علاقة الزواج ب النحافة

[samora20]

حبيت نسقسيكم لي نحيفة متتزوش وحدى من معارفي مسكينة جاو يخطبوها وقبلو ثم بعد اسبوع قالو اخلاص وليدي ميحبش الفتيات النحيفات وقالت بلي منزوش وليدي مع سلك مسكينة والله غاضتني المشكل الكبير انها تعلقت بيه بزاف:sadwalk:

 

[ام منصف]

شوفي اختي اكيد كل واحد عندو مقاييس نتاع الزواج سواء في شخصية الفتاة او شكلها وهذا الشيء ينطبق ايضا على الطفلة
فممكن هذا الشخص من النوع اللي ما يحبش النحيفات
تبقى مسالة اذواق واراء
وممكن داروها سبة برك للرفض
المهم ما كتبش ربي وربي يجيبلها سعدها مع واحد اخر

​

 

[nawal 88]

شوفي اختي راهو كل واحد كيفاش يشوف لمرا كان لي يحبها رقيقة وكاين لي يحبها رقيقة
ولكن نحكيو بصراحة أهل العريس يحبو لمرا المليانة مش بالضرورة تكون سمينة ولكن تكون مليحة برك

ربي يوفق كامل لبنات​

 

[bachboucha]

النحافة ماعندهاش علاقة بالزلواج كل واحد و مكتوبو يا اختي و الناس اذواق و عقليات ... ربي يرزقها بولد حلال اللي يسترها فدينها و فالدنيا​

 

[الظل الطويل]

مش معنتهـــا هو ميحبش ـالنحيفة يعني
ـالرجال كــامل ميحبوش .. طبعا كل
شخص و ميوله لجنسه ـالـاخر

كـاين لي يحب السمرا وكاين لي يحب اليضا
و كــاين لي يركز على ـالعقلية و مايهماش ـالمظهر
لكـــن نظــن ـالحاجة ـالمشتركة لــي يركز عليها
ـاغلب ـالرجال هي ـالمرأة ـالمتربية وـالصالحة
و ـاذا كــانت صاحبتك هذي بنت متربية وبنت نــاس
راح يجي مكتوبها ـان شاء ـالله
ربي ينوبلها بولد ـالحــلـأل ..
​

 

[tetoma]

عمرو ولاكان المظهرهو المقياس الوحيد للزواج.
مسالة الدوق اكيد تلعب دور وبدون شك كيما كاين لي ما يحبش الضعاف
كاين تاني لي ما يحبش السمان.ومادا بينا صاحبتك تفهم هاد الشيء.

​

 

[***سوسن الجزائرية]

النحافة معندهاش علاقة بالزواج ..كاين راجل يحب مرأة نحيفة وكاين لي يحبها معمرة ...كيما الطول كاين لي يحبها طويلة وكاين لي يحبها قصيرة ..كل واحد و التفكير ديالو.
وربي يرزقها بوليد لحلال.
​

 

[خالدي]

المكتوب هو الصح نحيفة او معمرة كيفكيف
انا نقولكم نحب المرا المعمرة بصح لو تعجبني
مرا نحيفة يتغير المقياس
ان شاء الله كامل يتزوجوااااااااااااا
كي النحيفة كي المعمرة وانا معاهم
الزواج مكتوببببببببببببببببببببببب

 

[صراحة]

غاضتني البنت مسكينة وهذا رايح يتزوج وحدة سمييينة و من بعد ترجع أكثر من السللك غير على نية هذي البنت

 

[سجاآآايا]

لعل في ذلك خيرا لها
النحافة ليست مشكلا اطلاقا
فهناك فروق بين الأشخاص .. كلٌ وتفكيره
هناك من يحبها نحيفة و العكس

ربي يرزقها من جيهة أخرى
​

 

[saralg]

اممم انا غاضتني البنت مسكينه .. ما عليه خيرها في غيرها
المهم المظاهر عمرها ماكانت مقياس من اجل الزواج
صراحة انا نحيف بزاااااااف مالا راحت عليا .....
عيش تشووووووووف​

 

[أشرقت]

يا أختي هذي راهي مشكلة كثير من البنات النحيفات
ذكرتني بصديقة عندها سنوات طويلة هي تلبس جلباب أمالا شافهاواحد هبل عليها ؟
رايح و جاي عند باباها يطلب في يدها و هي كانت صغيرة شوية ؟
لما وافق بابها و جاء للدار يطلب الرؤية الشرعية ...تصوري راح و ماولاش
تعرفي على واش ؟؟؟؟
لخاطرش هي نحيفة و عبر تعبير ما ننجمش أنقول في حرم تواجدنا ؟؟؟؟
المهم في بلادنا راهم إموتو على السمانة قلشي راح إطيبوها باش تقطع أطراف كبار من اللحم ؟؟؟؟
قليلها لازم تسمن شوية بكل الوسائل
هكذا باش المرة الماجية العجوزة ما تقول والو
ربي إجيب الخير​

 

[nawal 88]

شوفي أختي انصحيها تروح لطبيبة بالاك تقدر تساعدها ولا اخصائي التغذية​

 

[samora20]

نشكركم حبيباتي على الرد

 

[OM DORA]

Ma asabaka makana li yokheti'ak

wma akhta'aka makana li yousibak'

 

[قوية قلب]

سلامو

شوفي ختي كيما قالو الجماعة النحافة ما عندهاش علاقة و كل واحد و الذوق تاعو يعني كاين اللي يحبها ضعيفة و كايناللي يحبها سمينة

و هادي اللي تعرفيها ربي يبتعلها ولد الحلال و يهنيها

<<<< و انا حابة ندير موضوع السمينات ما يتنزوجوش ههه

اتهلاي
و سلامو

 

[tita20]

كل واحد و مكتوبو

 

[كمايا]

هذو النسا كي يبداو يدبرو

نوغمالمون هوا للي يشوفها على حسب الذوق تاعو بلاك هوا يشوفها مليحة ؟

الزواج مكتوب وكل عطلة فيها خير

قوليلها ماتتوسوسش

الخشينة اي حاصلة في عمرها والرقيقة وسي

 

[iman la brune]

الزواج مكتوب والناس اذواق

بصح كما رانا نشوفو عندنا ضك اغلب الناس يفضلو السمينة والسمينة عندهم يعني راهي عندها

الصحة


طفرت فينا هههه



​

 

[Sigli]

المشكل هدا كبير بزاف بعد ماكان الشاب الجزائري يبحث على الأصل والعقلية والطيبة والمرأة الصالحة أصبح يتعامل بالمظاهر ونزيدك حاجة الرجال كاين وكاين


كاين اللي يحبها رقيقة وديري في بالك عقلية في الخارج عند الصحاح يحبوااا وحدة رقيقة على جال هديك القامة بالأورو وما تلقيهاش


ماشي كي العربي اللي يحب المطلوع منتفخ.................... غير بالطلاعة اللي راهي تنباع عند الصيدلي على شكل

le vure de biere

والعدسات اللاصقة عينيها تقلبهم بلا ما نزيدك مشروب على ما أعتقد يدعى


بســريع اللي بين وليلة ينفخها كالبقرة وحاسبة دارت affaire


اختي قليلها كلشي بالمكتوب ويجي النهار اللي يديها ويديرها الزوج ديالها كالتاج فوق الراس


وإعلمي ان يوم خلق المرأة كتب زوجهــــــــــــــــــــــــــا في .............................


ربي يفرحكم إن شاء الله​