ارجو منكم المساعدة

[لحن الهدى]

السلام عليكم ورحمة الله وبركاته
وشراكم بخير لاباس احنا عندنا عرس وحبين نطيبو طاجين حلو لعدد 200 رجل لي مجربة من قبل ياريت تقلي الكمية الازمة لعدد الاشخاص هدم انا اعرف نطيبو الحمد لله بس ما عرفت كمية الازمة للكيفية وشكراااااااااااااا
ارجو ان تفيدوني جزاكم الله خيراااااااااا

 

[روعة2005]

اسفة اختي انا متعودة على كمية قليلة ان شاء الله يفيدوك البنات

 

[أم عبد الله]

ساسال امي ثم ارد عليك اختي
ربما تعرف الكمية المحددة

سلامي

 

[عفاف الجزائرية]

والله يا اختي شوفي نقوللك
انا طيبتو في مناسبة نتاع سكنة دار جديدة نتاع اختي
وتقريبا صحاب راجلها جاو 150
على قد ما تمرقي وتعقد المرقة وتلوحي على عينك
يعني ما تقدريش تشوفي كمية محدةة
انا استعملت وحد 6 كيلو طاجين حلو مع البرقوقة 3 كيلو و2 كيلو زبيب
طبعا مع اللوز واذا تحبي تديرير القنيدلات
يعني في هاذ النواحي وزيدي شوفي الاخوات
​

 

[لحن الهدى]

شكراااااااااااااااااا كثييييييير اختي روعة ونينة وعفاف المهم جاوبتوني
اختي عفاف راح ندير قد كميتك ونزيد عليها شوي وخلاص بزاف عليه ههههه
مع الكسكس وشوربة وسلاطة وفواكه وطاجين احنا نضعوه غير شوي من كثروو
وشكراااااااااا على ردوودكم الحلوة بارك الله فيكم

 

[عفاف الجزائرية]

ايه اختي ديري قد الكمية اللي قلتلك عليها وجيبي كيلو ولا زوج زيادة وحطيهم اذا احتجتي راكي زدتي واذا ما احتجتيش خبيهم في المجد يجي نهار وتحتاجيهم ما يروحلهاش والو العين
بالفرح والهناء ليكم ودوام الافراح
يغلق الموضوع لانتهاء غرضه
​