قالك المهم تخطي راسي

[وصال]

السلام عليكم ورحمة الله تعالى وبركاته

واش راني عارفة متوحشتونيش بصح انا كنت جايزة طريق قلت نسلم عليكم

حبيت نهدروا شويا في واحد العقلية طايوان مرنيش عارفة جابلي ربي مستوردة بصح يا ريت نستوردوا غير الماكلة ولينا العقلية ومستوردة رانا قريب نصيبوا جزائري مستورد ههههههه.
راني نلاحظ بلي كثروا الناس لي في وقت الشدة يقولك تخطي راسي والله كاين شي ناس تحير قلوبهم مين مصنوعين ’ ما يعرف ني صاحبي ني خويا ليسونسيال واش يخرج عليا هذا كيما جحا بكري قالولوا يا جحا راها النار في القرية قالهم : تخطي داري , قالولوا : النار راهي في دارك , قاللهم : ياو تخطي راسي .
بصح بيناتنا كاين بعض المواقف الانسان لازم يكون فحل ويقول كلمة الله مشي يتسرسب من المشكلة ويقول المهم تخطي راسي بالاك صاحب المشكلة يكون قريبك بالاك صاحبك ومام بالاك انسان معرفة فقط وين راه المشكل لوكان توقف مع الحق .
ربما فهمتوني واش نقصد ’ تقدروا تتحفونا بارائكم
كيفاش ديروا تقولوا كلمة حق ولا تسكتوا المهم تخطي راسي .
​

 

[بنت الـ25]

تم الاعتماد
لي عودة وصال
​

 

[أم راضية ~_]

السلام عليكم
أهلا أهلا
جيتي ليا أنا
تاع الصح ما نسكتش أنا هدارة وكي نطيح في كا هكدا نزيد نشعل
ماكانش منها هادي تخطي راسي
كي يكون الفساد والغلاط لازم الواحد يهدر , ينبه , ينهى على المنكر ويأمر بالمعروف
والي يقولك خاطيني ’ ما ندخلش روحي ما فيهش الخير و ما عندوش روح الأخوة على خاطر لوكان جا حاط المسلمين خاوتو لوكان الي تصيبهم تصيبو وتقيسو و روحي حوسي عليه كاش مرة تلقايه محطوط في مشكلة وماشي لاقي منين يخرج منها على خاطر تخطي راس الي معاه
صحيتي راني فرغت قلبي شوية راهو معممممممممر​

 

[رضوة الجزائرية]

شكرا ختي
هي مين يطلبو مني رايي او نشهد بالي رات عيني وسمعت ودني ونتدخل ايه ندخل للخير ان شاء الله على كلمة الحق بصح مرات يصيرو مواقف ممكن سمحيلي ما نقدرش نتدخل فيهم لانها ممكن تشوفي ماكثر الوقت جابها هنا المشكل
فيه مشكل صارت هنا في مدينتي فيه واحد تدخل باه يحل مشكل بين ثنين فالشارع عشى هو تضرب بسكيت ودخل للمشفي ادا وين الحق ادا تتصابي انت بادي وهو الرجل كان غير فايت عشى وين صبح صح الحق يقال ومجبرين نقولوه بصح ادا تصبح العقائب وخيمة ممكن نجبد احسن لانو الناس ماشي مثل بعض كما قالو ناس زمان لبلى راهو يطيح ويجك برجليه شكرا​

 

[hiba14]

هادي هي مع انتشار اشباه الرجال و اشباه النساء او بالحرى اشباه الانسان باسكو الانسانية تحتم عليك باش توقف مع الناس فمابالك ادا كانو من المقربين و الله غي الدعوه راها تخوف الناس راها كي لغوال غي وحدها تجبد و كيما يقولو يد واحدة ما تصفق يعي متلا النسان مهما كان رزين و لا واصل لكن يلزمو اللي يوقف معاه في الصعاب

 

[بنت الـ25]

السلام عليكم ورحمة الله تعالى وبركاته

واش راني عارفة متوحشتونيش بصح انا كنت جايزة طريق قلت نسلم عليكم
​

وعليكم السلام وصال
يهاه شومي قالت متوحشتونيش؟ ياك انتي الكل فالكل وشبيك

​

حبيت نهدروا شويا في واحد العقلية طايوان مرنيش عارفة جابلي ربي مستوردة بصح يا ريت نستوردوا غير الماكلة ولينا العقلية ومستوردة رانا قريب نصيبوا جزائري مستورد ههههههه.

اواه ما شكيتش احنا اللي نصدرو العقلية ماشي نستوردو
ههههههههههههه

​

راني نلاحظ بلي كثروا الناس لي في وقت الشدة يقولك تخطي راسي والله كاين شي ناس تحير قلوبهم مين مصنوعين ’ ما يعرف ني صاحبي ني خويا ليسونسيال واش يخرج عليا هذا كيما جحا بكري قالولوا يا جحا راها النار في القرية قالهم : تخطي داري , قالولوا : النار راهي في دارك , قاللهم : ياو تخطي راسي .

يا لطيف
ربي يسترنا من هاد العباد
وان شاء الله منكونوش منهم

​

بصح بيناتنا كاين بعض المواقف الانسان لازم يكون فحل ويقول كلمة الله مشي يتسرسب من المشكلة ويقول المهم تخطي راسي بالاك صاحب المشكلة يكون قريبك بالاك صاحبك ومام بالاك انسان معرفة فقط وين راه المشكل لوكان توقف مع الحق .

صح وصال كاين مواقف كيما قلتي يلزم منسكتوش فيها
آخر موقف عايشتو صرا مع وحدة صحبتي تخدم عند طبيب تسيزيلو فالميكرو
قاتلي الوقت لي راح فيه الطبيب للحج جات وحدة كانت مدايرة كونجي دو ماتغنيتي (أمومة) كوبات الكونجي وجات
قاتلي وحد النهار نجي ندخل للبيرو نلقاها تسرق
مع اللول خفت نفضحها ممبعد قلت السيد راح للحج وخلالي الكابيني أمانة
ايا نهار جى استنيتو ريح من الفواياج وحكيتلو كلشي
قاتلي بزاف لي قالولي معندو مدخلك سير علابالو بيها
قتلهم انا نصفّي ضميري وهو بينو وبينها حر
ايا ظهر السيد سنين وهي تسرق فيه وواحد ما تجرأ يهدر
وهو معلابالوش :-o

​

ربما فهمتوني واش نقصد ’ تقدروا تتحفونا بارائكم
كيفاش ديروا تقولوا كلمة حق ولا تسكتوا المهم تخطي راسي .

​

والله يا وصال كاين مواقف من مواقف
تخيلي طيحي في موقف يوجعك قلبك وتهدري ممبعد يقولولك معندو مدخلك؟
فضيحة ههههههههه
مي يلزمنا نديرو في بالنا توجور بلي الساكت عن الحق شيطان اخرس
ومن رأى منكم منكرا فليغيره ....

مرسي وصال موضوعك عجبني :d
متحرميناش من نشاطك اختي
​

 

[ALGDZ]

الحمدالله راكم تضحكو انا ثاني نضحك هههههههههه
يعطيك تخطي راسي انا ثاني هههههههه
شكرا و نتمنالكم الخير من قلبي
​

 

[magique]

حبيت نصلح عبارة عقلية طايوان لاني نظن انو الغرب بصفة عامة ماعندهمش هاد العقلية وربما يوقفو مع الحق اكتر منا حنا.. ودك ولات حاجة باينة بلي الواحد يشوف غير وش يخرج عليه ومايحوسش على غيرو ،،هادا رايي ومشكورة لان هاد الموضوع ثري بزاف
​

 

[وصال]

السلام عليكم
أهلا أهلا
جيتي ليا أنا
تاع الصح ما نسكتش أنا هدارة وكي نطيح في كا هكدا نزيد نشعل
ماكانش منها هادي تخطي راسي
كي يكون الفساد والغلاط لازم الواحد يهدر , ينبه , ينهى على المنكر ويأمر بالمعروف
والي يقولك خاطيني ’ ما ندخلش روحي ما فيهش الخير و ما عندوش روح الأخوة على خاطر لوكان جا حاط المسلمين خاوتو لوكان الي تصيبهم تصيبو وتقيسو و روحي حوسي عليه كاش مرة تلقايه محطوط في مشكلة وماشي لاقي منين يخرج منها على خاطر تخطي راس الي معاه
صحيتي راني فرغت قلبي شوية راهو معممممممممر​

صحيتي على مرورك العطر والرد الجميل الذي زاد من موضوعي بهاءا عندك الحق اختي الصديق وقت الضيق ودايما تصيبي الانسان لي ميوقفش مع الناس وقت الشدة ميلقاش لي يوقف معاه والدنيا دوارة .

 

[وصال]

شكرا ختي
هي مين يطلبو مني رايي او نشهد بالي رات عيني وسمعت ودني ونتدخل ايه ندخل للخير ان شاء الله على كلمة الحق بصح مرات يصيرو مواقف ممكن سمحيلي ما نقدرش نتدخل فيهم لانها ممكن تشوفي ماكثر الوقت جابها هنا المشكل
فيه مشكل صارت هنا في مدينتي فيه واحد تدخل باه يحل مشكل بين ثنين فالشارع عشى هو تضرب بسكيت ودخل للمشفي ادا وين الحق ادا تتصابي انت بادي وهو الرجل كان غير فايت عشى وين صبح صح الحق يقال ومجبرين نقولوه بصح ادا تصبح العقائب وخيمة ممكن نجبد احسن لانو الناس ماشي مثل بعض كما قالو ناس زمان لبلى راهو يطيح ويجك برجليه شكرا​

شكرا اختي لردك في موضوعي صح كاين مرات الانسان يطيح في مواقف تكون الدعوة فيهم مخلطة بصح هذا ميعنيش انو يسكت طبعا مرحش مثلا تدخلي في عراك نتاع لي جان خارج نطاق خدمتك ولا ...... راكي فاهمة كومام انت راكي مراة انا قصدي مثلا كنت تقراي وشهدت في خصام ولا سوء تفاهم راح تقوفي مع الحق . شكرا مرة اخرى .

 

[وصال]

هادي هي مع انتشار اشباه الرجال و اشباه النساء او بالحرى اشباه الانسان باسكو الانسانية تحتم عليك باش توقف مع الناس فمابالك ادا كانو من المقربين و الله غي الدعوه راها تخوف الناس راها كي لغوال غي وحدها تجبد و كيما يقولو يد واحدة ما تصفق يعي متلا النسان مهما كان رزين و لا واصل لكن يلزمو اللي يوقف معاه في الصعاب

شكرا اختي على مداخلتك الطيبة بارك الله فيك

 

[وصال]

وعليكم السلام وصال
يهاه شومي قالت متوحشتونيش؟ ياك انتي الكل فالكل وشبيك

​

ميرسي عليك الاخت مينات على الاطراء الجميل خجلتيني :$

اواه ما شكيتش احنا اللي نصدرو العقلية ماشي نستوردو
ههههههههههههه
غابت عليا هادي صح بويسك سبيسيال حصصصصصريا في الجزائر ههههههههه

​

يا لطيف
ربي يسترنا من هاد العباد
وان شاء الله منكونوش منهم


ان شاء الله يا ربي

صح وصال كاين مواقف كيما قلتي يلزم منسكتوش فيها
آخر موقف عايشتو صرا مع وحدة صحبتي تخدم عند طبيب تسيزيلو فالميكرو
قاتلي الوقت لي راح فيه الطبيب للحج جات وحدة كانت مدايرة كونجي دو ماتغنيتي (أمومة) كوبات الكونجي وجات
قاتلي وحد النهار نجي ندخل للبيرو نلقاها تسرق
مع اللول خفت نفضحها ممبعد قلت السيد راح للحج وخلالي الكابيني أمانة
ايا نهار جى استنيتو ريح من الفواياج وحكيتلو كلشي
قاتلي بزاف لي قالولي معندو مدخلك سير علابالو بيها
قتلهم انا نصفّي ضميري وهو بينو وبينها حر
ايا ظهر السيد سنين وهي تسرق فيه وواحد ما تجرأ يهدر
وهو معلابالوش :-o

​

​

والله يا وصال كاين مواقف من مواقف
تخيلي طيحي في موقف يوجعك قلبك وتهدري ممبعد يقولولك معندو مدخلك؟
فضيحة ههههههههه
نورمال الانسان كي يوقف مع الحق ميخاف حتى واحد راكي عارفة وقتاش الفضيحة والعيب كالانسان يقول ويشهد على شئ ماشافوش
يعني شاهد مشفش حاجة
مي يلزمنا نديرو في بالنا توجور بلي الساكت عن الحق شيطان اخرس
ومن رأى منكم منكرا فليغيره ....
صح
مرسي وصال موضوعك عجبني :d
متحرميناش من نشاطك اختي
​

شكرا جزيلا الاخت مينات ربي يوفقك ويوفقنا لما فيه الصلاح ان شاء الله يكون وجودنا خفيف عليكم ومفيد ليس مجرد كلام .

 

[وصال]

الحمدالله راكم تضحكو انا ثاني نضحك هههههههههه
يعطيك تخطي راسي انا ثاني هههههههه
شكرا و نتمنالكم الخير من قلبي
​

شكرا اخي لمرورك بصفحتي باركك الرحمان
بصح نقولك قل الحق ولو كان مرا ومتقولش تخطي راسي بويسك بالاك الكلمة نتاعك راح تزيح مشكل كبير نتاع الصح الانسان لازم يكون لبق ماشي تخرج طاي طاي بطريقة فاعل خير تقدر تصلح بين زوج تو سامبلومو وتدي الاجر وثاني يقدر يجي نهار وين توقع في نفس المشكل ومتلقاش لي يقول كلمة الحق وثم هوما ثاني يقولولك تخطي راسي ههههههههههه .

 

[وصال]

حبيت نصلح عبارة عقلية طايوان لاني نظن انو الغرب بصفة عامة ماعندهمش هاد العقلية وربما يوقفو مع الحق اكتر منا حنا.. ودك ولات حاجة باينة بلي الواحد يشوف غير وش يخرج عليه ومايحوسش على غيرو ،،هادا رايي ومشكورة لان هاد الموضوع ثري بزاف
​

شكرا اختي على المرور الطيب ورايك نحترمه طبعا وراكي عارفة احنا الدزيريين نقولوا حاجة طايوان كيتكون ديشي ماشي قصدنا الغرب او شئ اخر نظن فهمتيني .

 

[همس الوُرود]

هادي كاينة منها ختي ولازم الانسان يقول كلمة حق مع أي شخص pusq جاي النهار الي يحوس هو على كلمة حق الي تخرجو من المأزق وكي تساعد يساعدوك كي تقول تخطي راسي يجي النهار الي كلش يجي على راسك وما تلقاش الي يعاونك المهم نقول للناس هادو ربي يهديهم وهادا ماكان

 

[قناص الغرام]

هههههه عقلية طايوان
مرسي على الموضوع بصح كون جينا في زمان الماضي صح الناس كامل توقف معى الحق
بصح ذرك الناس كامل توقف مع الي عندو الدراهم و كاين ناس تقاست من قول الحق نعطيك مثال ذرك كون واحد تخبطو سيارة و تهرب و يجي واحد فايت بسيارتو و يديه للسبيطار يوقع في مشكلة نهار كامل عند الشرطة انت الي ضربتو و المصيبة لوكان يموت بالاك كي يكون حي يقوللهم خاطي يعني هذا ابسط مثال
​

 

[أم أمين23]

هو من شوي كثرت السرقة والاعتداءات على الناس عيني عينك راه كلو من تخطي راسي ولى الي يهدر اروح في الرجلين مالا ولت الجماعة كامل تقلك ما دخلنيش
قبل كانت وحدة الا سبها واحد برك الكل يدخل احامي والا واحد تسرق يتحكم السارق في دقيقتو وياكل الضرب من الكل ضرك ولاو يقولو يستاهلو غلطتها وما يدخلوش رواحو ابدا كون يتقتل الواحد قدامهم ما ينطقوش وهاد الي خلى البوديا والسرارقة يكثرو