وردة الاوراس
:: عضو منتسِب ::
لبنات بعـد ما يرجعوا من اي عرس!
:
:
:
:
.
:
:
:
1.شكون هاديك اللي كانت لابسة غوب نواغ في دوغي؟
2.الدي جي كان بزاف عيان :/
3. قتلوني بالعطش باه جابولنا هاديك القرعة تاع القازوز يعطيهم ضربة
4. شفتي هاديك الطفلة اللي كانت لابسة لبيض عياتني و هي ترقص .. لوكان غي جات تعرف ترقص غي تتخبط تقول ضاربة فيها تريسيتي
)5. يخااااه كلو في جيهة و القاطو كاتاستروووف .. تضربيه في الحيط يعاود يوليلك ههههههه
6. شفتي لاغوب بلونش تاع العروسة وش بيها هاكدا ولات غوب جون
)7. ايه امال وش بيها ما شطحتش اليوم خلاص؟؟ واقيلا راها اونسانت و مخبية علينا
8. والله يا يماة العريس تقولش طلابة .. وش بيها مبهدلة هاكدا؟
9. سغليتي نوال اليوم ماحكاتش معانا كيما موالفة .. جابلي ربي مضاربة مع راجلها
)10- هاديك أميرة مازال ما كرهتش من هاديك لاغوب؟ ديجا شفتها لبستها في خمس عراس قبل هادا تقول هادا ما ملكت هههههه
11- اسمحيلي .. بصح العريس خير من العروسة مليااار .. يعطيه العما هاداك ماصاب :/
12- الكوغتاج كان شباب بصح تاع سميرة هاارب عليه
13- شفتي خت العروسة منال كيفاه حاسبة في روحها؟؟ تحساب في روحها شاابة
14 - انا ما عجبنيش ماكياج العروسة تقولش مكحلة بصباعتيها و لا الغوج تاعها تقولش حاطة الزيت تاع المرقة هههههههههه
15- وش بيها طاطا مليكة مريضة؟؟ بزااف شيانت
و بعد كل هذه المناقشات يقولو::
و احنا وش دخلنا في الناس .... ربي يهني اللي يهني
ماراناش ناقصين ذنوب!!
