حلوى السيار نوع اخر

[samah06]

اخواتي اليوم جبتلكم حلوى السيار وهي جديدة لكني لم اصور مراحل العمل المهم نحطهالك وشوفيها
المقادير
250غ زبدة+3بيضات +2 ملاعق اكل سكر رطب+كاس نشاء كبير+ملعقة اكل خل+1خميرة حلوى+1فاني وشيحي بالفرينة
احكمي العجينة وخرجيها من السيار الخشين او سيار الزرع كيما نقولو احنا في الشرق وباه نقرب اكتر اللي تفتلو بيه البركوكس
ومن بعد طيبي هداك الفتات وحركيه مرة على مرة حتى يحمر ثم عاودي سيريه في نفس السيار
وزيدي معاه نصف الكمية اي نوع من المكسرات عندك انا استعملت النواد كوكو
ومن جهة اخرى احكمي كاس كبير من المعجون ونص ماء الزهرولمي بيه خليط القاطو الفتات مع المكسرات
وشكليه ممكن كويرات او اطرحيه في سنيوة ولما يبرد ويتماسك قصيه وانا هنا شكلته بطابع المعمول والدوق منحكيلكش روعة
مجرباتو وصالح 100ب100
صحة وهنا

 

[SAMIRA25]

يعطيك الصحة اختى على الوصفة

 

[MĺŹǾ žĕĥÔŖ]

يعطيييييييك الصحا حبيبتي

وصفة راااااائعة

 

[sou sou ta]

شكرا على الوصفة ..
جاري لتجربة ..
​

 

[سلمى البوسعادية]

يعطيك الصحة ​

 

[hadil2044]

بارك الله فيك
​

 

[sandibelle25]

يعطيك الصحة حبيبتي بارك الله فيكي

 

[عتاب]

كيفاش ليطيب؟؟؟تحطيه فالفرن؟؟؟

 

[ندى الورود]

يعطيك الصحة أختي على الوصفة الجميلة
بصح الصورة غير واضحة وصغيرة جدا
لكان عندك صورة شوي كبيرة حطيها
عندي وصفة مشابهة بصح العجينة نرابيوها في لا راب تاع البصل
ونرابيوها مباشرة فوق الصينية ونطيبوها ومن بعد نحاولو نفتت القطع من بعضها
ونزيدولها المعجون تاع المشمش + الكاوكاو + شوي جلجلان حب محمص + شوكولا سوداء
ونهزو بملعقة ونحطها في لي كسيت وإسم هذا القاطو لي روشي وبنتو روعة



​

 

[samah06]

كيفاش ليطيب؟؟؟تحطيه فالفرن؟؟؟

صباح النور اختي
بعد ما يخرج من السيار فتات صغيور وزعيه في سينية الفرن ودخليه يطيب وحركيه مرة على مرة حتى يحمار

 

[samah06]

يعطيك الصحة أختي على الوصفة الجميلة
بصح الصورة غير واضحة وصغيرة جدا
لكان عندك صورة شوي كبيرة حطيها
عندي وصفة مشابهة بصح العجينة نرابيوها في لا راب تاع البصل
ونرابيوها مباشرة فوق الصينية ونطيبوها ومن بعد نحاولو نفتت القطع من بعضها
ونزيدولها المعجون تاع المشمش + الكاوكاو + شوي جلجلان حب محمص + شوكولا سوداء
ونهزو بملعقة ونحطها في لي كسيت وإسم هذا القاطو لي روشي وبنتو روعة



​

الروشيات حبيبتي اللي راكي دكرتيهم وكاش نهار نديرهملك ونحطحم والحسن تزديلهم الفواكه المسكرة او الفروي كونفيت وزوقيهم من الفوق بخطوط الشوكولاطة
مشكورة حبيبتي لمرورك

 

[hadda0425]

سماح الصورة ما تبانش حاولي تحملي الصور بمركز تحميل الصور راهم بزاف
قوليلي هذا القاطو لي درتيه في عرس وسيم
ولا في عرس وسيم درتي لي روشي
​

 

[samah06]

سماح الصورة ما تبانش حاولي تحملي الصور بمركز تحميل الصور راهم بزاف
قوليلي هذا القاطو لي درتيه في عرس وسيم
ولا في عرس وسيم درتي لي روشي
​

اختي حدة الروشيات اللي درت في عرس سيمو غير هادو حتى هما يقولولهم الروشيات وكاين اللي يتلم بالعسل او الكونفتور او النيستلي طايب
وبالنسبة للصورة راهي من عندي البورتابل فزدلي حتى نشري واحد اخر والا نخدمو ونزل الصور ملاح سلامي ليك لكل العائلة قريب وبعيد

 

[ام عماد]

ممكن صورة اوضح وشكرا على المجهوذ

 

[ام عماد]

انا نعرف لروشي يندارو بالجوز ويكونو على شكل روشي و كاين حلوى تشبه للحلوى الي حطيتي ولكن تتحط
في ماكنة الرشتة وتتلم بالعسل فقط

 

[ام عماد]

ما نكدبش عليك اختي ما بانلي منو والو ممكن صور اوضح

 

[samah06]

عندكم الحق بالنسبة للصورة
لكن هدا قاطو وحدو مش الروشيات راكم تحدثتو عليهم وخلطولي القاطو اللي حطيت معاهم
هههههههههههههههه كل واحد نوع

 

[souhila77]

شكرا جزيلا

 

[أم ياسين الزهراء]

مافهمتش كيفاش يخرج خسارة كنت حابة نجربو

 

[samah06]

مافهمتش كيفاش يخرج خسارة كنت حابة نجربو

اختي حبيتي تجربيه جربيه اخدميه مع الوصف اللي كتبت اما الشكل كعبريه ورمديه في النواد كوكو
راهو بنين صح