سلطة ملفوف وجزر

[oumniati]

هي سلطة دارتها شميشة وكل من ياكلها عندي يشكر فيها نديرها في عرضة ولا كي نحب نفشش راجلي ههههههه






1-قطعي الملفوف الاحمر (بنفسجي) رقيق _الكمية حسب العائلة_ ديريلو شوووية سكر وعصير قارس وخليه حوالي ساعتين
2-رابي زرودية
3-رابي قشور حبة برتقال ثم اعصريها
4-خلطي 2مغارف مايوناز مع شوية قشور برتقال وحلي بالعصير حركي وزيدي حتى تتحصلي على صوص جارية شوية
5-قشري حبة برتقال ديريها براج
6-حبات جوز هرسيهم شوي وحبات للتزيين

للتقديم

فرشي ورق خس و فوقهم كرنب ثم زرودية __او العكس__
زيني ببراج البرتقال ، بالجوز لمهرس والحبات
قدميها مرفوقة بلاصوص

ملاحظة
الملفوف العادي ماجربتوش بصح اكيد يصلح
يمكن استعمال بسباس مقطع طويل ورقيق بدل الملفوف بنفس الطريقة
انا نستعمل حبة واحدة تشينة نص نعصرو ونص للتزيين، حتى زاست نستعمل تاع نص حبة



اذا جربتوها وعجبتكم:shay::shay::shay::shay: قولولي

 

[imane27]

هايلة امنياتي يعطيك الصحة بابا يموت عليها

 

[الحلم الوردي]

يعطيك الصحة​

 

[كوثر الوهرانية]

هايلة السلطة اختي امنياتي الله يعطيك الصحة و يخليك ديما مفرح راجلك

 

[ام ايناس وفاروق]

 

[rima29]

يعطيك الصحة ختي​

 

[ام أمينة]

شكرا اختي على الوصفة​

 

[bachboucha]

شكرا اختي على الوصفة