سمحلي يا...الكبش واش حاسب روحك...؟؟؟؟؟

[حكايا الورد]

حبيت نطرح هذا الموضوع هنا في المنتدى بعد ما طرح أول أمس في بيتنا العزيز:...الكبش
أبي المسكين راهو محتار في الاضحية يقول الكباش راهم غاليين الكبش المليح راهو ب4ملايين؟؟؟
وطبعا اللي عندو عايلة كبيرة لازم كبش كبير تاع 4ملايين....الناس راهي تشكي من الاسعار...
في المقابل اللي راهم يبيعوا راهم يقولو هذاك هو السعر انتم هاربين من تربية المواشي وفالعيد تشكيو من السعر حنا تاني رانا نتعبوا معاهم ...باختصار هداك هو..
ومادام ابي الحنون خاطي ..والفلاح المسكين خاطي..امالا المشكل راهو فالكبش...؟؟
انا نقولك يا الكبش ..سمحلي راك حاسب روحك سيري6 مثلا...؟؟؟

​

 

[ماكانش]

أهلا بيك سالي
كلش غالي وكلش زاد والله حيرة
الزوالي يروح يسويسيدي والله

 

[dana1993]

والله يا حبيبتي الكبش تاع 4 ملاين معندناش هنا هههه
ربي يكون فالعون و سيرتو الزوالي وش حيشري باه حيعيد؟ ضك 5 ملاين و ياربي تلحق عليه
ربي يجيب الخير برك​

 

[Ĉoĕǔŕ Dề Ḟľeuŗ]

والله راه كلشي غالي ماشي غير لكباش لواحد يخلص 4 واش يدير بيها ولايجيبها كبش ويريح
ربي يجيب الخير ويكون في العون
هههههه بلا مننسى صحا عيدكم

 

[حكايا الورد]

أهلا بيك سالي
كلش غالي وكلش زاد والله حيرة
الزوالي يروح يسويسيدي والله

شكــــــــــــــــرا

 

[قناص الغرام]

و الله يا silla غير الكبش عاد بقيمتو درك
بكري ماكانش الي يدرلو حساب خاطر كان رخيس
بصح ذرك 4 ملاين شهرية
يعني كي تذبحوا الكبش تاع السنة ابداو خممو في نتاع العام الجاي
​

 

[assinat]

الزاوالي يشوف برك
الله يعين برك
شكرا sali
​

 

[assinat]

الواحد يبغي يطبق حاجة ربي يصعبوها عليه
​

 

[WàLiiD]

ههههههه ايه
بلاك راه حاسب روحه سيري 6

نشكو من الزيت والسكر خرجنا الكبش مور الكبش تجي اللوبيا
​

 

[السلطانة]

وعليكم السلام
حطيتي يدك على الجرح اختي
قرب العيد وطلعت الاسعار في السما
بابا اليوم شراه ب 4ملايين
و200 الف تاع العلف

يكثر خير الرابال تاع المعلمين كون ماش هو راه جابلنا قط

ربي يستر حنا نقولو الحمد لله
والناس لفقيرة منين راح تجيب

شكرا على الموضوع
سلامي
​

 

[أم عبد الله]

ايه يااختي غلاء الاسعار
ليوم جانا واحد من الجلفة قالك راهم غالين مي الحمد لله العام هذا كبش العيد جبناه من آفلوا
مي مازال مالحقش لآلجي:d

ربي يعين الزاوالي مسكين وخاصة الاطفال

سلامي

 

[àMoµNà HàBoBà]

اييييه الزوالي في هذا الوقت غير يشوووف
الله يكوون في العون

​

 

[secret de coeur]

ايه يابنتي ربي يعين المسگين
ان شاء الله برگ تطيح سومتو ويقدرو يعيدو
حنا شرينآه بــ 4.5 ملآين

​

 

[جزائرية للابد18]

والله غير صح الكبش هادا العام تزيد عليه 10 دج تجيب نمر :p
والله غير عجب علاه يديرو هكدا مانعرف
والاب يبقى حاير. انا عن نفسي راحت بنة العيد عندي
و هادي الكبش ولا لمن استطاع اليه سبيلا
​

 

[*Sarah*]

أختي واش بيك..:s
4 ملايين... ؟؟ لبارح بابا دخل للدار كامل نخزرو فيه واش بيك واش بيك؟
قال لنا: واحد صاحبي شرى كبش بـ11 مليون أنا قلت له 11 مئة قال لا لا 11 مليون
ايه عادي الزوالي نهار العيد يطيب القاطو و يقعد في الدار و صح عيدهم و عيدنا حنا دك مشرينا نستناو نيزيد يشوي في السومة راه رخيس....:up:
سلامو بلا متشوكاي:regards01:​

 

[makour]

hhhhhhhhhh rahou tayehh khchinee mahalabnach ga3 lool
mm nn wllh +3la 4 million
mm hna nhawssou 3la l ajr lmouhim odhia

 

[✿أسيـل✿]

بابا شراه ب 4ملايين
كل شي عاد غـالي في هذي البـلاد
والزوالي مسكيــــــــن ماعندو مايدير
ربي يجــيب الخير ​

 

[sima1980]

هههههههه...
والله تاع الصح حاسب روحو سيري 6 راهو يتقلش علينا
مشكل تاع الاسعار ربي يجيب الخير مشكورة اختي على الطرح

 

[mohgladiator]

يا ختي لعزيزة
وشمن 4 و 5
فالجلفة تباع واحد ب 13 مليون
ربي يستر

​

 

[AnGel_LoVe]

اذا راهو يدير عندكم 4 ملاين برك .. دزاير كامل تجي لميلة تشري كباش
:d​