بوفجوخ من مطبخي

[ibtesem]

القادير
فلفل
ثوم
قارس
ملح
طماطم
التحضير
نقطع الكل مع بعض نحاول اما نهرسهم بالمهراس العود او نضعهم في الميكسور وتحاولي ترحيهم خشان الا طماطم
من بعد
تزيدي الملح وادا كانت ناقصة حموضية زيدها قارسة
معالطماطم قطعيها صغيرة
الفلفل والطماطم والقارس راهم يطلقو الماء بالتفاعل تاع الملح يعني ماتضفيش الماء في الوصفة
اليكم الصور توضح دالك

ويترك لمدة اسبوع ثم يفتح عليه

هدي طريقة امي :sheer:​

 

[***سوسن الجزائرية]

وصفة رائعة أختي
بارك الله فيك ونفع بكـ
وحفظ امك.
شكرا لكما..
​

 

[الحلم الوردي]

وصفة رائعة أختي
بارك الله فيك​

 

[faloussa]

اممممممممممم بسومة وصفة هايلة قوليلي الطعم نتاعها يشبه للطرشي
نجربها ان شاء الله

 

[ibtesem]

شكرا لمروكم ربي يحفضكم

 

[ibtesem]

اممممممممممم بسومة وصفة هايلة قوليلي الطعم نتاعها يشبه للطرشي
نجربها ان شاء الله

طعمها مايتشبعش تاكلي وتعاودي تنساي لحرور امممممممممممم :sheer:

 

[iman la brune]

بوفجوخ عندنا هو اسم الفلفل الصغير وحدو وهو حار بزاااف

وصفة هايلة مشكورة
​

 

[ام ابتسام]

تسلم الايادي وربي يخليلك الوالدة

 

[imane27]

يعطيك الصحة ابتسام باين هايل

 

[ام خديجة1]

بارك الله فيك اختي ابتسام اكيد راه رايع وذوقه مميز تسلمي انت وامك

 

[حكيك]

يعطيك الصحة ابتسام ربي يحفظلك الوالدة

 

[dahbito]

يعطيك الصحة وصفة جيدية عيا ان شاء الله نجربها

 

[ibtesem]

الله اسلمكم حكيك ودهبتو

 

[prncess fifi]

اااااااااااااااااااه يا ابتسام قتلتيني يبان هايل انجربو في اقرب وقت ان شاء الله يعطيك الصحة​

 

[High hopes]

يعطيك الصحة بسومة, هاذ الشي جديد عليا, كيفاش تكلوه؟؟ وحدو؟؟

 

[ألاء الرحمـــن]

يعطيك الصحة بسومة تاكلوه بالصحة


​

 

[narjes81]

ريوقي ساغلو بسومة يعطيك الصحة على البوفجوخ

 

[أم نيفين]

ممممممم ملي كليتو عند صحبتي بريكية بقات البنة في فمي
بارك الله فيك بسومتي و ربي يحفظلك الوالدة نتاعك

 

[ibtesem]

الله اسلمكم كامل يالبنات
حياة تكليه مع الكسكسي
او تطبخي بيه او تعمليه كسكروط في الخبز مع الزيت الزيتون

 

[oumniati]

يعطيها الصحة لميمة
دبري راسك ابتسام صبحت عليه الفلفلات اللي عندي راني درتهم نهار نجي ناكلو نعيط 911 ههههه
قوليلي نخبيه في لفريجيدار؟