جماعة المسلسلات التركية نحتاجوكم.. (ذكور-إناث)

[ALEXIS SANCHEZ]

بسم الله الرحمان الرحيم
السلام عليكم ورحمة الله وبركاته


كالعادة نبدا بالسلام وكلام موزون


راح نحكي على هاذي المسلسلات التركية لي فسدت العقليات تاع الإمعات الجزائريين
لي ماعلابالهومش كامل بواش راهم يشوفو
تلقاهم يتفرجو شي شوفات ربي يستر مع بعضاهم خاوا خيات مع الوالدين
سون قدر سون حشمة من دون هدوم
bon
ماشي راح نحكي على هاذي العفايس بويسك صاي الشعب الجزائري راح في كال الزيت
بويسك راحت الحشمة والقدر وكلشي
حاشا الناس المأصلين

ذوكا تاوعنا يتفرجو وخلاص يعني يشوفو فيه مسلسل عادي
مي لوكان جاو يخمو شوي كيما هذا لي راه يحكي
يلقاو هاذو الترك عندهم شي مخططات باه يستعمرولنا عقولنا فكريا
و اكدولي على فكريا هاذي
مي الشعب نتاعنا عندو تخمام تاع مقنين الله غالب عليه
المهم عندو يشوف شوي رومانسية و عرا وطوايش ومالا يرضي الله وهو جوز نهارو

حنا نعرفو الترك عندهم يحكمو بسياسة العلمانية وتعرفو نورمالمو معنى العلمانية
(على ما اظن الخاوا لي يكوناكتيو على طول العام عندهم مستوى ثقافي)
بلا ما نشرح

المهم ذوكا كي ولادنا الصغار حتى الكبار ديجا كامل الشعب
كي يشوف معيشتهم و عقليتهم راح يركب معاهم ويولي مستعمر فكرياااا
يعني في زليفو
وانا نظن بلي هاذي المسلسلات كامل مخططات سياسية
باه يرجعونا إمعات ليهم يعني يحتلونا في عقولنا و هكذا يقدرو يسيرونا كيما يبغيو

عمر راسك يا الغافل


ايا ناقشونا في هذا الوضع
وبلعقل علينا
بويسك نعرفوكم تعشقو في التركيين والتركيات وماتقبلوش عليهم
اعطونا ردود موضوعية يرحم الوالدين


​

 

[nina bonoise]

اسكت برك ولينا نتفرجوا و التيليكوموند لاصقة في اليد
مي الله غالب رانا نقتلوا في الوقت برك

 

[nihade.off]

السلام عليكم اخي
من الاول عندك الحق صح التفراج en famille ماشي مليح و قلة حياء بصح صدقني كون ماديرش قناة الجزائرية الثالثة مستحيل تلقا حاجة مليحة لانو ماولاوش غير الاتراك لي يفسدو العقلية و من عندي تتفرج مسلسل تركي و ماتتفرجش مسلسل مصري و لا لبناني
ثانيا الانسان اللي يشوف حاجة يتبعها انسان بدون شخصية يعني ماشي المشكل في المسلسل تركي و لا خليجي هو المهم يتبع حاجة على خاطر فارغ و يحوس على حاجة يبني بيها شخصيتو
فيما يخص المخططات السياسية و الاستعمار الفكري انا نظن بلي المسلسلات التركية كاينة من بكري يعني حنا اللي رحنا ليهم و هذا وين اكتاشفناهم ماشي هوما اللي جاو لينا ​

 

[يوغرطة DZ]

صحيح، من المفروض مثل هذه المسلسلات لا يجب مشاهدتها عائليا خاصة عندما يختلط الجنسين

 

[*Sarah*]

معاك الحق خويا
صح المسلسلات تاثر في الشخص
و ليقول بلي غير نقتل في الوقت ممكن في البداية و من بعد تحكم فيه
كما يحكم الدخان و القهو
هدا رايي و تبقى الاراء تختلف
سلام
​

 

[تاج الجزائر]

وعليكم السلام والرحمة
كل كلمة قلتها صح
هادي المسلسلات غير مسخرة وقلت حياء والمشكل لي راه الواحد خايف منه هو عقول المراهقات لي راه يعمر كل شي وولو يقلدوهم من الكسوة لحتى تصرفاتهم وتقولك نور دير هاك لميس تلبس هاكا وغيرها وغيرها
وراكم تشوفو الوقت لي لحقناله ضرك ولوالوالدين ما يحكموش قاع مشي كيما ناس بكري كي الواحدة تسمع غير باباه كح مين دخل تلقاها هاربة وخايفة منه
الحشمة والقدر راحت مع ناس بكري
ونجيك في الصح انا كنت نتبع بصح مانيش مراهقة غير نعمر الvيد بصح ضرك ماراني نتبع والو
اللهم احفظ امة سيدنا محمد صلوات الله عليه وسلم
شاكرة لك على الطرح القيم
تحياتي
​

 

[nawal 88]

صدقني خويا والله مسلسلات سامطة رهج مع لول يجيبوها b1ومباعد يخلوها​

 

[nawal 88]

الله غالب كيما كنا حنا نشوفو في كاسندرا وانا كرستينا راه الجيل هذا يشوف مهند ولميس​

 

[nihade.off]

وعليكم السلام والرحمة

وراكم تشوفو الوقت لي لحقناله ضرك ولوالوالدين ما يحكموش قاع مشي كيما ناس بكري كي الواحدة تسمع غير باباه كح مين دخل تلقاها هاربة وخايفة منه
الحشمة والقدر راحت مع ناس بكري

​

هذي ماهي حشمة ماهي قدر هذا جياح علاه باباك غول بالعكس الاب لازم يكون متفهم و حنين و تقدري تناقشيه و تفتحي معاه مواضيع تدي و تجيبي
الطلقة بزاف ماشي مليحة بصح ثاني هذيك المعاملة ماشي مليحة
على كل نتاع بكري معا هذاك التزيار و الوعارة و دارو اللي ماتندارش

 

[هدى]

اسكت برك ولينا نتفرجوا و التيليكوموند لاصقة في اليد
مي الله غالب رانا نقتلوا في الوقت برك

في الحقيقة الوقت هو الذي يقتل فينا مش احنا الي نقتلو فيه
صدقيني لو كنا ذات فائدة لما وجدنا الوقت حتى للتنفس ولكن بما اننا زيادة على الدنيا فنحن نتمتع بالكثير والكثيييييييييييير من الوقت
​

 

[عاشقة وطنها]

oui c'est vrais hada wella malade montal l'wa7ed kon tfoutou 7el9a yehbel telgeh yssejelha wela ysse9ssi 3liha ktar men 9raytou w t5ali les jeunes yecherfou 9bel l'wa9t w y3ichou fi l'awham
rabi yehdi

 

[adel-mz]

سلام
مفهمتش واش يعجب فيهم هادو المسلسخات .خزعبلات والله
مجموعة من الجرذان اصبحت تقود عقول امة .
الله يهدينا ،انا منعرفش هادو العفايس .
بارك الله فيك

 

[تاج الجزائر]

هذي ماهي حشمة ماهي قدر هذا جياح علاه باباك غول بالعكس الاب لازم يكون متفهم و حنين و تقدري تناقشيه و تفتحي معاه مواضيع تدي و تجيبي
الطلقة بزاف ماشي مليحة بصح ثاني هذيك المعاملة ماشي مليحة
على كل نتاع بكري معا هذاك التزيار و الوعارة و دارو اللي ماتندارش

يا فهمي مليح الهدرة من كثر الحشمة ما تقابلش بوها هادو هوما ناس بكري مشي مين تشوفه تبقى تهز في مشيتها لا حيا لا والو
عقلية بكري

وعقلية وقتنا

​

 

[ريمو]

و عليكم السلام ورحمة الله وبركاته

​

يا اخي لا هي قصة مسلسل تركي ولا غيره , قصة وازع الديني عند الانسان نفسه و شخصيته من اي نوع ؟ وتفكيره كيفاه ؟؟؟ يعني والله نستغرب كي نقرا مواضيع ونشوف مدى تأثر الناس بمسلسلاتهم غرييييييبة !! بحكم اني عايشة بيناتهم و هادي السنة 5 ليا معاهم و اختلطت بيناتهم ...عرفت عقلياتهم هما شعب عندهم اي حاجة عااااادية من شرب خمر من علاقات من لبس الي الغرب وووو ... بصح هاد شي مش معناه تأثرت بيهم .. بالعكس
زاد تعلقي يحجابي بما اني عانيت في اول سنتين بسبة الحجاب بصح دروك الحمدلله ... الواحد بشخصيته القوية و بأخلاقه و تربيته السليمة يفوت على هادو الصوالح عادي .. بي عكس والله مرات نشفق عليهم لاني والله نحسهم شعب ضااااايع بين دينه و بين حبه للتحرر و تفتح ...

ومن جهة ثانية .. الحمدلله منهم ناس ما شاء الله من تدين و اخلاق وتربية و حبهم اي حاجة ليها صلة بالاسلام .. حتى يقولولي انتي محظوظة لانك تقدري تقراي القران بي العربية ..

الكلام عليهم ما يخلاصش ... المهم اني ضد فكرة المسلسل ايا كان تركي او غيره يقدر يأثر على الانسان الواعي

​

وادعولي ربي يوفقني وجميع المسلمين ... اني نكمل قرايتي و نرجع لأهلي لانو لا تركيا و لا غيرها قدرت تعوضني على اهل ... يااااااااااااارب سهل امورنا و يسيرها ​

​

​

 

[nihade.off]

يا فهمي مليح الهدرة من كثر الحشمة ما تقابلش بوها هادو هوما ناس بكري مشي مين تشوفه تبقى تهز في مشيتها لا حيا لا والو

عقلية بكري

وعقلية وقتنا

​

و انا واش قلت اللي باباها كي الكرسي في الدار ماهوش راجل بصح ماشي معناتو عقلية بكري مليحة
الاحترام مشي معناتو الخوف و الرعب

 

[الورد الأحمر]

ايه وعليكم السلام ورحمة الله وبركاته
انا نتفرج في مسلسل تركي دركا غير من الفراغ ... وعندي مسلسل واحد نتفرجو
أما باقي الوقت يا راني في الميكرو يا راني كاشما نخلط في كاش دورة من دارنا
يعني تفراج مسلسل عندي كيفو كيما تفراج فيلم قوسطو برك مانيش مدمنة تلفاز
ساعات تحلالي نتفرج مرة في القرن ... مشكور على خوفك على ولاد بلادك
نحييك عالموضوع ... سلامو
​

 

[السلطانة]

وعليكم السلام
صحيت على الموضوع
منكدبش على خويا
نتفرج درك بائعة الورد
كيما قالت باغبي اللمة نفوت الوقت
ساعة من الزمان
كيفو كيف اي فيلم طويل في الmbc4
+راني كبيرة ومرانيش رايحة نتأثر بالقصة ونروح نطبقها
نتفرجو وحدي ماوش قدام خاوتي اكيد هادا غير لائق
وتاني ملاحظة نمدها للجماعة لي لعبوها جامي شافو مسلسل تركي
نقولهم بركاونا شبعتونا بطيخ على قول المصري

شكرا اخي على موضوعك الوجيه
وراه عندك حق في كلمة قلتها
ان شا ءالله ربي يهدينا اجمعين
تحياتي
​

 

[الورد الأحمر]

هههه وي شوشو درك الغاشي الكل خاطيه
في أي ظاهرة الكل خاطيه مالا شكون هذو لي يديرو في الشايات هذي ؟
ولا المنتدى هذا خيرو أعضاؤوا فرد فرد ؟
ربي يهدي دايرين هنايا المملكة الفاضلة ... يزيونا بلا هف
شكرا خويا عالموضوع واسمحلي على التدخل هذا مي درك الكل
لعبتها خاطيها ... انا نتفرج بائعة الورد وحدي ولا مع خواتاتي بنات
وساعات هكا نخطف لقطة من ايزل ونتحدى نص في لي قالوا خاطيني
المسلسلات بلي ما يعرفوش الاسماء هذي لي ذكرتهم تاع المسلسلات ؟
تلقاهم هوما لولين في لاتيلي ينسطاليو رواحهم قبل ما يبدا بربع ساعة
هههه .... سلام خويا
​

 

[nina bonoise]

تلقاهم هوما لولين في لاتيلي ينسطاليو رواحهم قبل ما يبدا بربع ساعة

​

تلقايني انا لولة هههههههه
نحكم التيلي قبل بربع ساعة هذا الكل باه نتفرج لميس مالاول
حتى الجينيريك نشوفوا
حتى انا نتفرج ساعة برك مانيش مدمنة تلفاز
​

 

[السلطانة]

تلقايني انا لولة هههههههه
نحكم التيلي قبل بربع ساعة هذا الكل باه نتفرج لميس مالاول
حتى الجينيريك نشوفوا
حتى انا نتفرج ساعة برك مانيش مدمنة تلفاز
​

:sheer:انا نتفرجها على جال كوبريتي وسوزان
والنش تاعهم