شكون يحب ليفاكونس كيفنا !!!!!!

[جہْےمالہْ الہْےروحہْ]

:re_gards::re_gards:السلام عليكم

وشراكم صافا ان شاء الله تكونو كامل بخير

اليوم حبيت نهدر على ليفاكونس - مكانش اللي ميحبش ليفاكونس هههههههه- خاصة الجزائريين و بالاخص

التلاميذ ......

العام هذا كامل راح ديفاكونس ومزالنا نحوسو عليهم .... جا الثلج قلنا منقراوش ... جا يوم العلم طمعو

ميقراوش .... جات الانتخابات قالك اووو المدارس اللي ينتخبو فيهم ميقراوش واحنا نقراو مكانش منها ....

دارو الاساتذة اضراب احنا اللولين اللي وقفنا معاهم باش مانقراوش ههههههه وزيد وزيد ....

كل مناسبة يقولك فيها منقراوش يحوسو غير على ليفاكونس

ودكا جاية الصيف فاكونس طويلة بصح تجينا والو كي تخلص يقولك اوووو مرتحناش خلاص وراجعين نقراو

احنا منشبوعش من العطل -مفهمتش كامل هذي العقلية - عييت نفهمها مقدرتش احنا مشتاقين ديفاكونس

ولا منشبعوهمش !!!!!! :re_gards:

 

[ماكانش]

أهلا بيك يا لي ماقدرتش نقرا اسمك ههههههههههه
يعطيك الصحة على موضوعك الباهي
ملي كانت الدنيا والدين كيما يقولو لعجايز ولولاد مايشتيوش لقرايا ههه
بكري واش نفرحو كي يوصل لخميس كنا مانقراوش لعشية وغدوة الجمعة هههه
درك لولاد كرهو والدنيا بانت، يعني بانت بلي لقرايا ماشي هيا كلش وألي قرا راهو يطلب
الرسمي الخدمة ولقفازة يعني لولاد تعلمو هذي وولاو كرهو لقرايا وعندهم الصح
يقرا مسكين زمان يلقى روحو ماكان والو ...
درك راهم كرهو رمضان قالك نقصنا من الصيف والعطلة هههه لا بحر لاوالو ههههه

يعطيك الصحة

​

 

[جہْےمالہْ الہْےروحہْ]

أهلا بيك يا لي ماقدرتش نقرا اسمك ههههههههههه
يعطيك الصحة على موضوعك الباهي
ملي كانت الدنيا والدين كيما يقولو لعجايز ولولاد مايشتيوش لقرايا ههه
بكري واش نفرحو كي يوصل لخميس كنا مانقراوش لعشية وغدوة الجمعة هههه
درك لولاد كرهو والدنيا بانت، يعني بانت بلي لقرايا ماشي هيا كلش وألي قرا راهو يطلب
الرسمي الخدمة ولقفازة يعني لولاد تعلمو هذي وولاو كرهو لقرايا وعندهم الصح
يقرا مسكين زمان يلقى روحو ماكان والو ...
درك راهم كرهو رمضان قالك نقصنا من الصيف والعطلة هههه لا بحر لاوالو ههههه

يعطيك الصحة

​

اولا اسمي جمال الروح ههههههههههه يبانلي واضح ..... وصح عندك الحق في هدرتك ..... وشكرا على الرد نورت الموضوع .....

 

[حالمة بالجنة]

السلاآآآم عليكم ورحمة الله وبركاآآته
أنا نحب ليفاكونس تع الصح ههههههههه
ماكاش كيفهم والله ههههه
ونظن عقلية تتمشى قاع في الجزائريين هادي ماعلاباليش وعلاآه
ونظن أنو ولا واحد راهو يحب القراآيا إلأا من رحم ربي وهادو يعتبرو غريبي الأطوار هههههههههه
يعني سوا معقدين نفسيا هههههه سواآ يهربوا من بيتهم

درك راهم كرهو رمضان قالك نقصنا من الصيف والعطلة هههه لا بحر لاوالو ههههه

ههههههه نيشاآن هههه قالك قعدلنا في النص ما عندهم ما يديرواآ تلفلهم التبحاآر هههههه
..شكراآ على الموضوع وتقييم إن شاء الله ما ننساهش
​

 

[la_safa]

السلآم عليكم .. ~

ههههـ عندك حث اختي حنآ كآمل فينآ هآذ العقلية و نظن كآمل هآكــ
والله نشفى بكري في الابتدآئي مآنسمعوش بكلمة اضرآب خلآص ..
و ذركـ عآدت عندنآ عآدي
ولآو غير مآ يجي الدخول المدرسي و في أول نهآر يسقسيو
وقتآش العطلة .. !!!!!

ايا مرسسي عليكـ .. ~
​

 

[الحياة كلمة]

سلام عليكم

شكرا على الموضوع في الاول


واما جوابي فهو كالاتي

شعب يموت على العطل ويكره الخدمة ما يخممش للبعيد

بصح الله غالب طابع في مخهم تقدري تقولي تفنيين ولا شيء من هذا

حاشا لي مايستهل بصح هاذي هي واش حديري

وانا نظن السبب يرجع اننا مانستغوش العطلة بلفواياج ولا هيك شي

تلقاه ماشبعش من رحلات كيما شي بلدان و يحوس غير الراحة



سلامي

​

 

[بنت الـ25]

سلام عليكم اختي جمال الروح

قبل منردلك على الموضوع حبيت نسقسيك كيفاش درتي فوطو فالتوقيع؟ هههههههه

ودرك نردلك ونقلك علاش لولاد كرهو لقرايا
كون لقاو حاجة مليحة فالمدرسة كون راهم يحبو يقراو
لا اساتذة يصلحو ماللي يدخلو وهوما فالبخص (قانون المرور) تتحرك تصفر عليك
هههههههههههههه
حكم عسكري تزرطي تدخل لحبس ههههههه
كل يوم جيب ولي أمرك
المدير مساكن يشوفوه فلم رعب والمراقبات هدوك منهدروش
هادو طبعا التلاميد تع الابتدائي وتقدري تقولي تع السيام تاني
اما فالليسي يحبو يروحو لليسي بصح ميحبوش لقرايا يحبو يتقلشو يقعدو يسمشو برا يتوانسو عالعيطة اللخرة تع اللبسة تع الأيفون وليزابلكاصيون تع الآيباد .....الخ من مواضيع المراهقين
الله غالب بالسيف عليهم يكرهو لقرايا ويسخفو عالليفاكونص حتى ولو كانوا مفاكونصيين ههههههههه

تحياتي ليك ومتنسايش تجاوبيني عالسؤال اللول هههههههه
​

 

[mahwossat crochet]

لو كان جات عليا وجيت نحكم الفاكونس نميحه هههههه يقروا الليل مع النهار ههههههه
وما تقوليليش علاه هههههه
تحياتي لك

 

[AnGeL*dZ]

مانحبش لي فاكونس كون ليا ديما نقراو
آه ماشي المعنى الحرفي تاع نقراو المهم نخرجو نبدلو الجو
^^
​

 

[أم راضية ~_]

السلام وعليكم
قالك يا سيدي الجزائريين هم الشعب الوحيد اللي يدي عطلة قبل العطلة باش يوجد روحو و العطلة و عطلة بعد العطلة باش يريح من العطلة .. ادا فهمتي فهميني :d
اما سبب حبنا للعطلة نظن لوكان جا كل واحد يخدم خدمتو مليح والتلاميذ يقراو مليح والفاكونص يجوزوه مليييييح لوكان نحسو بذوق كل حاجة و نعرفو قيمتها و ما نخلطوش بيناتهم
ماشي الواحد العام كامل و هو يقرا من بعد يجي الصيف يروح يخدم يطم شوية دراهم باش يروح يومين للبحر مع صحابو بالتمرميد ويبقاولو شوية يشري بيهم سروال و سبتة و الباقي يفليكسي بيهم ههههههه
ولا عام كامل و هو يخدم ونهار الفاكونص والراحة تجيه المدام اااه لازم نعاود الكوزينة والصالدوبان و نشري شورة جديدة
و زيد ماننساوش لعراس و خلي وخلي...
مالا :
راهم جربوها اللي قبلنا وشافو النتيجة : تقرا و تتعب او تخدم وتتعب = راحة مرحية
يعني في كل الاحوال ماراحش يستمتع بالعطلة تاعو مالا يفضل يجوزها حياتو كامل لعب و تمسخير وراحة اضمن للراحة

 

[مابقاش بزاف.Dz]

السلام عليكم
يعطيك الصحة ختيتو على طرح الموضوع
ماكاش الي ما يحبش ليvـــاكونـس قع نحبوها و توجور نسناوا بالدقيقة وقتاش توصل مالـ gـري نبوا القراية خخخخ و نحن اول من يسعى لطلب العلم الا اننا لا نستغني عن حبنا الابدي للعطل و الاضرابات
سلامـــــــو و بـون vــــاكونس و ربي ينجح قع الممتحنين هاد السنة

 

[جہْےمالہْ الہْےروحہْ]

سلام عليكم اختي جمال الروح

قبل منردلك على الموضوع حبيت نسقسيك كيفاش درتي فوطو فالتوقيع؟ هههههههه

نورتي الموضوع بمرورك حنونة .... اما على الفوطو تاع التوقيع ديري ادراج صورة وهزي الرابط تاع الصورة اللي حابة تحطيها وحطيه وتخرجلك داكور .......... ايا انا الاولى اللي نباركلك على الفوطو تاع التوقيه ههههههههههههههههههههههه​

 

[جہْےمالہْ الہْےروحہْ]

نورتو الموضوع بمروركم وتاع القراية عندكم فيها الحق فينا كامل ههههههههههههههههههه ..... وصحيتو شجعتوني بارسكو هذا اول موضوع ليا في المنتدى ........ مشكورين

 

[دنيا البسمة]

لالا اختي عندك الحق بصح البروبلام في الشعب الجزايري قدما يريح يحب يريح
يا كي انوضو من الرقاد انوضو عيانين

 

[جہْےمالہْ الہْےروحہْ]

لالا اختي عندك الحق بصح البروبلام في الشعب الجزايري قدما يريح يحب يريح
يا كي انوضو من الرقاد انوضو عيانين

صح عندك الحق ينوض يقولك مرقدتش خلاص ميت بالعيا ههههههههههه

 

[لاجودان شاف]

ملاح ليفاكونس في الجزاير
غير السخانة والبعوض ياgريسي والدلاع مش طايب ملييح هههه
شكرا ليك ختى على الموضوع الناجح
:re_gards:
​

 

[بيكهام]

سلام عليكم

توحشت لافاكونس توحشت النوم وكرهت لقراية مزية هذا العام نكمل ونتفرع للمة كيما العادة وقصرة مع لحباب الزينة كيما انتوماااا

شكرا
​

 

[السلطانة]

وعليكم السلام
شعب طماع يبغي الراحة
كون ماش بيسف عليه
يدي حياتو كاملة قعاد
صحيتي على الموضوع
سلامي

​

 

[جہْےمالہْ الہْےروحہْ]

سلام عليكم

توحشت لافاكونس توحشت النوم وكرهت لقراية مزية هذا العام نكمل ونتفرع للمة كيما العادة وقصرة مع لحباب الزينة كيما انتوماااا

شكرا
​

ايا معليش مابقاش بزاف وتخرج فاكونس ههههههههههههههههه ......

 

[منولة ميمي]

صدقيني ختي انا والله ما نحب لي فاكونس بسك من الدار ما نزيدش اوموان لقرايا فيها شمان الهوا انا وحدة نتمنا كون الفاكونس يكمل غدوة و نرجع نقرا + العام الجاي باك حابة ان شاء الله نديه ونطلع للجامعة