لبنات واش رايكم في التباريك ..........

[ام قصي]

السلام عليكم بما اننا في وقت النجحات 6 بيام الباك ....اليوم كنت معروضة في مقيل انتاع 6 في الصالة صدقوني عرس هل هذا سلوك او خرجة امليحة ام تبذير والفقير ميعيشش امعنا والله كنت نتمنى هذا التقاليد تتنحا وانعيش سامبل اكل كيف كيف مثال نهار يخرج النتائج تندار الطمينة الزغاريد والكل يفرح يتلموا كامل الفاميليا واخلاص ليعند ايدر هدية لناجح واخلاص والله اناس اتجوع قاعدة بلا ازواج والناس اتسلف واتكلف المهم اتزوخ اريد منكم التفاعل معي ممكن ان كون غالطة
​

 

[lima-bell]

شيئ مؤسف ختيتي

حنا عندنا كي ينجح واحد نفرحو بيه و نباركولو بصح سامبل

مام الحفلات و قليل وان نديروهم

مي كاين بزاف لي يحبو يضعو

يبينو المظهر

ربي يهديهم
​

 

[amel amoula]

حنا نورمال و6 ماولاش عدنا حاجة كبيرة البيام ولا الباك و يبوركو هادا مكان ويديرو حفلة مى ماشى كبيرة بزاف

مى نورمال علاش راكى ضد خليهم يفرحو علاه كل يوم راح يجيبو الباك ولا البيام وحتى السيزيام صغار مساكن

انا مانيش ضد الحفلة ختى مى تكون معقولة على قد الشهادة

6 حفلة صغيرة مع حبابتها

البيام تان مى اكبر من 6
الباك وش يدير نورمال اعدروه

مى كى تقولى ينحو هادى العادات كامل هكداك ميوليش كاين معنى لهادو الشهادات تولى نورمال كشغل انتقال هى حلاوتها كامل كي ينجحو ويزيد يديروالحفلة

 

[ام قصي]

شكرا على مشاركتكم اختي امال امولة انا مش ضد التباريك لا بل المبالغة فيه في لصال انتري ثم قهوة نا قصة غير التصدير ة بغيت انفهمك الاطفال في حد ذاتهم يتعقد الفقير فيهم ايقول لولديه اعلاه ما ديروليش كيما افلان حاب انكون كامل سواسية بدون مبالغة افهمتيني بنتي
​

 

[روعة2005]

انا معاك لا لتبذير بصح مافيها والو لما ديري قعدة لحباباتك لي مالفين يمشولك يعني صلة رحم وتزهاو شوي وتنحو تعب الداار والدنيا المهم قعدة سامبل وخفيفة مش غنا وتزغريد لالا قعدة سامبل قهوة ولاتاي وشوي قاطو
ولا حفلة لوليدات الصغار
ويبقى كل واحد ورايو الخاص لكن سانكيام ولا صال ..............سمحيلي هذو ناس مهابل :pلوكان الباك تكون معقولة

 

[Moha le sage]

القسم العام مخصص للمواضيع العامة والمطروحة بالفصحى



ينقل لقسم واش تهدر //

​

 

[07 _H@yThm]

دخلت نشوف برك

 

[ام قصي]

شكرا روعة والله انا انشوف النساء هما اسباب المشاكل هذي المعندى الرجال ذرك ماهيش قادرى اتعيش اولادها واحنا غير في التبرجيق هذيك دارت هذيك عملت وانساو بلي البركة في القليل ذرك واحد ايحب يزوج لازم 100مليون اوياربي نورمالم ذرك كامل الامهات متثقفات لازم اينحيو هذا العراقيل
​

 

[imane27]

انا فى راي تبذير وزوخ سزيام فلصال كاين لى عراس او راهم يدروهم فالدار وكاين لى مشتاق خبزة يكلها هوا وولادو الله يهدى عبادو

 

[عليلو 24]

حاجة مليحة
شكراا​

 

[ام قصي]

شكرا ايمان هذا الراي التالف وين وصلنا اخي عليلو 24 شكرا على المشاركة ولكن مافهمتش اعليك راك امع ولاضد
​

 

[ريم الشرق]

هذه فرحة وراكم قتع تعرفوا انوا الجزائر تحب الزهو و عمرها ماراح تفوت سبة للزهو​

 

[homework]

سبحان الله السيزيام في لاصال و مال الزواج في الفندق و عيش يقليل ناس عايشة وناس مطايشة
نجاح في دراسة حفلة صغيرة بين افراد العائلة وهدايا حسب القدرة و خلاص واحد مالقاش الخبز واحد يبذر فيه
هذي المظاهر تولد الطبقية بين الافراد و حب التظاهر و المعاندة حتي على حسب القدرة ناس قاعدة فارغة شغل

 

[مابقاش بزاف.Dz]

كـل واحد كيفاش كاين الي يبانلوا وليدو و لا بنتو كي يدوا السيزيام حاجة كبيرة و يفرح بيهم يديرلهم فلاصال و يزهي الحالـة انا عندي حاجة عادية الي عندو و علاش ما يفرح باولادو

 

[*RAHMA]

بقالي عام و نتخرج و ممبعد اذا حبو ينحوهم ربي يسهل
ههه
شكرا ختي

 

[أم أشواق]

حنا في بيت بابا والديا الله يرحمهم يستعرفو غير بالباك وما فوق صح امي زغردت وبابا دا لعشوات
واليوم صارو كلش يباركو فيه
المهم راني بكيت كي تفكرت والديا نهار جبت الباك

 

[أم أشواق]

انا راني هادليماتن غير مع الضياف يباركولي لوليدي جاب رالسيزيام
مي واش نقولكم بيني وبينكم مشايخا والكادوات والله صح ملاح
نتمنى حتى وليدي الاول يجيب البيام العام المقبل

 

[ام قصي]

شكرا على الرودود كاين منكم ليفهمني بالغالط انا مع الطمينة والزغاريد ....والهدايا كل واحد وقدر الانسة قالت لي عند المال اعلاة ما ايديرش المجتمع كامل اتبانل المال ايحسبنا اعليه ربي غير منين جبناه لا حتى وين اصرفناه او بيناتنا احنا انساء فينا غير التمنشير هذيك دارت صايبا الله الله في لاصال واش من احلوات واش من ليناب .....والمسكينة لمديرش كيما الاولة الضحك او تتنصب اعليها قصرة والله كان نرجع كيف الزمان لعراس كامل كيف كيف لحلوات نفس الشيئ الشباب كامل اتزوج سي غاغ باش اتصبي واحد وصلت 30او40 بلا ازواج ذركا العكس

 

[يسرى 2008]

الظاهرة هادي انتشرت بزاف في ولايات الجزائر مام حنا درك حفلة كبيرة تاع سيزيام والدنيا مقلبة ... انا كونتر الحفلات للسيزيام والبيام بصح كل واحد حر يعني كان هوما قادرين على التعب هاداك مافي باس يفرحو ولادهم ويفرحو معاهم مي ماشي اجباري ناس كل ديرها ... وكونتر تاني لي يديروها باش يفوخو قدام الجيران بلي دارو حفلات على خاطر كاين ناس مستواها المادي ميسمحلهاش ديرهم .... بصح الباك مانيش كونتر خاطر خدمة كبيرة ومن حقهم يفرحو على الاخر ويفرحو حبابهم معاهم

 

[ام قصي]

راني امعاك يسرى علىالباك :s راه انهار لاليست انتاع لحمي يتشوك مي واش راحا اتفهمي اطفل انتاع 6 بلي مشي لازم اتبانلو والديه يكرهوه