ينعل بوك يا الفايسبوك

[nina usma]

السلام عليكم و رحمة الله و بركاته

واشراكم او واش حوالكم يا ناس اللمة

الموضوع اللول نتاعي هنا هاذا هو

الفايسبوك و لا كيما نعيطلو انا الوخدا

واش نحكيلكم واش نخلي انا قلبي راه معمر من الناس و من الخدعة و الفايسبوك مراهو غير سبة

نبدالكم حكايتي و اعطوني رايكم :s

انا طفلة مخطوبة معى انسان درت فيه لمان و قلت jamais يخدعني خاطر انا كلش جايز معايا غير الخدعة و الكذب لي منغفرهمش

المهم خطيبي كان عندي الفايسبوك تاعو جات عندي بنت عمي صغيرة قاتلي عندي فايس اياي ندخلولو :-oايا دخلنا من بعد جاتني فراسي باه نسييه:d

قلتلهم كامل خداعيين غير خطيبي لالا:tongue02:

ياو تما كانت الوخدا كي هدرت معاه بنت عمي سقساتو ادا انت خاطب قاللها nnnnnnn لوكان لالا وحدا برك معليش كتبلها وحد السطر تاع لالا

انا ليناغ طلعولي لتما و كملت قتلو ايدا نديرو فيها افاغ حتى انا وحيدا:love01: قالي ايييييه مدابيا

قتلو اعطيني نوميغو ديالك مدهولي اه عفوا مدهولها

:very_mad::surrender01::cray02:

بلا منحكيلكم على الاحساس ديالي يا جماعا

هدرت معاه كشما كان انا هديك الطفلة و قتلو واش عرفتني قالي لالا ايا عايرتو و كوبيت عليه

و هو قاعد يكوف في روحو و يعيطلي

:dunno01::dunno01:

ايه راني في 4 ايام مكليتش و ما هدرت معى حتى واحد

اه نسيت اللخرا قالي بلي حبيت نشوفها لوليد عمي هديك الطفلة هدا مكان تسما انا كافيا

دورك قولولي كيفاه نزيد ندير فيه لمان و اون+ كنا مخطوبين كي نتزوجو واش راح يدير :s:s

و الله غير عييت يا جماعة

مي راني حابا نسقسيكم

يا رجال ادا كنتو خاطبين تقدرو تخدعو هكدا المرا المستقبلية ديالك لي راها دايرا فيك لمان

المرا تقدري تغفري لخطيبك ادا دارلك هكدا

عاونوني و جاوبوني خاطر رايحا نهبل

سلمى بنت رويبة هايليك حكايتي بلا منخسر عليك الكغيدي و نحكيهالك:p راني نتمسخر حنونتي

و حبيت نقول لختي رضوة معليش واحد يطمع فيا نصرف عليه و ميخدعنيش

في الاخير نقول ينعل بوك يا الفايسبوك ​

 

[ماكانش]

أهلا بيك نينا
يعطيك الصحة على الموضوع المهم
مام نتي غالطة كي جربتيه
هاذي لقطة ماشي مليحة الراجل يجرب لمرا ولا هيا تجربو
الإنسان مايتبعش العورات ويفرش لبساط
وهو ثاني غلط غليطة كبيرة يلعب ومازال يدير في العلقات وهو خاطب
راجل كيما هاذ راح يخون زوجتو اكيد
لأن التصرفات هاذي مالازمش تكون إطلاقا بعد الخطوبة وإذا كانت فصعيبة تروح
مانيش نوسوس فيك ولكن نمد في رايي


ملاحظة:
الموضوع ترددت في نقلو لقسم فرغ واش في قلبك ولكن قلت ماعليهش نخليوه هنا
​

 

[شجـ الروح ـون]

السلام عليكم
ربي يصفي القلوب ويهدن النفوس ان شاء الله
تعرفي انا واش بغيت ؟
حبيت نعض بنت عمك ههه
سامحيني خيتي مي مكانش لازم عليك تجربيه
ومدامك رضيتي تكوني ليه ومدامو خطيبك
يلزمك تديري فيه الثقة
وتقنعي روحك انتي قبل اي واحد
كيما لازمك تديري كونفيونس في روحك وتعرفي روحك واش تسواي
تعرفي تبانلي الراجل الا ماتزوجش مايحطش رجليه خلاص
الا قليل جدا
خاصة في فترة الخطوبة يصيب يبروفيتي عاللخر تقول راه رايح للحبس:p
ماتكبريش لحكاية اختي
اذا كانك شايفاتيه يستاهلك وماحكمتي عليه حتى غلطة من قبل
انساي بالصح اكيد بعد ماتتناقشو
وفهميه بالعقل انو واش دار غالط وانو جرحك
اكيد اذا كان شاريك راح يعرف غلطتو ومعادش يعاودها
وفالاخير نقولك صلي صلاة الاستخارة
اذا كانلك فيه الخير راح يتعدل....
.....
ربي يهنيك خيتي
ويكتبلك اللي فيه الخير ان شاء الله
​

 

[SOFIANE BATNA]

وعليكم السلام
والله يا اختي واش راح نقولك الفايسبوك انا نشوف فيه نقمة اكثر من نعمة ويا ماصراو مشاكل وتخربو
ديار من وراه
انا بانتلي انتي ماغلطيش كي حبيتي تاستي خطيبك لانو هادي حاجة تاع عمر يعني زواج ماشي
تمسخير ومزية كشفتيه على الحقيقة تاعو قبل ماتطفر فيك انتي
وهاد الإنسان ماهوش تاع زواج باين عليه مازال صغير في راسو وحاب يلعب
وانا بالنسبة ليا الراجل العاقل اللي ناوي الحلال جامي يخون مرتو ولا يخمم في وحدة اخرى
ربي يرزقك بواحد راجل خير منو راكي مازلتي صغيرة​

 

[jiji la star]

السلام عليكم ختي
حبيت ندخل روحي شوي و نحكي معاك مي بلاما تزعفي شوفي أنا نقولك الصح على حساب ماسمعت الراجل هدا هو متنجميش تحمي فيه ولا في عينيه و لا حتلى في واش يدير سيرتو قبل الزواج هي مافيها والو كي جربتيه مي غير قلقتي روحك في الباطل بسكو كاين لي يبغي يتمسخر يقولك نشوف هدي الشيرا شكون و معنده حتى نية من جيهتها ربي يخليك خمي مليح قبل مديري حاجة تندمي عليها و صلي صلاة الإستخارة على خاطر هذا الراجل غادي يولي راجلك إيمالا أحكي معاه و بلاك يتوب من غلطتو و ربي يكون مععاك
و ديجا الفيس بوك أبو المشاكل هو الشيطان بذاته​

 

[nina usma]

أهلا بيك نينا
يعطيك الصحة على الموضوع المهم
مام نتي غالطة كي جربتيه
هاذي لقطة ماشي مليحة الراجل يجرب لمرا ولا هيا تجربو
الإنسان مايتبعش العورات ويفرش لبساط
وهو ثاني غلط غليطة كبيرة يلعب ومازال يدير في العلقات وهو خاطب
راجل كيما هاذ راح يخون زوجتو اكيد
لأن التصرفات هاذي مالازمش تكون إطلاقا بعد الخطوبة وإذا كانت فصعيبة تروح
مانيش نوسوس فيك ولكن نمد في رايي


ملاحظة:
الموضوع ترددت في نقلو لقسم فرغ واش في قلبك ولكن قلت ماعليهش نخليوه هنا
​

مشكور خويا سفيان كي درتلي الموضوع ديالي خاطر قريب طرتقت

و ثانيا انا درت فيه لامان و لابغوف كي قاتلي نسيوه قلتلها غير هو لي ميخدعنش

و كنت نهار منقبل نعتلو ميساج قتلو فاسي كامل لبنات لي راهم عندك فالفايسبوك

و كان يلزم عليا نتاستيه خاطر هدا راح نكمل معاه حياتي

و هو تاستاني في الفنرة اللولة تاع تاخطوبة و مخدعتوش

مشكور سفيان الله يخليك​

 

[nina usma]

السلام عليكم
ربي يصفي القلوب ويهدن النفوس ان شاء الله
تعرفي انا واش بغيت ؟
حبيت نعض بنت عمك ههه
سامحيني خيتي مي مكانش لازم عليك تجربيه
ومدامك رضيتي تكوني ليه ومدامو خطيبك
يلزمك تديري فيه الثقة
وتقنعي روحك انتي قبل اي واحد
كيما لازمك تديري كونفيونس في روحك وتعرفي روحك واش تسواي
تعرفي تبانلي الراجل الا ماتزوجش مايحطش رجليه خلاص
الا قليل جدا
خاصة في فترة الخطوبة يصيب يبروفيتي عاللخر تقول راه رايح للحبس:p
ماتكبريش لحكاية اختي
اذا كانك شايفاتيه يستاهلك وماحكمتي عليه حتى غلطة من قبل
انساي بالصح اكيد بعد ماتتناقشو
وفهميه بالعقل انو واش دار غالط وانو جرحك
اكيد اذا كان شاريك راح يعرف غلطتو ومعادش يعاودها
وفالاخير نقولك صلي صلاة الاستخارة
اذا كانلك فيه الخير راح يتعدل....
.....
ربي يهنيك خيتي
ويكتبلك اللي فيه الخير ان شاء الله
​

و عليكم السلام اخني شجون

علابالي بلي غلطت كي سييتو مي الله غالب كان يلزم عليا باه نحي الوسواس من راسي

مي و الله غير كنت دايرا فيه كونفيونس توتال مي هو خان الثقة ديالي

و الله غير تعياي كي متصيبي حتى واحد تاع ثقة

الله يخليك ختيتي

ميرسي عليك​

 

[nina usma]

وعليكم السلام
والله يا اختي واش راح نقولك الفايسبوك انا نشوف فيه نقمة اكثر من نعمة ويا ماصراو مشاكل وتخربو
ديار من وراه
انا بانتلي انتي ماغلطيش كي حبيتي تاستي خطيبك لانو هادي حاجة تاع عمر يعني زواج ماشي
تمسخير ومزية كشفتيه على الحقيقة تاعو قبل ماتطفر فيك انتي
وهاد الإنسان ماهوش تاع زواج باين عليه مازال صغير في راسو وحاب يلعب
وانا بالنسبة ليا الراجل العاقل اللي ناوي الحلال جامي يخون مرتو ولا يخمم في وحدة اخرى
ربي يرزقك بواحد راجل خير منو راكي مازلتي صغيرة​

ميرسي سفيان على المشاركة ديالك

و علابالي بلي غلطت و ماغلطش

كنت حابا برك نحي الشك و نزيد الثقة فيه مي

تمشي الرياح بما لا تشتهي السفن

هدا هو مكتوبي و ادا فيها خير ربي يجيبها​

 

[nina usma]

السلام عليكم ختي
حبيت ندخل روحي شوي و نحكي معاك مي بلاما تزعفي شوفي أنا نقولك الصح على حساب ماسمعت الراجل هدا هو متنجميش تحمي فيه ولا في عينيه و لا حتلى في واش يدير سيرتو قبل الزواج هي مافيها والو كي جربتيه مي غير قلقتي روحك في الباطل بسكو كاين لي يبغي يتمسخر يقولك نشوف هدي الشيرا شكون و معنده حتى نية من جيهتها ربي يخليك خمي مليح قبل مديري حاجة تندمي عليها و صلي صلاة الإستخارة على خاطر هذا الراجل غادي يولي راجلك إيمالا أحكي معاه و بلاك يتوب من غلطتو و ربي يكون مععاك
و ديجا الفيس بوك أبو المشاكل هو الشيطان بذاته​

جيجي فرحتني المشاركة ديالك ماشي زعفتني بارك الله فيك

مي علاه حتى يتمسخر كي خطبني نوغمالمو يبقى فيدال معايا و ينحي التمسخير من المونو ديالو خاطر مبقاش صغير

مي علينا و على الاستخارة

درك راه يحلل مي زاد خسرها

خاطر راه غير يخرط و يجيب وحد الكذوبات الدراري الصغار و ميامنوهاش

المهم مشكورة ختيتي​

 

[عليلو 24]

غلطتي كي زربتي كشفتي روحك كون جربتيه لمدة سمانة مثلا كان ممكن تتأكدي من الخدع او لا​

 

[BARCA232]

السلام عليكم
ربي يصفي القلوب ويهدن النفوس ان شاء الله
تعرفي انا واش بغيت ؟
حبيت نعض بنت عمك ههه
سامحيني خيتي مي مكانش لازم عليك تجربيه
ومدامك رضيتي تكوني ليه ومدامو خطيبك
يلزمك تديري فيه الثقة
وتقنعي روحك انتي قبل اي واحد
كيما لازمك تديري كونفيونس في روحك وتعرفي روحك واش تسواي
تعرفي تبانلي الراجل الا ماتزوجش مايحطش رجليه خلاص
الا قليل جدا
خاصة في فترة الخطوبة يصيب يبروفيتي عاللخر تقول راه رايح للحبس:p
ماتكبريش لحكاية اختي
اذا كانك شايفاتيه يستاهلك وماحكمتي عليه حتى غلطة من قبل
انساي بالصح اكيد بعد ماتتناقشو
وفهميه بالعقل انو واش دار غالط وانو جرحك
اكيد اذا كان شاريك راح يعرف غلطتو ومعادش يعاودها
وفالاخير نقولك صلي صلاة الاستخارة
اذا كانلك فيه الخير راح يتعدل....
.....
ربي يهنيك خيتي
ويكتبلك اللي فيه الخير ان شاء الله
​

:up: :up: :up: :up:
​

 

[nina usma]

غلطتي كي زربتي كشفتي روحك كون جربتيه لمدة سمانة مثلا كان ممكن تتأكدي من الخدع او لا​

عليلو عمبالك لوكان سنيت سمانة واش يصرالي و حق ربي غير نروح فيها

يعطيك الصحة خويا​

 

[nina usma]

:up: :up: :up: :up:
​

ميرسي عليك بزاف​

 

[crazy.girl]

والله أختي ملقيت واش رايحة نقلك الانسان لراكي قبلتي أنو يشاركلك حياتك أسمحيلي على هدي الكلمة يطلع دري المهم انتي متتسرعيش في قرارك وزيدي شوفي مع روحك ونقلك حاجة أنا نشوف فيك كجربتيه خير كاين عباد يقولولك مهيش مليحة كيقولو الراجل والزمان مفيهم لمان أنا مخطوبة وجربتو مرة محبش يتعرف mais صدقيني والله عرفني أنا لمجرباتو علاه هو محبش يحكي ربي يهدي أختي​

 

[بنت الـ25]

اول حاجة لفتني العنوان
" ينعل بوك يالفيس بوك"
:d
منعرف راكي تلعني فالفيسبوك أون جينيرال ولا تنعلي فالساعة لي دخلتي فيها ليه واكتشفتي خداع خطيبك
كاين لي تاستيه فالتلفون وتكتشفي خداعو
تاني ينعل بوك يالتلفون؟:s
اللي يدير حاجة فالفيسبوك يديرها فالتلفون ولا برا فالشارع
الإنسان يحكمو اصلو ماشي حاجة اخرى :up:

لا علينا
ونرجعو للمهم
والله يا نينا ختي راني حاسة بيك هادا جرح كبير وميتغفرش بسهولة
عملتي مليح كي درتي هاد الهدة
هدا ربي سبحانو كي يحب يكشف عبدو
ميهمكش كان يتمسخر ببنت عمك ولا وش كانت نيتو
كون نتي لي درتي هاد الحاجة تتقلب عليك الدنيا وتخرج عليك الاشاعات
اما هو راجل نورمال وديجا مزال على بر الأمان ... وغيرها من الاعذار الواهية

احنا كامل عندنا فيسبوك ولكن الفيسبوك هدا ككل وسيلة اتصالية تفاعلية فيه عيوب وحسنات
ويكون على حسب وش يستعملو صاحبه سواء للخير ولا للشر

نجاوبك على سؤالك

لمرا تقدري تغفري لخطيبك ادا دارلك هكدا

مزال مكتبش ربي هاد لساعة
ولكن انا شخصيا منغفرش حاجة كيما هادي بسهولة هدا ادا خممت نسامح
كرامتي هي حياتي وهي آخر حاجة نسمح انها تنداس

منعرف لاكان تعجبك نصيحتي و لالا
لكن وحدة من صديقاتي المقربات صرات معاها نفس الحكاية والفيسبوك تاني
وكانت في كل مرة تسامح وتفوتها فالأخير "عفس " عليها (سامحيني على هاد التعبير)
والأنكى من هدا ولى كل ما طق في راسو يقلها راني بطلت غير انسايني
راهي لدرك تسوفري معاه بعدما خسرت كرامتها
ايا قوليلي من درك هكدا مالا ممبعد وشمن معيشة

طولت عليك حنونة سامحيني
تحياتي ليك
​

 

[عفيفة الحبوبة]

السلام عليكم
اولا ختي الله يكون في عونك
ثانيا حتى نتي راكي غلطتي كي جربتيه هادي قلة كونفيونس هكا نفهموها
المهم اللي صار صار و نتي عرفتي قيمة هاد الانسان اللي مستحيل يكون صادق معاك منا و هاك و خان الثقة بيناتكم
واش نقولك ربي يعطيك الصبر و يعوضك ما خير منه
وشنو حبيت نسقسيك علاه تلعني في الفايسبوك؟
يعني خطيبك هو الخلاط و الخاين ما كان حتى علاقة بالفايسبوك
تقبلي مروري​

 

[عفيفة الحبوبة]

اما عن سؤالك نغفر و لا لا لخطيبي اذا عمل هكا؟
لا لا مستحيل
لانو هاد الانسان خطيبي و بين بينه عهد و كلام و عايلة يعني ماشي لعب و كي خاني صا فو دير كدب عليا و اهنني و حتى انو ما يحبنيش فكيفاه نغفر له
هذا راي الشخصي​

 

[زهرة البحر]

سلام
عجبني موضوعك وهذي هي الحقيقة رانا نشوفوها ونعيشوها
صح غلطتي كي جربتيه بصح هذي تكون خطوة بالاك دارهالك ربي تكشفيه قبل الزواج وحوايج اخرى
اون + تلقايه أكثر واحد يحكي على الكونفيونس ووو وفي الاخير هو اول واحد يخالف هدرتو
ماعليش اختي علاه ماتاكليش ياو صحتك هي الرسمي واحمدي ربي كي عرفتيه هااكا
وربي يعوضك على قد نيتك
يعني مانيش ضد الرجال بصح فيهم وعليهم
ونادرا مايكون واحد مليح
تهلاي في روحك مليح وصحتك هي الرسمي

 

[zazou_psy4]

سلام عليكم
شدني الموضوع ايا جيت ياك الشعب كامل نتاع تقرعيج
اولا فكرني الموضوع بنكتة
قالك
الشاب : ألوو
البنت : أهلا, شكون معايا ؟
الشاب : فقط سؤال واحد ... .. اذا عندك حبيب ساغلق السماعة؟
البنت : ايه عندي ... بصح شكون نتا ؟؟؟
... الشاب : أنا خوك الله ينعلك يا كلبة .. استاناي نرجع لدار
بعض ساعات تلقت البنت مكالمة مجهولة وحدوخرا ...
الشاب : ألووو
البنت : ألو شكون ؟
الشاب : فقط سؤال واحد ... اذا عندك حبيب ساغلق السماعة؟
البنت : لا ماعنديش ... شكون نتا ؟؟؟
الشاب : أنا حبيبك الله يا خداعة , بلخف نسيتيني وبعتي الحب لي بنتنا
البنت : سمحلي حبيبي حسابلي خويا حشاهلي مقبيل
الشاب : أنا خوك الله ينعلك غير بغيت نتأكد باش مانظلمك ,,, هاني جاااااي اليوم نكرفسلك يماتك

---------------------

نتي صرات معاك ممكن بالصدفة
لكن ما تقدريش تتهميه بلي شرير ولا عينو زايغة
النت يقعد توجورافتراضي مافيهش الصح
كامل ناس تدخل تكسر الروتين في النت وتحب تقصر
ماتقدريش تحاسبيه على هادي
ممكن الفراغ نتاعك برك:d خلاه يدكالي شويه
ويعمل محاولة طيران :p

في الاخير ربي يهنيكم ان شاءالله وساعفيه في كل الاحوال راه بن الجنس نتاعي ربي ينجينا من الكمين هدا :p

​

 

["نور العين"]

الفايسبوك طول عمره تاع مشاكل
صح هو ماشي مليح مي في عفسات كما دو هو الحل الوحيد
لوكان ما درتيش هدي العفسة رايحة تكملي في نيتك
و تحسبي بلي هو ماشي خداع و ماشي كما الرجال الخداعين
هكدا مليح اختي عرفتي حقيقته دركا خير من تعرفي منبعد
نتنمالك الخير و الموضوع يستحق الرد و يستحق التقدير
سلامي لكي