في الجزائر فقط - كي تشتري حاجة يرد ليك الصرف حلوة

[zagane]

السلام عليكم

في الجزائر فقط - كي تشتري حاجة يرد ليك الصرف حلوة

ظاهرة غربة انفرد بها هذا المخلوق الغريب الأطوار طبعا الجزائري تضاف إلى سجله الحافل بالخوارق في التصرفات اللا شعورية والاستشعاريه

أيا كي تدخل إلى دكان و تشتري عليه مجموعة مواد غداءيه و يبقى ليك صرف مثلا ثلاث مائه فرانك يرجع ليك ثلاث حبات حلوة أو علك ههههههههه
تشتري خبزة واحدة ثمنها ثمانية دينار مثلا و تعطيه ألف فرانك يعطيك الخبز و معاه زوج حبات حلوة
تدخل إلى طاكسي فون تعيط بالهاتف تقول ليه ثمن المكالمة شحال يقول ليك ألفين و ست مائه تعطيه ثلاث آلاف يرجع ليك أربع حبات حلوة أو علك ههههههه
أملا تديهوم و تخلطهم مع الصرف كي تلقى أي طفل في الطريق تعطيه هاديك الحلوة
صدقه إجبارية ههههه ماشي جارية
يرحم باباك شكون لي قال ليه أنا ناكل الحلوة
بلاك انا أسنان كامل مساوسين أعطيني صرفي
يا هل ترا المرة الجاية لو كان نجي أنا نشري عليه خبزة واحدة ثمنها ثمانية دينار و نعطيه خمس مئات فرنك معها ثلاث حبات حلوة هادوك لي رجعهوم لي المرة السابقة
هل يقبل و يبيع لي
أيا نردوهأ كامل الصرف بالحلوة
و عشرين ألف 20000 هي حبة تاع كعك
مئات ألف 100000 هي إن تارت Une Tarte
تشوف الجزائريين طالعين بالحلوة و حبطين بالحلويات الكوفر معمر حلوة ماشي دراهم
تروح لي البوسطة بصك بريدي يعطوك عورام حلوة
تروح تخلص الماء و الكهرباء بي قفه حلوة
تفليكسي الحلوة في البورتابل ،،، و ما يقول لكش بق لك لي زينيت يقول ليك باقي ليك حلاويتي
واقيلا هذا هو حل مشكل السيولة النقدية في الجزائر
أيا ألردود تكون كذالك ب الحلوى تاع دراجي
أعتمد هذا الموضوع و أعطيك شكاره حلوة

 

[fofabriyanka]

و شحال نفرح لما واحد يردلى حلوة فى بلاصة الصرف من وقت كنت صغيرة لحد الان.............جزايريين كلهم حلوين علابيها رانا نتعاملو بالحلوة تعبير عن الحلاوة
,,,,,,,,,,,,,, شكرا على الموضوع
​

 

[ديسق]

وعليكم السلام ورحمة الله وبركاته


هههه انا قليل وين تصرا معايا حتى آخر مرة الي حدثت ما تذكرتهاش
كما قلت انت وشكون قالو بلي تحتاج حلوة وممكن انت تحتاج الصرف
هذاك باش تزيد عليه صرف وتشري حاجة اخرى.


ملا مرة اخرى ان شاء الله مدام انهم يعطيولك حبات الحلوة خبيهم
كما تعود تروح تشري الخبز اعطيلو 5 دنانير وزيدلو ثلث حبات الحلوة
علاه هوما برك الي يعطيوا الحلوة :az_flw:


وشكرا ليك خويا على الموضوع ​

 

[adel-mz]

واش تحب تروح للحانوت يحتملك الحلوة
تروح للخضار يحتملك حاجة مع حاجة
تروح تخلص التريسيتي ولا التلفون لازم تسمح في الصرف نتاعك
حنا وحدنا في كل شىء
ربي يفرج ويحلي اياماتك
​

 

[إنسانة ما]

بالفعل ظاهرة
جارنا دائما الصرف يكون حلوة

​

 

[AmOuNa93]

السلام عليكم و رحمة الله و بركاته
هههههه حتى انتوما في الجزائر عندكم نفس الشئ
حتى احنا ساعات كي ماعندوش صرف يعطيني كعبة حلوى
اهوك لا تقعد تسالو فلوس و هو في نفس الوقت يخرج سلعتو
اما هي فكرة باهي
كعبة حلوى لا عالبال و لا عالخاطر​

 

[ђĩหđǿĉħǻ]

واش تحب تروح للحانوت يحتملك الحلوة
تروح للخضار يحتملك حاجة مع حاجة
تروح تخلص التريسيتي ولا التلفون لازم تسمح في الصرف نتاعك
حنا وحدنا في كل شىء
ربي يفرج ويحلي اياماتك​

 

[ACHWAK2002]

هههههههههههههه
موضوع رائع و حلو مليان حلوى
هههههههههههههه

 

[wafa peace 2011]

hhhhhhhhhhhhhh

 

[بيكهام]

هههههههههههههه

عارف وعلاه ولالالالا

باش يمشي سلعة تاعو حلوة وعلك وشيكولا

لوكان يمدهالك صرف تبقى حلوة كيما هيا مكاش ليشريها عليه

املا لازم في بلاصة صرف يمدلك حلوة يعني رابح هو في لافار

واعرين يا خو
​

 

[*Sarah*]

نفس الهدرة لكتبها بيكهام زعمة راح نكتبها
مي المرة الجاية هز معاك الصرف الصغيرة
مي و الله نحب الحلوة
سلام
​

 

[nina bonoise]

زيد راهوا هو الرابح في لافار ياخي يشري شكارة حلوة يربح فيها كعبات ههههه
مي نورمال كيما انا منحبش واحد يرجهلي لمياوات ههههه
ياو كون تشوف البورتموني تاع صحبتي معبي مياوات
نقولها وش هدا وش بيه ثقيل تقولي راهوا لصرف

 

[M!ss_f@ti]

هذا هو الجزائري

يعطيكـ الصحة على الموضوع

 

[ibrahim11]

تصدق راني نكتب في الرد وناكل في الحلوة شريت الخبز والصرف عطاهولي علك وحلوة هههههههه

 

[لاجودان شاف]

السلام عليكم

ههههه والله صح
بصح الله غالب الصرف راهو ناقص وكانش
انا تبالي آخر مرة شفت فيها مية فرنك من ماتش السودان
صحيتي​

 

[═♥.ЈŪšť_ màn.♥═]

..
و الله غير عفـــــــــسة .. حنا عندنا ولاو يحرقوها هاديكـــ مائــة فرانكــ ..
ولاتــ ماكاشــ يعني يديرولها المدور
انقرضتـــ
الخبز بـ 10 دج .. و التاكسيفون
5 دج لل 30 ثانية
يعني عندكمــ الزهر بالحلوة ههههههههههههه
تحياتي ليكــ خيوووووووو
​

 

[براءة مسروقة]

ايا انا مرة جدى شرى قيان رمضان حشاوش وقازوز و ديول وبقى يسال السيد ثمنالاف قالو ياوليدى الصرف قالو الجاح كملها قلب اللوز و عمرلو الباطة بلا ما يشاورو جدى سكت شد الباطة ومهدرش ههههههههههههه

 

[*Sarah*]

ايا انا مرة جدى شرى قيان رمضان حشاوش وقازوز و ديول وبقى يسال السيد ثمنالاف قالو ياوليدى الصرف قالو الجاح كملها قلب اللوز و عمرلو الباطة بلا ما يشاورو جدى سكت شد الباطة ومهدرش ههههههههههههه

هادي قالت لهم قاع اسكتو.......
فور و الله
سلام
​

 

[الرومنسي الجاد]

و نطرطق بالضحكـ ــــــهههههههههههههههه

كاينة منها صح منعرف لاه يديروها .. زعما باه يمشي سلعتو ؟ مـــــاشكيتش ع جال هذي ههه

ويبقى الجزائري كائن فضائي الى ان يتم اثبات انه بشري هههههههههه
​

 

[nawal 88]

وزيد فوقها كي مايكونش عندو الصرف تقلو السماح بصح لومان تنقصك أنت مايبيعلكش ههههههه​