غريبية بشكل جديد وصفة الغالية اختي ام ندى

[كوثر الوهرانية]

هدي لغريبية حطت صورتها انم ندى ربي يسلكها على خير و يكمللها ما راهي متمنية يا رب
عجبتني طلبتها على الوصفة و مدتهالي و جربتها جات روعة
هدي الوصفة بقلم اختي ام ندوشة


تكيلي بعلبة الطماطم المصبرة الكبيرة
ديري كيلة سمن تذوبيه على النار ومن بعد تخليه يبرد مليح
وكيلة تنقصي منها حوالي صبع سكر قلاصي تخدميهم بالباتور مليح لمدة ربع ساعة
ومن بعد تضيفي الفرينة مع رشة ملح غير بالشوية وتلمي وم ص خميرة الحلوى
ماتشيحيهاش ياسر وماتخليهاش طرية ياسر
اطبعيها وجربي حبات وطيبيهم كتجربة باش تعرفي كمية الفرينة مناسبة ولالا
--
طبقتها اليوم بصح جربت غير كمية صغيرة
نخليكم مع الصور

و هدا الطابع الي خدمت بيه

ان شاء اله الشرح يكون وافي
في انتضار ردودكم و تشجيعاتكم:sheer::sheer::sheer:

 

[iman la brune]

الله يبارك روعة

والله يبارك على ام ندي فنانة وديما نشكر فيها توال امي وخالاتي وصفاتها كامل تعجبني
​

 

[merieme hassi]

تبارك الله عليك حنونة
تستاهلي احلي تقيييم
شكراااااااااااااا​

 

[imane27]

جاتك هايلة كوثر يعطيك الصحة

 

[ألاء الرحمـــن]

يعطيك الصحة ختيتو فريدة خرجتلك شابة

+ تقييم


​

 

[crazykhadija]

يعطيك الصحة باينة باهية
​

 

[bachboucha]

تقييم

 

[nada242008]

ممتازة يا ملكة التطبيقات الناجحة :sheer:
--
iman la brune ربي يحفظك اختي وسلامي للعائلة

 

[كوثر الوهرانية]

مشكورات يا حبيباتي على الردود المشجعة بارك الله فيكم
ام ند الفضل يرجع ليك اختي الغالية
ان امكن انقليلي الموضوع لركن حلويات مجربة راني بالغلطة حطيته هنا

 

[كوثر الوهرانية]

مشكورات على التقييم خوتاتي بارك الله فيكم:shiny::shiny::shiny:

 

[ŚσÚмĨÁ.Ďz]

اممممممم جاك روووعة
يعطيك الصحة خالتو فريدة
​

 

[ام حبيب]

جاتك هايلة كوثر يعطيك الصحة

 

[روز]

خرجت هااااااايلة كوثر نجربها ان شاءلله مالقيتش وقت برك
احلى تقييم لاحلى ام كوثر

 

[كوثر الوهرانية]

بارك الله فيكم اخواتي على الردود المفرحة و المشجعة تحياتي لكم جميعا:sheer::sheer::sheer::sheer:
و الف شكر على التقييم:shiny:

 

[melissa lola]

يعطيك الصحة يا الشاطرة

 

[زهرة الجنوب9]

هايلة هايلة يعطيك صحة

 

[كوثر الوهرانية]

مشكورات مليسة و زهرة على المرور الطيب في صفحتي بارك الله فيكم

 

[faloussa]

يعطيك الصحة كوكو جاتك روعة وشكرا لندى على الوصفة
واش تمنيت نديرها بصح لحد الان ماصبتش السمن هنا

 

[كوثر الوهرانية]

مشكورة اختي فلوسة على المرور و انشاء اله تلقي السمن و تجربيها راهي روعة
و ادا كاش واحد منا من وهران تعرفيه جاي لعندكم راني نبعتلك اختي مكانش مشكل

 

[ام ايناس وفاروق]

جاتك اكثر من رائعة اختي ام كوثر شكرااااااااااا