البولبو

[narjes81]

السلام عليكم لبنات راني قاصدتكم:shay: شكون لي تعرف طيب البولبو اي الاخطبوط راجلي جابهلي:santa_1: وماعرفتش كي نديرله مداري نطيب السيبيا والكلمار بصح هو جاني شوية قاسه عليهم يطيب فالكوكوط ولا نورمال

بسرعة الله يخيلكم انا مانشوفكمش الويكاند لحقوني اليوم او غدا
شكرا لكم مسبقا

 

[أم انس عبد الله]

السلام عليكم ورحمة الله وبركاته
بصحتك اختى امممممممممم هو بنين بزااااف
احنا يما اتنقيه مليح و اتديرو بلاصوص في الكوشة
ايجي امممممممممممــ بنين ماشاء الله

 

[narjes81]

شكلاا اختي ربي يخليك ممكن تعطيني الوصفة بالتفصيل حبيت غدوة ان شاء الله نديره

 

[ام ابتسام]

نرجس اختي تمنيت نساعدك لاكن عمري ماطيبتوا تحياتي اتمنى البنات يفيدوك

 

[Setifienne]

مساء الخير حبيبتي
بالنسبة لبا أنا عمري لطيبتو لكن عندي بعض الوصفات ان شاء الله تفيدك لكن للاسف دون صور
نبدأ على بركة الله
باه تنقيه لازم تنحي le bec .les yeux les intestins
وهناك طريقتين لطبخه اما تحظي قطعة فلين في الماء اللي رايحا اتغلي فيه و اما تحطيه في المجمد ليلة كاملة
beignets de poulpes
بولبو
عجينة القلي: 200غ فرينة 2بيض ربع لتر حليب ملح فلفل اسود
صلصة الطماطم: 1كغ طماطم1بصل راس ثوم 1فلفل حار ملح فلفل راس الحانوت
حطي البولبو في طنجرة فيها ماء بارد يغطيه كليا ثم غليه حوالي 2 ساعة خلية يبرد في ماه ثم صفيه ونحيلو الجلد و les ventousesثم قطعيه وديريه في العجينة واقليه وقدميهمع الصلصة اللي تحضر عادي
الوصفة 2:
spaghettis au pulpe en sauce tomate
500غ سباقيتي 1ملعقة اكل طماطم مصبرة 1بصل 4 الى 5 فصوص ثوم زعيترة رند 3 ملاعق اكل زيت الزيتون قليل من الخل قرصة سكر البولبو
طيبي البولبو بنفس الطريقة اليابقة حضري الصلصة عادي بعد 30دقيقة ديري الخل و السكر 10 دقائق من بعد ضيفي البولبو مقطعواصلي الطهي عدة دقائق
غلي السباقيتي عادي عند التقديم سقيها بهدي الصلصة
الوصفة 3:سلاطة البولبو
500غ بولبو ملح حسب الدوق نصف ملعقة صغيرة فلفل اسود 4 ملاعق زيت الزيتون ملعقتان كبيرتلن عصير الليمون ملعقة صغيرة معدنوس
للتزيين زيتون اسود طماطم
نفس طريقة التحضير بعدما تقطعيه اضيفي الملح الفلفل الاسود الزيت القارس والمعدنوس خلطي جيدا احتفضي بيه في الثلاجة ساعة على الاقل باه يتبل مليح ويبرد وقدميه مزين بالطماطم وزيتون اسود
شهية طيبة
ملاحظة:
الوصفات ماجربتهمش الزوج اللولين للسيدة l.bouchrite
le guide de la cuisine algerienne
les poissons des cotes d algerie n2
الوصفات بالفرنسية وانا طرجمتهم أما الوصفة الاخيرة للسيدة رشيدة امهاوش الطبخ التونسي
حبيبتي المهم تعرفي التقنية الاولى وانت اعليك الباقي ان شاء الله مطولتش اعليك سلام اي سؤال راني هنا

 

[narjes81]

واش نقولك اختي ستيفيان ربي يجعلها في ميزان حسناتك ان شاء الله شكرا لك حنونة