السلام عليكم ورحمة الله وبركاته
حياكم الله احبابي رواد منتدانا الغالي وزوار اللمة واكرم بها من لمه
عساكم بخير
فيض من حنان اللمة
يحن القلب اليك دوما يا لمة *** فكم جعت على المحبة خلان
ولي عبر صفحاتك كلمات دونـــــــــتها بمداد الدموع جرت وديان
ونسالت على صفحاتك ردود **** الاحبة تداوي الهم والاحزان
وقصصت لاخواني ماضي اعـــــــــــيا اقلامي من شدة العصيان
تلك القصص الرائعة عشتها **** في سوف مدينة الكثبان
حكيت طفولتي في لمة حتى *** لعبي حول القباب مع الصبيان
بعد هذه المقدمة وتلك الشطحات لقلم السوفي ؟؟؟
دعوني اقص عليكم جادث وقعت وتقع دوما
كنت في محطة الحافلات انتظر الحافلة يوم تعطلت وسيلة نقلي
كانت مزدحمة على اخرها واكثر روادها كانوا شيوخا وعجائز ولا اخفي عنكم احب ان اسمع لهم من باب الفضول فقتربت من عجائز جالسين وبينما انا انتظر حتى افتح معهم موضوع واتحدث اليهم اذا بشان هذا العصر شباب اقل ما تقول فيه انه طائش السروال طايح والبرطابل ماركه والسلاسل داير حاله وتحفيفه اشكال وانواع وهم يتماشون يتمايلون مثل السكارى في تلك اللحظة قالت احدى العجائز
تستاهلي يا ديازير شبعتيهم ياريتهم في شر بكري مش يعرفوا واش معناها دزاير
فقلت انا : واش خاصه شباب مفتح كي النواره
فقالت احداهم : شباب الريح ماه مليح شرقي غربي ما يدومش كون تدخل فرانسه زعما شباب اليوم يخرجها واش تعرف يا ولدي
قلت انا : انتم بكري واحنا اليوم
قالت احداهن : شباب اليوم اللي يقول لماماه حلي الضوء باش نخاف الظلمه ابعثي معايا نوره ثم ضحكت وقالت ماما اقليلي حوته بلا شوك ههههههههههه
فخجلت والله وقلت : هناك رجاله انتاع الصح مثل العربي بن مهيدي ومسطاش الهواري
فقالت احداهن : هذاك ذاق الشر وعرف قيمة دزاير وعرف معنى فرانسة ومات مراحلهاش مات واقف مش مثل شمايت اليوم يسرق باباه باش يرهب لفرانسة اربي اخطاني خليني صابره راهوا قلبي فد
حقيقة واش راح نقول شباب اليوم بهدلنا مع عجائر بكري ما فيهمش ريحت الرجولية تصدق اولا تصدق حتى الشباب صار يمكيج قبل ما يخرج واش قالك الموده انتاع اليوم يتزوج خدامه تشريله طاكسي يفردي بها زعما هذا ارجل واحد في شباب الغفله
والله راهم بهدلون وخلونا تمسخيره عند الشيوخه والعجائز صار الواحد منهم كي يشوف شباب اليوم يتمنى الموت حير من وجه الشر
اتمنى ان ينال شيء من اهتمامكم
السلام عليكم
حياكم الله احبابي رواد منتدانا الغالي وزوار اللمة واكرم بها من لمه
عساكم بخير
فيض من حنان اللمة
يحن القلب اليك دوما يا لمة *** فكم جعت على المحبة خلان
ولي عبر صفحاتك كلمات دونـــــــــتها بمداد الدموع جرت وديان
ونسالت على صفحاتك ردود **** الاحبة تداوي الهم والاحزان
وقصصت لاخواني ماضي اعـــــــــــيا اقلامي من شدة العصيان
تلك القصص الرائعة عشتها **** في سوف مدينة الكثبان
حكيت طفولتي في لمة حتى *** لعبي حول القباب مع الصبيان
بعد هذه المقدمة وتلك الشطحات لقلم السوفي ؟؟؟
دعوني اقص عليكم جادث وقعت وتقع دوما
كنت في محطة الحافلات انتظر الحافلة يوم تعطلت وسيلة نقلي
كانت مزدحمة على اخرها واكثر روادها كانوا شيوخا وعجائز ولا اخفي عنكم احب ان اسمع لهم من باب الفضول فقتربت من عجائز جالسين وبينما انا انتظر حتى افتح معهم موضوع واتحدث اليهم اذا بشان هذا العصر شباب اقل ما تقول فيه انه طائش السروال طايح والبرطابل ماركه والسلاسل داير حاله وتحفيفه اشكال وانواع وهم يتماشون يتمايلون مثل السكارى في تلك اللحظة قالت احدى العجائز
تستاهلي يا ديازير شبعتيهم ياريتهم في شر بكري مش يعرفوا واش معناها دزاير
فقلت انا : واش خاصه شباب مفتح كي النواره
فقالت احداهم : شباب الريح ماه مليح شرقي غربي ما يدومش كون تدخل فرانسه زعما شباب اليوم يخرجها واش تعرف يا ولدي
قلت انا : انتم بكري واحنا اليوم
قالت احداهن : شباب اليوم اللي يقول لماماه حلي الضوء باش نخاف الظلمه ابعثي معايا نوره ثم ضحكت وقالت ماما اقليلي حوته بلا شوك ههههههههههه
فخجلت والله وقلت : هناك رجاله انتاع الصح مثل العربي بن مهيدي ومسطاش الهواري
فقالت احداهن : هذاك ذاق الشر وعرف قيمة دزاير وعرف معنى فرانسة ومات مراحلهاش مات واقف مش مثل شمايت اليوم يسرق باباه باش يرهب لفرانسة اربي اخطاني خليني صابره راهوا قلبي فد
حقيقة واش راح نقول شباب اليوم بهدلنا مع عجائر بكري ما فيهمش ريحت الرجولية تصدق اولا تصدق حتى الشباب صار يمكيج قبل ما يخرج واش قالك الموده انتاع اليوم يتزوج خدامه تشريله طاكسي يفردي بها زعما هذا ارجل واحد في شباب الغفله
والله راهم بهدلون وخلونا تمسخيره عند الشيوخه والعجائز صار الواحد منهم كي يشوف شباب اليوم يتمنى الموت حير من وجه الشر
اتمنى ان ينال شيء من اهتمامكم
السلام عليكم
آخر تعديل بواسطة المشرف:
