مهمش زواليا لا الاشتراك نتع النت بقداه ولا خلاصو اقل شرعة راهي ب 60 الف لا مكنتش غالطة

الزوالي والفحل الي يتكل على ربي بالدعاء كل فجر

عندنا جارننا هنا ساكنين في الدار العائلة فوق بعضاهم الكنة كل يوم تدعي في الفجر ولك يوم كل ما تلقى ماما تقلهاادعيلي نتهنى وعندهم قريب 20 سنة حاطين الدوسي نتع السكن الاجتماعي

السمانةالي فاتت علقوا المستفيدين واذا بها يتصل بها احد اقربها ويقلها اسمكم راهم معلق مبروك عليكم وهي كانت قاطعة الياس

يعني رزقها ربي من حيث لا تحتسب

مبروك عليها وتهنات هي وراجلها وولادها من عيشة المزية

وربي يرزق كل مؤمن عن قريب ومن حيث لا يحتسب

وعليكم السلام

++تقييم​

 

[بيكهام]

الله غالب وقت المادة وقت مظاااهر هيا لتحكم

الف الف شكر ليك
​

 

[مرام التيبازية]

سلام خويا بارك الله فيك موضوع شباب
ايه ياخويا هادي هي الدنيا والعرب يبغوا غير يحقروا الزوالي بصح كاين ربي نوووورمال ربي معاهم
وشكرا مرة ثانية على الموضوع

 

[ALEXIS SANCHEZ]

الزوالي ميحقروهش الناس غير لا حقر روحو هو
هذا هو ردي
​

هذا رايك
والله على حساب ماشفت فالدنيا هاذي
الزوالي ماراهش حاقر روحو
نمدلك مثال برك
لوكان يلبس ويضرب الحطات يعلققو فيه التيكيات
ويستهزو بيه و و و عفايس بزاف
صحيتي
​

 

[ALEXIS SANCHEZ]

على سلامتك ابرااااهيم هذي غيبه
واش نقولك خويا
النااااس راها مظاهر في وقتنا
قليل لي يتقى ربي في خوه في هذا الوقت
دارو الدراهم لي هو وسخ الدنيا ....همهم في هذي الحياه
و أصبحنا في قول من "ملك المال ملك الناس"
و تناسو قول الرسول ....عن أبو هريرة رضي الله عنه عن النبي صلى الله عليه وسلم أنه قال:
(( تعس عبد الدينار وعبد الدرهم وعبد الخميصة ))
و في معنى الحديث ...انه لي يحب الدراهم و المال ....و الخميصه قصدها ..اللباس
لي يتبع هاذو الصوالح بزاااف ..عيش مهمو البال...عمره ..ما يتهنى
ربي يصلح لحواااال
شكرااااا برهووومه
​

الله يعزك شريكي
اودي الناس ذروك ماتفهمش بلي الصح gـاع واش كاين فالجمجومة خخخخخخخ
الشعب ولى يخمم بالمقلوب
وكيما قالك يا المشبح من برا واش حالك مالداخل
مانعرف لا جبتها صح ولا لا خخخخخخخ
صحيـــــــــت صديقي
​

 

[ALEXIS SANCHEZ]

الله يعزك خويا، ويعطيك الصحة على الموضوع
صح الزوالي وين يروح محقور، بلا ما نهدرو كالسكن والحوايج الكبار،
نهدرو غير قيسنا: كي يروح يخرج كواغط، يسوفري، يدير لاشان،
وما تجي دالتو حتى يجوز قبلو 70 واحد كان موراه :scared:
في السبيطار، كيف كيف هذاك العساس هو اللي يقولك بللي ماكاش بلاصة،
ولا يلزمك أشعة، أصبر شهرين ولا كثر، :sadwalk:
تروح تخلص دراهمك اللي شهر طول وأنت تعرق عليهم،
السيتام حابس، ولا خلاصو الدراهم، ....
ولا عندك الزهر يصحولك ورق قدم تولي كي تروح تشري بيهم،
تحلل باش يقبلوهم ويبيعولك :shay:
والمشكل أن هذا اللي يحقر الزوالي هو زوالي كيفو :cra_zy:
وماشي محال هاد الزوالي المسكين اللي راهو غايضك
راهو يحقر من جهة أخرى _o:​

خويا أنا نشوف بللي لازم كل واحد فينا يسقم روحو
باش نتسقمو جميع :showoff:
" إن الله لايغير ما بقوم حتى يغيروا ما بأنفسهم"​

ربي يحفظك خويا، ويبعد عليك الحقارين​

صحيت
اودي نظن بلي حنا مانتسقموش شحال وحنا نقولو لي جاي خير ملي فات و والووو
الشعب يبغي المادة برك موول الشكارة يتحولو بففففففف يعيو
صحيت صديقي
​

 

[ALEXIS SANCHEZ]

السلام عليكم
يعطيك الصحة خو على الموضوع الباهي
و حكاية الزاوالي توجور ماشية في بلادنا يعني حالة تعيي من كل المجالات
ربي يفرج هدا ما نقول كلامك كفى

الله يعزك
الزوالي في بلادنا يموووووووت
ربي يصلح لحوال
صحيتي
​

 

[ALEXIS SANCHEZ]

يمشي الفقير وكل شيء ضده 00 والناس تغلق دونه ابوابها

وتراه مبغوضا وليس بمذنب 00 ويرى العداوة لايرى اسبابها

حتى الكلاب اذا رأت ذا ثروة 00 خضعت لديه وحركت اذنابها

وإذا رات يوما فقيرا عابرا 00 نبحت عليه وكشرت انيابها

لك مني ارقى التحيات
accepté ya chef :re_gards:
​

زيــــــــــن الكلاااااااااام
ماعندي مانزيد خخخخخخ
صحيـــــــت صاحبي
​

 

[manel@]

صحيت خويا على الموضوع وربي ينورك
صح عندك الحق
حنا رانا نشوفوا فيها ماشي غير في السكنة
حتى في القراية
اذا كان ابوك استاذ او مدير او من هذا القبيل راك تدي النقطة واذا كان ابوك ماشي خدام ولا يخدم خدمة تاع ثلث ملاين ولا ربع ملاين ما يعبركش قاع الاستاذ بصح خسارة عليهم نساو بلي حنا رانا عندهم امانة
ونساو ثاني بلي الناس سواسية
واش تدير الله غالب هذا واش كتبلنا ربي ماعلينا غير الصبر وان شاء الله تجينا العاقبة حلوة
وربي ينصر الفقراء ان شاء الله ويرزقهم بالمال الحلال
​

 

[ALEXIS SANCHEZ]

السلام عليكم

الزوالي يا أخي ماشي غير ف بلادنا محgور مي عند لعرب كامل.....

المهم الناس ره ولات تتهف بالمظاهر بلاك واحد زوالي و ما عندوش نهار اطيح في يدو لبسة شابة و يروح يقضي بيها صوالحو يلقاهم يتفراو بلا ما يشقا.....وعلاش؟ بانلهم مرفه.....
ولينا يا اخي في زمان "عندك تسوا ما عندكش ما تسواش".....
و كيما قال الأخ دي فوا تلقا الزوالي هو اللي يحقر الزوالي....؟وعلااااش؟ et pourtant راه ذاق الحgرة ؟؟؟


أخيرا الزوالي هو ثاني ماشي لازم يطيح بروحو و يحس روحو ذليل .....هو راه بنادم و لازم يدخل في راسو بللي القيمة ماشي ف الدراهم و ربي هو اللي ما عطاهش و هو الا حب يعطيه _سبحانو_و ماشي العباد


و يعطيك الصحة خونا على الموضوع







ملاحظة برك واش معنتها "كعبة" ف هدرتكم؟​

صحيتي
bon
انا من الوسط المدية اكزاكت و عند ناس الوسط كلمة كعبة معناها
كيما نقولو العبد اللخر gـاع شغل كعالة كيما الكعب تاع الرجل حاشااك
هاذي بالتقريب
​