بعد ما فقت تحجبت

[youyousra20]

السلام عليكم

واش ما عقلتونيش؟؟؟؟؟؟؟؟؟


ياك أنا لي درت موضوع قلت فيه بلي راني ناويا نتحجب

الحمد الله تحجبت
وكل هذا بفضل الله ودعواتكم

بغيت نشاركم شعوري
صحيح أنا شابة بشعري بصح عرفت بلي بالحجاب نكون أجمل أكثر

صدقوني لم يزدني الحجاب غير جمال أخر جمال الروح والغموض

ودرك راني نشوف الفتيات أغلبهن طالقين شعوراتهم
نتفكر كيف كنت
والله غير نندم
حسيت روحي كنت عريانة ومكشوفة
الان راني حاسة روحي حية
ماكانش لي يتحكم فيا كمسلمة
وهدا الشي رانا مسحقيينه في وقتنا
الى كل البنات ربما أكثركم
شعرها ماراهش شباب وطويل كي شعري
بصح الخالق أولى بالطاعة

ونكرر نتمنى يكون موضوع منسق مع المشرفين
باش نديرو موضوع على السلاسل لي فيقوني وكثير من الشباب
كالقادمون وعصر الاستيقاظ وأرماجدون التي انتجها جزائري
​

 

[sahiko hamza]

بيان كي تحجبتي
عقوبة كاش حاجة خلاف تفرحينا بيها
​

 

[رضوة الجزائرية]

اللهم بارك لصاحبة الموضوع بالعفة والتقى والعفاف دعلي معك ختي وربي قبلك وستر عليك ماكنش اجمل من الحجاب انا نحبو كي روحي لو مانديروش نحش روحي ماشي مليحة الحمد للله وتبارك الرحمان برحمتو ورضاه​

 

[dana1993]

لبست حلالا و نزعت حراما
الله يباركلك بحجابك اختي
و ادعيلنا معاك نشرعوه راني ناويتها جلباب ان شاء الله

 

[جزائرية كوول]

ربي يثبتك اختي
ويبارك في عمرك ويهدي بناتنا يا رب
​

 

[homework]

مبروك عليك الحجاب و العفة و السترة مليحة وجمال المراة المسلمة حجابها

 

[بنت الـ25]

شنشفتيني وانا نقرا ما تستعرفيش بحرف اللام انتي؟ هههههههههه
المهم مبروك عليك الحجاب اختي والله الكثيرات يظنون بلي الحجاب يقيد حريتهم ويمنعهم من إظهار جمالهم
لكن إظهار الجمال له ضوابط بينها لنا ديننا
الحمدلله الذي هدانا وما كنا لنهتدي لولا أن هدانا الله
تحياتي لكي اختي
​

 

[عابر سبيل12]

مبروك الف مبروك

الله يثتبك

والعقوبة للي مازالو ان شاء الله
​

 

[صحْوَةُ أَمَة]

السلآم عليكم ورحمة الله وبركـآته
بالطبع يآ أختي الحجآب يزيدكـ جمآلآ
على جمآل ونور على نور،
فحيآتكـ قبل الحجآب وبعدهآ تختلف
تمآمآ،لأن الحجآب هو ستر ومسرة في
الوقت نفسه،
الله يبآركـ فيكـ وفي حجآبكـ
ويجعلكـ تلتزمين بأحكــآمه كمآ ينبغي
فكم منآ من تدعي أنهآ متحجبة
لكــن ميني حجآب،
فمآ أروع أن يستوفي الحجآب كل الشروط
الحقيقية،،
الله يستر عليكـ أختي،وشيء طيب للغآية
أن تتشآركي متعة التستر مع إخوآنكـ

حيآكـ الله وبيآكـ وفي الفردوس الأعلى جمعنآ وإيآكـ
​

 

[أحبك ياجزائر]

بالبراكة عليك المهم الحرص والحرص ماشي كيما راني نشوفو بنات الحجاب هم الاوائل لزرع ......... مبروك عليك ختي
​

 

[love papitou]

الحمد لله اختي
و الف الف مبروك​

 

[hind1991]

اختي اسالك انت ارتديت الحجاب لكن هل هو اللباس الشرعي ولا حطيتي فولارة على شعرك حابة نعرف برك اخية

 

[youyousra20]

شكرا على مروروكم
واللللللللله ما عندي غير اللمة

 

[sousou28]

مبروك عليك اختي الحجاب نفس الشعور لما كنت غير محجبة الحمد لله الدي هدانا ....لعقوبة للي مازالو ان شاء الله.....

 

[brahim tiniri]

مبروك عليك حسنا فعلتي مشكوووووووورة يعطيك الصحة
-مع تحيات الجنرال- نرجو لكم التوفيق-
​

 

[aminas94]

الحمد لله

عجبت لأمة أنا منها والله

اللهم استرنا فوق الارض وتحت الارض ويوم العرض

 

[*RAHMA]

ربي يحفظك و يوفقك ختي
و يجعلنا كلنا من اهل الجنة
رحمة

 

[ماكانش]

مبروك عليك

 

[الورد الأحمر]

المهم فقتي ,
كآين لي مآزآل مآ فآقوش ,
لعقوبة لينآ الكل نفيقو في كل حآجة ,
ولعقوبة تفيقي لحآجة خلآف ,
بصحتك حبوبة يليق نقولك مبروك ,
حآفظي على حجآبك ,
وعفى الله عمآ سلف بإذنه تعآلى ,
سلآمي ’
​

 

[AnGeL*dZ]

مبروك عليك أختي ربي يثبتك
حتـى أنا عندي شهر من اللي تحجبـــــت ،
درك وين عدت نحس بالراحة كي نخرج لبرا
قبل مانتحجب بشوي عدت نحشـم نخرج وشعري عريـآن
سيرتو كي نتفكر كاسيات عاريات أثرت فيا بزاف
ربي يهدينا أجمعيـن ونزيدوا نطبـقوا الحجاب كيما قال عليه ربي والنبي عليه الصلاة والسلام
​