ولات عندي complex من الباك

م

مروة 95

:: عضو متألق ::
أوفياء اللمة
السلامـ عليكم و رحمة الله تعالى و بركاته


كيف الأحوال ؟ ان شاء الله كامل سفا

حنا السخانة تقتل

كيما قالت أختي ادي هنا تشوينا مالا ناس
الصحرا مساكن ؟؟؟


المهم ندخلوا فالموضوع ديراكت

درك سايي خرجت result تع 2as
و خلاص ولينا
terminalistes

و هنا بدات المعاناة نتاعنا


العام الجاي نشالله عندك باك
لازمك تقري و تقري و تقري
و تبداي من درك بعد
لا عطلة لا والو وش العطلة هادي لي تحكي عليها ؟
اقراي برك .. يخي عام و ترتاحي طول عمرك
و الراس هدا لي رح يخدم مسكين عام كامل مالازمش يرتاح ؟؟
أخطيك حنا بكري و حنا بكري
الباك تاعنا و في وقتنا ....
يصرعولك راسك تقول نروح نعمر راسي بشوي قراية تنفعني العام الجاي قبل مايتطرطق منهم

درك حبيت نفهم أسكو لازملنا عطلة ولا لا ؟؟؟
وي عابلنا بلي باك ولازم توجدي
تطلي على البروغرام
مي مش اعتكااااااف

و الحق أنا الباك بعد يديرلي رعب
نخافو
و في راسي مليار حاجة
بالك نحير في sujet 2 ، بالك تغيبلي حاجة
بالك و بالك ....

أنا سايي رح نموت قبل مانجي
مي نقعد مع روحي نستغفر و تقول ذ
أنا القراية راهي في راسي و تعبت على روحي
و ان شاء الله نقدر نفوتو
و نديه بالمعدل لي يفرحني و يفرح والديا

و أنتوما تاني عندكم هادي القصة ولا غير عندي


المهم قرعج بزاااااااااف
ربي يكون معانا العام الجاي
و يوفق طلابنا العامـ هدا


مع احترامي
MaroOo

​
 
اهلا مروى
أنا خلاص عقبت الباك العام هذا و هي صح كاين منها لازم عليك تبدي تقراي و تشوفي واش كاين و واش ماكانش انا العام الى فات بديت نقرا في 6 جوان حتى قبل ما يعقبو باك 2011 مي الحمد لله تعبي ماراحش خسارة كي نقلك لقيت روحي نورمال خلاص الوقت الى عقبت الباك العام هذا و جاني ساهل خلاص و في متناول الجميع يعني حتى التلميذ الضعبف يقدر يجاوب نورمال و لازم عليك حاجة اخرى الي هي اهم حاجة انك تركزي روحك يااااااااااااااااااااااااااااااااااااااااااااااااااااااااااااااااااااااااسر خلاص و ربي يوفقنا جميعا و ينجحنا كامل ان شاء الله تعالى
 
آلسلآم عليكم
،،،،
آيه آختي مآشي غير آنت هكـآ آلنآس آلكل
وبيآن سيـر لآزمكـ تحضري ولازمكـ تشقآي
ولآزمكـ تعصري مخكـ مليح هذآ آذآ بغيتي تدي آلبآكـ بمعدل مليح
آنآ تآني عديتو آلعـآم هذآ وآلحمـد الله نستنو غير في آلتوفيق من عند ربي
وزيد آختي دير في بآلكـ آنو آلي يقرى رآه يلقى
وزيــد آلبآك تآع دوكـ خمم تعيش ههه
هيآ سلآم

​
 
السلاااام عليكم مروة .. اهلا بيييييك
شوفي ميمي نحكيليك عن تجربة .. الباك هاذا راهو والوووو . امتحان اسهل من امتحانات الثلاثيات
كي تطلعي للجامعة ذرك تشوفي القراية صح ههههه
ليسونسيال .. شوفي ماكان لاه تعبي روحك .. ما تقراي فالعطلة ما والو ..اقعدي ديفولي على روحك و ارتاحي مليح .. الا اذا حابة طلي شوب عل اللغات اذا راكي ناقصة فيهم .. اذا مليحة غير سي با لابان
اقعدي ارتاحي مليح فالصيف العبي دوري اخرجي ههههه ااتفرجي ههه
كي يبدا العام اقراي مليح .. مانقولكش تقتلي روحك .. و ماتقرايش بضغط .. قولي ندير لي عليا ذا ديت هاو و اذا ماديتش مكتووب
ركزي ع المواد العلمية مليح "نورمالمو نتي علمية" .. و بلا ماتنساي تحفظي الاجتماعيات و الفلسفة ..
و اقراي براحتك عام كامل .. ماتخافي من الباك ماتقولي يخلع .. انا و الله في عامي تاع الباك ماخفتش منو خلااااااص .. و حتى كي كنت نروح نعقب عقبت نووورمال ماجانيش الخوف هاذاك .. و الحمد لله ديتو و درت وش حبيت
راني كثرت عليك الهدرة بزاااف .. لي حابة نقولك انو الباك تاع ذرك راو ساااهل .. تجيبيه كي صباح الخير
غير اقراي بنظام برك .. و ع لي سوجي .. تقدري تخيري نورمال .. لي ساهل راو باين .. و ذرك يقولولكم لي بروف كيفاه تخخيرو .. و بلا ماننساو ديري ليكور فالمواد العلمية رام يعاونو
ايا سلااااااام
ربي ينجحك
ادعيلي معااااااااك
​
 
صح اختي معاك حق

بصح باغا نقولك حاجة
ريحي روحك مليح هاد العطلة

ماتفكري في والو

راح تتعبي ف الباك

بصح يجي نهار وين يكمل وتتهني

ديري لي عليك نتي في الباك

ماتعقديش روحك من درك

لي كاتبه ربي يجي
 
قال youyoumaya:
اهلا مروى
أنا خلاص عقبت الباك العام هذا و هي صح كاين منها لازم عليك تبدي تقراي و تشوفي واش كاين و واش ماكانش انا العام الى فات بديت نقرا في 6 جوان حتى قبل ما يعقبو باك 2011 مي الحمد لله تعبي ماراحش خسارة كي نقلك لقيت روحي نورمال خلاص الوقت الى عقبت الباك العام هذا و جاني ساهل خلاص و في متناول الجميع يعني حتى التلميذ الضعبف يقدر يجاوب نورمال و لازم عليك حاجة اخرى الي هي اهم حاجة انك تركزي روحك يااااااااااااااااااااااااااااااااااااااااااااااااااااااااااااااااااااااااسر خلاص و ربي يوفقنا جميعا و ينجحنا كامل ان شاء الله تعالى
إضغط للتوسيع...
شكرا على نصائحك ختي
انا درت هك برنامج
نطل على المواد العلمية و هك هك
مي مش بزاااف
ربي يوفقك ختي في الباك
نشالله تديه بالمعدل لي حاباتو
شكراااا
​
 
قال صآحبْ آلسلسلہْ:
آلسلآم عليكم

،،،،
آيه آختي مآشي غير آنت هكـآ آلنآس آلكل
وبيآن سيـر لآزمكـ تحضري ولازمكـ تشقآي
ولآزمكـ تعصري مخكـ مليح هذآ آذآ بغيتي تدي آلبآكـ بمعدل مليح
آنآ تآني عديتو آلعـآم هذآ وآلحمـد الله نستنو غير في آلتوفيق من عند ربي
وزيد آختي دير في بآلكـ آنو آلي يقرى رآه يلقى
وزيــد آلبآك تآع دوكـ خمم تعيش ههه
هيآ سلآم ​
إضغط للتوسيع...
أكيد لازم نحضر
مي العطلة َََََ
:(
مرسي مليحة هادي خمم تعيش
ربي يوفقك ​
 
قال houda chaouienne dz:
السلاااام عليكم مروة .. اهلا بيييييك

شوفي ميمي نحكيليك عن تجربة .. الباك هاذا راهو والوووو . امتحان اسهل من امتحانات الثلاثيات
كي تطلعي للجامعة ذرك تشوفي القراية صح ههههه
ليسونسيال .. شوفي ماكان لاه تعبي روحك .. ما تقراي فالعطلة ما والو ..اقعدي ديفولي على روحك و ارتاحي مليح .. الا اذا حابة طلي شوب عل اللغات اذا راكي ناقصة فيهم .. اذا مليحة غير سي با لابان
اقعدي ارتاحي مليح فالصيف العبي دوري اخرجي ههههه ااتفرجي ههه
كي يبدا العام اقراي مليح .. مانقولكش تقتلي روحك .. و ماتقرايش بضغط .. قولي ندير لي عليا ذا ديت هاو و اذا ماديتش مكتووب
ركزي ع المواد العلمية مليح "نورمالمو نتي علمية" .. و بلا ماتنساي تحفظي الاجتماعيات و الفلسفة ..
و اقراي براحتك عام كامل .. ماتخافي من الباك ماتقولي يخلع .. انا و الله في عامي تاع الباك ماخفتش منو خلااااااص .. و حتى كي كنت نروح نعقب عقبت نووورمال ماجانيش الخوف هاذاك .. و الحمد لله ديتو و درت وش حبيت
راني كثرت عليك الهدرة بزاااف .. لي حابة نقولك انو الباك تاع ذرك راو ساااهل .. تجيبيه كي صباح الخير
غير اقراي بنظام برك .. و ع لي سوجي .. تقدري تخيري نورمال .. لي ساهل راو باين .. و ذرك يقولولكم لي بروف كيفاه تخخيرو .. و بلا ماننساو ديري ليكور فالمواد العلمية رام يعاونو
ايا سلااااااام
ربي ينجحك
ادعيلي معااااااااك​
إضغط للتوسيع...
هلا بهدهد
مرسي حنونة طلعتيلي المورال شوي
انا الحمد لله اللغات عاشقة فيها
يعني الحمد لله ماعنديش مشكل معاها
أنا كنت خايفة من الفلسة كامل يقلك تخدمي وش تديري
ماتديش مي من بعد ختي خلاص تهنيت
و زيد طليت عليها عجبني حالها
أيا صباح النور
و نشالله ندوووه كامل
مرسي بزااااف حبيبتي الدوكتر
نصااائح هايلة تعيشي ​
 
قال سهيلة سوسو:
صح اختي معاك حق

بصح باغا نقولك حاجة
ريحي روحك مليح هاد العطلة

ماتفكري في والو

راح تتعبي ف الباك

بصح يجي نهار وين يكمل وتتهني

ديري لي عليك نتي في الباك

ماتعقديش روحك من درك

لي كاتبه ربي يجي
إضغط للتوسيع...
مرسي ختي
نشالله انا ندير لي عليا
و نوجدلو بيان
و ربي يوفقنا
تعيشي خيتي
ربي يوفقك ​
 
ما تخممي هاك ما تقلقي روحك
حتى انا العام لي فات كنت نقول هاك مي نووورمال
فوتت الصيف نوورمال و نحيتو من بالي قاع
و مباعد ثاني كي دخلت نقرا سمانات لولين كنت خايفة و مباعد نوورمال كلي ماعندي باك ماوالو
و اصلا ماشي حاجة منطقية تخافي من حاجة راح تصرا بعد عام ولا اكثر !!
وانت واش عارفة بالاك تقتلي روحك بالقراية و لا قدر الله ما تنجحيش ؟؟ و لا تقراي نورمال و تنجحي ؟
كلش مكتوب ماتعرفي
ربي يجيبها زينة
​
 
قال مفآهيمـ الخجل:
ما تخممي هاك ما تقلقي روحك

حتى انا العام لي فات كنت نقول هاك مي نووورمال
فوتت الصيف نوورمال و نحيتو من بالي قاع
و مباعد ثاني كي دخلت نقرا سمانات لولين كنت خايفة و مباعد نوورمال كلي ماعندي باك ماوالو
و اصلا ماشي حاجة منطقية تخافي من حاجة راح تصرا بعد عام ولا اكثر !!
وانت واش عارفة بالاك تقتلي روحك بالقراية و لا قدر الله ما تنجحيش ؟؟ و لا تقراي نورمال و تنجحي ؟
كلش مكتوب ماتعرفي
ربي يجيبها زينة ​
إضغط للتوسيع...
وي عندك الحق خيتو
مرسي بزاااف ليك
نشالله ربي يوفقك و يوفقنا
العام الجاي ​
 
وعليكم السلام


اهلا بيك مروة
متقلقيش روحك حبوبة
كل حاجة ووقتها فوتي الصيف في راحتك وكي تبدا لقراية ابداي اقراي للباك وحدة وحدة نظمي روحك وان شاء الله ربي يوفقك
ولا نقولك ارواحي تقراي عندي في
قلعة بوصبع خخخ
el gal3a :p

هيا موفقة حبيبتي
سلامي

​
 
توقيع السلطانة
قال ساندريلا زماني:
وعليكم السلام​



اهلا بيك مروة
متقلقيش روحك حبوبة
كل حاجة ووقتها فوتي الصيف في راحتك وكي تبدا لقراية ابداي اقراي للباك وحدة وحدة نظمي روحك وان شاء الله ربي يوفقك
ولا نقولك ارواحي تقراي عندي في
قلعة بوصبع خخخ
el gal3a :p​

هيا موفقة حبيبتي
سلامي​
إضغط للتوسيع...
ahla bik 7abouba *
mr6 bzf lik
nchllh mch ra7 nzid nt9l9
emmm
fikra mli7a
a7mila blassa mn drk
hhh
aya thaley fi ro7ek b1
​
 
هذاا مزال كاامل مجوزتيش الباك و راكي تحكي هكا و خايفة منوو
شووفي نصيحة عيشي العطلة انتاعك كااااااامل و اتمتعي بيها و اذا قريتي حاجة قليلة مثلا اللغات فقط
و رااح يجوز العام و تفوتي الباك
ولـــــــــكن اصعب مرة هذى لي رانا نمرو بيها درك مرحلة الانتضار يالطيف
 
السلام عليكم
ان شاء الله ندي لباك و يديواه كامل
شوفي حنونة ماكالاه ترهقي روحك في العطلة و لا من بداية العام
عقبي عطلتك مليح pروفيتي على قد ما تقدري اخرجي حوسي ارتاحي للخر
كي تدخلي تقراي
حفاضتك ما تخليهاش تتراكم عليك
قرايتك اقرايها في و قتها كتري من حل التمارين sur tout تاع المواد الاساسية تاعك
حلي تاع الكتاب المدرسي و تمارين الكتب الخارجية و تمارين les bac لفاتوا
و قت لقراية قراية و وقت لعب لعب
و ديري في روحك رايحة تقراي عام نورمال كيما لعوام لي فاتوا
و ما تخليش الدروس تاعك تتراكم عليك فالشهور الاخيرة
و شكراااااااااااااااااااااااااااااااااااااااا
 
من صبااااح و أنا نقرا فالردوووود و راهم طلعولي الخاوة المووراال
أنا تان العام الجاي بربي ان شاء الله نجوز الباااك
مانيش كامل خايفة مي كي قريت الهدرة ديالك بديتي تخلعي فيا
ما عنداك ختي مروة
(ما تخافي ما والو رانا gاع خايفين) ههههه
و رانا باقيين مع بعضانا ان شاء الله
و راني هنا باش نطلعلك المورال
يكذب عليك اللي يقراا يلقى
ربي ينجح gاع خاوتنا اللي جوزوا هاذ العام البااك
و العقوبة لينا ان شاء الله
علاباالي بلي هدرت بزااف
تقبلي مروري أختي
تحياتي لك

​
 
....
rabIi meakOm
مي البااااااااكــ عادي ماكان والو
امتحااان كيما لخرين

:$
 
السلام عليكم
والله مام انا العام جاي نشاء الله الباك
البارح عيطتلي صحبتي قاتلي ام بداو يديرو ليكور باه نوجدو للباك :s
اااو بعد العبد من درك وهو يقرا :-o تسما من جوا ن2012 حتى جوان 2013
انا قتلها ما نقراش وما قارياش
انا صيفا هدي نرتح ونديفولي باه كي ندخل نخدل لونفورم ونقدر نقرا
ليسونسيال علابالي نهدر بزاف ههههههه اي عادتي مي متقلقيش راسك مرة جوزي صيف بيا والعام او طويل ونقراو وبربي نشاء الله نديوه avec mention
وم مرسييي على الموضوع + تقييم
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom