شوف البنات واش يديرو ...... عن لسان مصدومة !

الحالة
مغلق ولا يسمح بالمزيد من الردود.
الجندية

الجندية

:: عضو فعّال ::
أوفياء اللمة
السلام عليكم ورحمة الله تعاالى وبركاته
توحشتكم بزاف ناس اللمة خاوتي وخواتاتي :rolleyes:
عندي بزاف ماحطيتش موضوع وماشاركتش في القسم

اللي بغيت نحكيلكم عليه هو موضوع صرى وشهدته يوم الخميس نهار التالي نتاع الفاكونس والناس فرحانه والليسي مقلوب بالضحك والزعاقة والنشاط والحيوية راكم تعرفو ليجان ههههه

كي دخلنا للاكلاس مبعد لا غيكغياسيون قاللنا وحد الاستاذ غير ريحو مع بعضاكم اليوم التالي ..... حتى نشوف في وحده تقرا معايا جات مع وحد المساعده
وقعدت تنعتلها في وحده كانت قاعده قاع الرول راحتلها هديك المساعدة نوضتها وفتشتها تقول راها في الكوميساريه الشعب قاع تشوكا شاكاين ؟؟
كي فتشت الساك لقات موووووووصيييييييبه وهي :







achat-gauloises-blondes-filter-hard-pack-blue-2328.gif



هذيك الطفلة قعدت تبكي وتزقي تقوللها ماشي نتاعي لاااا ماشي نتاعي
ولخرى (البنت اللي جابت المساعده) قالتلها راها تجيب الدخان وتكمي هنا

انا تشوكيت قلبي حبس علاه ؟؟ خاطر هذيك البنت نعرفها خاطيها
مسكينه راحت في داهية وخرجوها والمشكله جا بوها ورح يزعكوها :sad:

ومبعد كي خرجنا على 12 كنا قاع مشوكيين ونسقسو عليها وهدوك الجماعة اللي تفاهمو عليها قاعدين يضحكو ويزقو وفرحااااانين خاطر باصاوها والحاصول ومافيه
كانو متناوشين معاها ودارولها الباكي في صاكها وهي غافلة وراحو قالولهم راها وحده تكمي الدخان هنااا :scared::scared:

ماتخيلتش توصل بيهم القذارة انهم يلطخوا سمعة بنت عفيفة .......





إليكم الميكيروفون


اللي يدير لامان في هاد الوقت ومايحرزش روحه مليح والله غير راحت عليه ​
 
ايه صرات قدامي عفسة كيما هك مي الزطلة مش دخان
ربي يهدي ما خلق
يشوفوا واحد خاطيه المشاكل يباصيوه
 
سلام خيتو ربي يسترك على الموضوع الباهي..
ايه خيتو كاين ناس تقولي معندهومش ضمير الله غالب ويشوفوا واحدة خاطيها يبغوا يباصيوها ايه درك معادش كاينة الثقة الله غالب لازم كل واحد يحرز روحه بزاف بزاف...
بارك الله فيك خيتو+ربي يحفظك....
 

يتكلمون النا س عليك لتلاتة اشيااء :

عندما لا يملكون ما تملك
عندما يعجزون ان يكونو مثلك
عندما لا يستطعون الوصول اليك
والله هادي هياااا ما تديرش لامان ف بلاد الامان ولا راني غالطة

ربي معاها وهاذو الي دارولها هاكدا سور يغيرو منها وشايفينها جابدة روحها المهم ربي وكيلهم هادا ماكان

وشــــــكرااا على المووضووع اختااه

سلام​
 
اخــــــــتاه يكفيك كلمة واحدة ( الله موجود ) إذن فلا خوف ولا حزن ولا قلق فكل شيئ مكتوب من قبل ان نخلق و الله لن يضيع انسانا حفظ الله في قلبه وهذا يكفي كل البشر​
 
و ما خلقنا الله إلا ليبتلينا انصبر ام نكفر و هذه الحياة كلها مصاعب وعلينا تحديها وان نكون ذو شخصيات قوية لا تزعزعها الشدائد والمصائب
 
سلام
والله لامان اولاش في الوقت هادا،قالك جيني يالبلاء ولا نجيك
سبحان الله الناس متخافش ربي يدرو في الفخخ للناس ،ايا واش رايحين نالو غير دعاوي الشر الله يعافينا ،يليق الواحد يجيب عقرب ويديرها في جيبو ليتلاح تم يــــgبض .
بارك الله فيك
​
 
السلام عليكم
والله ناس بدون ضمير و بدون قلب ربي وكيلهم
يا اختي علاه ما توقفوش انتوما معاها يا اختي قادرين تساعدوها و تشهدوا معاها ماشي مليح تشوفوا الظلم و تسكتوا عليه
اذا قدرتي انت و لا اي واحد من الناس اللي يعرفوا برائتها تساعدوها اجركم على ربي ان شاء الله
تقبلي مروري​
 
يتكلمون النا س عليك لتلاتة اشيااء :

عندما لا يملكون ما تملك
عندما يعجزون ان يكونو مثلك
عندما لا يستطعون الوصول اليك
والله هادي هياااا ما تديرش لامان ف بلاد الامان ولا راني غالطة

ربي معاها وهاذو الي دارولها هاكدا سور يغيرو منها وشايفينها جابدة روحها المهم ربي وكيلهم هادا ماكان

وشــــــكرااا على المووضووع اختااه

سلام
 
لا تعلييييييييييييييييييييييييييييييييق

شكرا اليسسسًآ
 
الله يهدي ماخلق يا ختي
اللهم استرنا يارب
 
اي والله وقت هنا وصلناله من غير بوك وامك ماتدير لامان في حتى واحد ارب ربي يفوته على خير اي هادا غي القليل الوقت الجاي يكون كتر من هاك
 
ذ

سـلآم
كيما قاتلك صابرينة


يتكلمون النا س عليك لتلاتة اشيااء :

عندما لا يملكون ما تملك
عندما يعجزون ان يكونو مثلك
عندما لا يستطعون الوصول اليك

وعندك حق
متحطيش حتى في واحد كونفيونس
شكرآ على الموضوع
​
 
حرقوها في باطل مسكينة
مي ميروحوش بيها بعيد و هي ربي ينصفها ان شاء الله
​
 
قال فاتي الاليساوية:
السلام عليكم ورحمة الله تعاالى وبركاته
ومبعد كي خرجنا على 12 كنا قاع مشوكيين ونسقسو عليها وهدوك الجماعة اللي تفاهمو عليها قاعدين يضحكو ويزقو وفرحااااانين خاطر باصاوها والحاصول ومافيه
كانو متناوشين معاها ودارولها الباكي في صاكها وهي غافلة وراحو قالولهم راها وحده تكمي الدخان هنااا :scared::scared:

إضغط للتوسيع...

شوفي يا بنت الناس على بالك راكي مشاركة في الاثم علاش راكي تقولي جماعة تفاهمو عليها ودارو الباكي في صاكها يعني راكي عارفة المؤامرة وساكتة لازم تخبري الادارة على هذا الشيء ولا راكي اثمة نتي ثاني
​
 
والله موضوع في الصميم اختي ماشاء الله
وهذيك الطفلة ربي معاها ياك يقولك لي جاب مايضيع
وهيا ربي معاها وهاذوك لعباد راح يحاسبهم ربي في الدنيا قبل الآخرة
 
قالك كون ديب ولا يكلوك الديابا
 
وي عندك الحق و ديجا ران درت موضوع و هادا باغي يديرها لخوه حاشاك ربي يهديهم
 
الله يهدي ما خلق هذا واش نقدروا نقولوا
هذا الوقت صعيب بزااااف
 
الحالة
مغلق ولا يسمح بالمزيد من الردود.
العودة
Top Bottom