الزواج في وقتنا دروك

[samora20]

والله العظيم الزواج في وقتنا الحالي راهو ينقام غالي بزاف علبيها الشباب مساكين ميقدروش يتزوجو تروح تخطب تحصل بشروط نتاع عائلتها لازم نبسطو ليهم باش هكد تخفاف شوية العنوسة في بلادنا:sadwalk:

 

[ЯǾᵯẫḭṧşẰ]

اي وي الله غالب المعيشة غلااااااااااااااااااااااااااات

 

[سيموني]

البدعية التالية راهي دير2000 ,,,بصح كاين تاني عائلات لي تبالغ في الطلبات خصنا شوية قاناعة ...ملاحظة..باينا كنتي عيانا كي كتبتي الموضوع هههه

 

[سجل أنا جزائري]

أنا مفهتشم البروبلام وين راه

حنا نشكيو من الغلاء المهور و نتوما متفقين معانا بيلي راكم مغليين علينا بزاف و لازم تنقصو علينا شوي

بصح في الواقع نشوف راه غير يطلع !! يبقى السؤال اللي يطرح نفسو بإلحاح وين راه المشكل ؟؟ :huh:

 

[Dr.CrAzY]

:crying:
​

 

[ملكة جمال اللمة]

احنا في تلمسان يشرطو غالييييييييييييييييييييييييييي

 

[ماكانش]

أهلا بيك سميرة
عجبني موضوعك فيه سطر برك هههههه
الزواج الرخيس خلاص يستقام ب70 مليون​

 

[ماكانش]

احنا في تلمسان يشرطو غالييييييييييييييييييييييييييي

سمعت بتلمسان وقسنطينة يغليو
كاينة منها يشرطو التاج ولا بكري ؟؟؟
ولا يشرطو القفطان ولا مانعرف واش ؟؟؟؟​

 

[كمايا]

انا مانشوفش فيه غالي خلاص

داك النهار برك واحدة دارو الشرط تاعها 6 ملاين

صافا

والسكنة في دار حموها وهي تخدم وراجلها يخدم

وين راهو لغلى ؟؟؟

 

[adel-mz]

انا مانشوفش فيه غالي خلاص

داك النهار برك واحدة دارو الشرط تاعها 6 ملاين

صافا

والسكنة في دار حموها وهي تخدم وراجلها يخدم

وين راهو لغلى ؟؟؟

اختي الشرط 6 ملاين وحدها مي الغلا في حوايج بعد الشرط مثلا الذهب شحااااااااااااااااااااال راه يدير وحدو يستقام من 15 مليون الى اكثر وخلي اللباس وخلي وخلي لوكان غير جات في الشرط ماعليش
نظن فهمتيني ،سامحيني على التدخل بارك الله فيك

 

[adel-mz]

سلام
بصراحة من اسباب العنوسة وانحراف بعض الشباب والشبات الى الحرام اسبابه هو هذه الشروط المبالغ فيها في الزواج ،الرسول عليه الصلاة والسلام قال التمسو ولو خاتم من حديد شكون اديرها في هذا الوقت موحاااااااااااااااال 0.5 % ودركة الدهب ولازم لوموزين والكانيش ووووووووووووووووووووووووووووووو مخك يحبس الور رانا نخلصو ومزال القدام .
بارك الله فيك

 

[أم راضية ~_]

خاتم من نحاس ادا حب , المهم خاتم ليا ; والله انا نديرها عادي جدا
وخلي حبو يضحكو الناس يضحكو , ديجا هوما يضحكو على كلش :sad:
صح الزواج راهو صعيب سيغتو على ليجان لازم يدبر سكنى وحدو و جهاز الدار والدفوع من 10 وطلع و الذهب و ماعلاباليش واش ,
و البنات تاني لازم اللتصديرة و تكري الصالة الشابة الغالية و تشري الذهب و تشور روحها و زيد زيد و الهنا ربي يجيب هادا في راي " الزوخ والفوخ و العشا قرنينة"
:re_gards:

 

[samora20]

الخطوبة و التلاعب بالمشاعر

السلام عليكم اريد ان اطرح موضوع اتمنى ان تتفاعلوا مع الموضوع
انا حائرة في هده السنوات اصبح التلاعب بالمشاعر امر منتشر و الوعود الزائفة هي الموضة الحالية.
الشاب يروح باش يخطب البنت يشوفها ويجمع معاها ويقوللها راك عجبتيني ولقيت فيك قاع المواصفات لي راني باغيها ويمنيها بالزواج ومن بعد يقولوا دوك نردولكم الخبر باش نتافقوا على الشروط من يخلوها تقارع 15 يوم تم يقولوا خلاص ربي ما كتبش ........ علاه يديروا للشيرة هاك. واتمنى الرد.

 

[C.RONALDO 7]

مهما كان هذا راه نصف الدين الكلام والحديث قليل فيه

 

[BARCA232]

غير انت اللي خممتي فيناااااااااااااا
هاوين كنت من زمان
ربي يبارك فيك
وان شاء الله يسمعو ليك

​

 

[اعيش راضية]

السلام عليكم
الزواج كتر فيه البروتوكولات و الهنا مفقود
علاه البنت ما تيسرش شوية على الراجل
و علاه الراج ما يقبلش على الحلال و ديما يجري وراء البنات بالحرام
و علاه و علاه
سلام​

 

[EL General]

عععععععع
و الله عيش تشوف من جيهة انتوما تغليو في السعر و في الشرط و من جيهة تجيو للمنتديات و تبداو تنصحوا في رواحكم هههههههههههههههه أمركم غريب و الله
شكرا مرسي
​

 

[مارينا]

سمعت بتلمسان وقسنطينة يغليو
كاينة منها يشرطو التاج ولا بكري ؟؟؟
ولا يشرطو القفطان ولا مانعرف واش ؟؟؟؟​

خويا العزيز في قسنطينة مش غالي كي تقارنه مع باقي الولايات
كون تسمع بتاع عنابة الغلا والخلا كون تروح تخطب يهربوك ههه

 

[mina87]

سمعت قسنطينة يغليو

كاينة منها يشرطو التاج ولا بكري ؟؟؟

ولا يشرطو القفطان ولا مانعرف واش ؟؟؟؟​

ماكانش منها ما يشرطوش التاج وووووووو
عندك اغلبية يشرطوا 10ملاين و صوف وشاة يرك
و الهناء

 

[nawal 88]

هههههههههه ارواحو عندنا نزوجوكم مانشرطوش حنا ههههههههه​