المفرمسة

[ام سيف]

هذي طريقتي في خدمة المفرمسة :shay:
دقيق رطب . ملح . ماء نخلط كلش مع بعض ونزيد الماء بشوية
وندلك العجينة جيدا حتان تولي تتعالك
نديروها في صاشي ونخليوها ترتاح مدة ساعة هكذاك
ومبعد نكوروها تبلي يدك بالزيت وتبداي تكوري
وتخليها ترتاح مرة اخرىوغطيها باش ماديرش القشرة

وتحليها بالزيت

وتكسليها على طابلة ولا كشما وحدة تعاونك

لوحيها في الطاجين على نار هادئة قيس ماتشيح ونحيها
وغطيها بمنديل باه ماتيبسش
وفتيها ماهي كبيرة ولا صغيرة
وحضريلها المرقة نتاعها كيما نتاع الطعام
وشهية طيبة

 

[bachboucha]

الله يبارك فباتنة نسموها شخشوخة النعمة ولا الطاجين
بصحتكم​

 

[karima tati]

يعطيك الصحة خرجتلك هايلة

 

[اسال الله الفردوس]

يعطيك الصحة

 

[ام منصف]

جاك هايل
يعطيك الصحة​

 

[كوثر الوهرانية]

يعطيك الصحة اختي على الرقاق جاك روعة بصحتكم

 

[حاملـة المسك]

حنا نسموه الفطير و نطيبوه على الاقل 15 طبقة فوق بعضها

يعطيك الصحة جاك هااايل.. تسلم الايادي الطيبة​

 

[imane27]

يعطيك الصحة جاك هايل

 

[السلطانة]

جاتك تشهي يعطيك الصحة

حنا عندها اسمها الفطير او النعمة

​

 

[نور الهدايات]

خرجتلك روعة احنا هنا منديروهاش راح نجربها في وهران يقولولها التريد
يعطيك الصحة لعجينة خرجتلك روعة​

 

[ام سيف]

يعطيكم الصحة لبنات وشكراعلى التشجيع

 

[ام خديجة1]

جاك روعة احنا نسموه الفتات وكاين اللي يقولو النعمة