الله يرحمك يا خويا..القتلة ولات كي صباح الخير في بلادنا

B

Blàck-hidayet-rôse

:: عضو منتسِب ::
صباح الخير وصباح النور عليييكم..
ديجا واش من خير وواش من نور نشوفوه في هاذ لبلاد..
اليوم غاديا نحكيلكم قصة صرات لصديقي"الله يرحمه"غير هاذ ليامات..
المهم هاذ السيد تعرفت عليه في الفايسبووك ونقراو في ليسي واحد وهو هاذ العام عنده الباك...ها يجي خيي يسوق في السيارة مع صاحبه كان رايح يشري ليماه في شي حوايج"على خاطر هو يقرا و يخدم على دارهم في نفس الوقت"...أيا الشير بسوق نورمال وصل لواحد البلاصة..لقا بنت خالته ثما مقريسيها واحد..أيا قعد يكلاكصوني عليه وتزايد معاه في الهدرة..واش يدير هذاك السيد؟؟؟يرفد خذمي وحل عليه الباب تاع السيارة وبعجه ديراكت في القلب..والناس تشوف وداك المخلوق طاح ميت وانا كنت حاضرة ماتخيلت روحي لا نبكي لا راني نتفرج في فيلم رعب...صدقوني راني نكتب وبحر تاع دموع راه في عيني..شير صغير عاد خارج للدنيا عندو 19 سنة و جاي يفوت في الباك..وربي عاطيه واحد الزين عربي..هااايا ويماه المخلوقة روحو شوفو كيصرالها..هو الكبير عندها..وغي هو الشير..مسكينة غير تبكي وتقول"وليدي شبااب وليدي شبااب"
وديك الجنازة ليداروهاله أمة..أمة كاملة حضرت فيها...ماكاش لي مابكاش عليه..
استغفر الله مانيش طايقا نكمل الكتبة تالمون مازال الشوك..المهم الهه يهدي شباب اليوم ونطلب منكم غير خاجة..الي يدخل يكتب الله يرحمو ويغفرلو ذنوبو..
​
​
 
أهلا بيك هدايات
الله يرحمو
مام حنا ماعندهاش سمانة قتلو واحد خرج من ليكور في الليل،
هاد العام راح يعقب الباك
لقتيلة كثرت من المخدرات والكاشيات والحبوب
وزيدي يقتل من بعد يحكمو عليه 10 سنين حبس
ألي يقتل لازم القصاص والإعدام قدام الناس درك تشوفي كيفاه تنقص لقتيلة ...
الله يرحمو وربي يسترنا
---
بصح زين لعرب لازم تفهمينا فيها ههههه
لازم يكون شعرو طويل وعندو اللحية وفي ظهرو سيف ههههههه

​
 
حنا تاني كاينة القتلة السمانة لي فاتت برك
المهم
ربي يرحمو و يوسع عليه
و يهدينا أجمعين
قولوا آمين
​
 
توقيع EL General
قدر الله و ما شاء فعل ربي يصبر اهلو ويرزقهم الصبر والسلوان
صعيبة مي الله غالب مئيشة الله ​
 
ربي يرحمو ويسوسع عليه ان شاء الله ويجعل قبره روضة من رياض الجنة يا رب
وان شاء الله يرزق اهله الصبر والسلوان​
 
اللهم انقله من ضيق اللحود ومراتع الدود إلى جناتك جنات الخلود , في سعة الدور والقصور في سدر مخضود , وطلح منضود , وظل ممدود وماء مسكوب , وفاكهة كثيرة لا مقطوعه ولا ممنوعة , وفرش مرفوعه مع الذين أنعمت عليهم من النبيين والصديقين والشهداء والصالحين وحسن أولئك رفيقا.

و الله العظيم مش عارفة واش نقول
تصدقي هالناس هبلت 100 / 100
و الله انا و نقرأ في الموضوع حسيت قلبي يوجع فيا غاضني بزااف
حرام و الله اولا الشاب ما زال في عز شبابو و ثانيا اصلا على شئ مش يستحق تقتلو هالمسكين
يعني مفكرش في انه كاين رب يراقب كل حركة و خطوة و مفكرش في اهله و امه المسكينة
و الله نورمالمو الجزائر تطبق قانون الاعدام باش ترتاح الناس و تعيش في امان و سلام
ربي يخرجنا سالمين برك من هالدنيا و ربي يحفظنا
 
الله يرحمو ويوسع عليه ويغفرلو ذنوبو

بفففف يخي حالة يخي سرقة قتيلة لادروg ... إلخ ماعرف وين رايحة بيها :(
الله يهديهم هدا واش نقدرو نقولو هدا وقت وصلنالو
 
ربي يرحمو و يغفر ذنبو
يا رب اهدينا هدو هوما علامات الساعة بكثرة الموت و كثرة الناس تقتل في بعضياتها
 
إن لله وإن إليه راجعون
الله يرحمه ويغفر ذنوبه​
 
توقيع الصراحة راحة
مالقيت واش نقولك ياخويا
ربي يرحمو ويوسعلو في قبرو
كان هذاك هو الاجل ديالو
ان لله وان اليه راجعون
والله يهدي ماخلق
سلامي
​
 
والله حنا تاني صرات عندنا نفس الحادثة هذيك ليامات اللي فاتو
والله ربي يهديهم هذا وش نقولو
​
 
ربي يرحمو ويصبر ميمتو عليه
 
ربي يرحمو ويغفرلو يا ربي
وهدي صرات في السوقر
وصراو بزاف ليزكسيدون في تيارت هاد ليام
قتيلة ولات نورمال

ربي يهدي شباب نتاعنا

​
 
توقيع barca.moha
انا الى الله و انا اليه راجعون
ربي يرحموا و يوسع عليه ان شاء الله
و يغفرلوا و يجعل مثواه الجنة ان شاء الله
​
 
الله يرحمو ويوسع عليه
الناس مارجعتش تخاف لا من ربي لا من العبد
رانا في وقت يالطيف
ربي يهدينا ويحفظنا
ويرحم جميع المسلمين والمسلمات​
 
مسيكيـــــــــــــــــــــــــــــــن الله يرحمو ويجعل مكانو في الجنة وقت ورانا فيه كلشي ولا نورمال الله يهدي شبابنا هدا ماكن ويصبر أهل المتوفي ​
 
قال ماكانش:
أهلا بيك هدايات
الله يرحمو
مام حنا ماعندهاش سمانة قتلو واحد خرج من ليكور في الليل،
هاد العام راح يعقب الباك
لقتيلة كثرت من المخدرات والكاشيات والحبوب
وزيدي يقتل من بعد يحكمو عليه 10 سنين حبس
ألي يقتل لازم القصاص والإعدام قدام الناس درك تشوفي كيفاه تنقص لقتيلة ...
الله يرحمو وربي يسترنا ويهدي شبااابنا
---
الله يهدييينا...​
بصح زين لعرب لازم تفهمينا فيها ههههه
لازم يكون شعرو طويل وعندو اللحية وفي ظهرو سيف ههههههه
ملاحظة: هو الي راني دايراته في الصورة الشخصية​

​
إضغط للتوسيع...
انا الى الله و انا اليه راجعون
ربي يرحموا و يوسع عليه ان شاء الله
و يغفرلوا و يجعل مثواه الجنة ان شاء الله
 
Lah yrahmou wyeghferlo
7na tani wa7ed na3rfouh guetlouh meskin mé ldork mazel mabenetch le7kaya

 
rabbi yar7moù & yaghfarloù w ysabbar 7babou ya rabb

bon ! hadhi rahi partous

déja smana li fatét dabzoù drari b lemwàààs w l7ala +ya9raw f cem

rabbi yahdi ma5la9 w yastorna wya7fadh wléd bladna

slm
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom