كي تبانليكم صارحونا..

[juventus torino]

السلام عليكم


اليوم حبيت نهدر على موضوع ربما راه
روتيني عندكم بصح الجميع ما
يبغيش الصح ، ما تتقلقوش غادي نبدا ديراكت ،،،

الموضوع هو :
علاقات النت و أقصد هنا علاقات الحب والوعود بالزواج

باغي نفهم حاجة كيفاش واحد قدامه
مليار وحدة يتعرف على وحدأخرى في النت
يطمعها بالزواج والمشكلة هو يسكن في a وهي في z
تجيكم نورمال هاذي
وين راهي العادات والتقاليد وغيرها ؟؟؟؟؟
إذا أنت بغيت بنت كل الوقت قدام النت
وممبعد تقولك نعرف نطيب ونسيق ووو
أسكو هاذي حالة جاوبوني
و والديه زعما يقبلوا بيها و إذا قبلوا بيها
أسكو راح تساعدهم و تكون على قدر المسؤولية
الشاب يبين للبنت بلي هو المثالي
ومن غيره راح تخسر في لافار إذا ما تزوجوش
و البنت كيفي كيف هي المثالية
اللي لازم يديها و لا يبقى طول حياته يعاني

نخليكم وواش رايكم في القضية..
​

 

[NABILA NIHAL]

يا خويا كل واحد يدي على حساب نيتو

 

[EL General]

عآدي جدآ آخي و منتدى آللمة آلجزآئرية شهد علآقة حب و تطورت للزوآج
بين دولتين بعيدتين : سوريآ - آلجزآئر

​

 

[أم راضية ~_]

السلام عليكم
موضوع مليح :up:
نشوفها تقدر تصلح و نتجح إدا كانت مبنية في الواقع
ماشي تتبنى فالانترنت وفالصح ماكان والو
و تقدر تنجح , متلا ادا تعرفو فالمنتدى وبالمواضيع و المشاركات و الانفعالات التي تصرا تبان شخصية كل واحد هنا
من المواضيع من المشاركات يظهر كلش
صح كاينين الي يعرفو يخبو و صح كاينين الخبيثون والخبيثات الي يعزف كل واحد على الوتر الحساس
بصح تانيت كاينين الي ماشي حاطينها في بالهم بصح كي انعكست على أرض الواقع رضاو بيها
وحكاية كل واحد يحب يبان مثالي ماهيش مقتصرة على الانترنت والمنتديات بل حتى فالحياة اليومية و أي واحد يروح يخطب يظهر المحاسن برك و هيا تانيت ..
أما على البعد واختلاف الأماكن كل واحد و قناعاتو و امكانية تقبلو للأمر
وفيما يخص الأهل والوالدين قادر يرفضو بنت ولايتهم و منطقتهم كيما قادر يرفضو البعيدة عليهم , على حساب نظرهم للموضوع
خلاصة القول :
كل شي ممكن إدا أسقطنا المعطيات على أرض الواقع و حولناها إلى حقيقة تليها بعدها السؤال عن الأهل والسمعة قبل القيام بأي خطوة تحدد المصير يندمو عليها ..
شكرا على الموضوع​

 

[فتاة حساسة]

هيه كل واح ونيتو...هيا صح متقدرش تصلح .مي متدريش كل واحد وكتوبو وكل واحد كيفاه مكتبلو ربي يتعرف على شريكة حياتو.شكراأخي على الموضوع.تقبل مروري.

 

[Ma$Ter]

وعليك السلام ورحمة الله
العادات والتقاليد راح قريب تنقرض خخ

//
انا عندى صاحبة راح يخطب طفلة عرفها فى الفيس بوك :d
ربى يصلحلو فيها
​