الله يستر بنات المسلمين

[كاترين]

السلام عليكم خاوتي
ان شاء الله تكونو لباس
و الله الموضوع اللي حبيت نحكي عليه حساس بزاف
و الرجفة حكمتني مرانيش قادرة حتى نكتب
راني بعدا شفت واحد العضو ربي يهديه ينشر ف ارقام تاع بنات ف كافة ارجاء المنتدى
بصح ربي يهديه ، و الطفلة هادي ربي يسلكها كيفاه تمد النيميرو تاعها لذراري راني مخلوعة . حتى وصلت لدرجة التشهير بالسمعة الله لا يبلينا .
انا مرانيش نحكي خاطر قرعاجية و لا راني ننقل ف الخبر
و لكن باش نسقسيكم
للبنات :
- وشنو تقدري تمدي رقمك لطفل باش تتحاكاو ديما ؟
للاولاد :
- تطلب من طفلة رقمها ؟ و تقدر تنشرو بين صحابك ؟


المهم راني نعطي في نصيحة للبنات و نقلهم استهدو بالله راه بزاف من بيوت تخربت غير من ورا صداع الراس تاع التلفون هذا و بزاف بنات راهم حبسوهم والديهم من القراية علاجالو من جهتي انا ما عندي تلفون ما نباصي مع المشاكل .
و الاولاد لاكان طاح في يدك نيميرو تاع طفلة ، في وجه ربي قطعو راها كيما اختك و من ستر مسلما ستره الله يوم القيامة .
المهم واش تحبو نقولو سوى ربي يهدينا و يستر بنات المسلمين.


​

 

[ماكانش]

أهلا بيك كاترين
يعطيك الصحة على الموضوع الباهي والحساس
اولا العضو هذا بلغي بيه الإدارة
والله ساعات كي نشوف امور لبرا نقول ماكانش طفلة ماهيش ...
وكي نسمعو كيما حكاياتك نقول العكس
كاين ناس خباثة غرضهم من التسجيل فالمنتديات المعاكسة ويتبلاو بنات الناس
لبرا يحشمو وزيدي مايقدروش ومايشبهو لوالو يجيو ورا الميكروات ويبداو يلعبو فيها
كاين بنات نيات وكاين الفاهمات الحافظات
يعطيك الصحة
​

 

[!≈[سُِـِيٌــِـِفّ اٌڷِخً‘يٌـرُ]≈!]

نعم أختي عندك لحق

مي ناس كامل مش كيف كيف

انا واحد ناس عندي أرقام

مي الحمد لله جامي درت حاجة كيما هكا

و مداير حساب و إلا أيروحلي تليفون مداير لموت باس لتليفون

و ربي يهدي ما خلق
​

 

[virus2015]

بارك الله فيك على اهتمامك أختي​

لكن هل هذا العضو هو في منتدى اللمة أو منتدى آخر؟؟؟​

لأن إلى حد الآن راني نشوف علاقات أخوية بين الأعضاء​

وريهولي برك ونخليه يندم على النهار لي خمم فيه يعمل حاجة كيما هذي​

ونصيحة أخوية لكل الأخوات " العضوات " وحتى الأعضاء :d​

المعلومات الشخصية لا تعطى في المنتديات​

وإلا علاش نستعملو أسماء مستعارة؟؟؟؟ ​

كل واحد يحط الإسم واللقب وصورة من البطاقة الشخصية وخلاص...​

ونقول لهذه البنت إن شاء الله هذا يكون درس ليك في المرات القادمة​

وأرمي عليك هذا الرقم وأشري puce جديدة وتتهناي منو ​

سلام​

 

[حورية الجزائر]

صح كاينة منها الله يهديكم

 

[صفاء والمروة]

في واقنا اليوم الفتاة هي المذنبة الاْولى اْولا لماذا تعطي رقم هاتفها لرجل اْلا تخاف من الله اْلا تعلم باْن هذا لا يجوز ثانيا لماذا تقلل من رجولة اْخيها اْلا تعلم اْن هذا اهانة كبيرة له ,,,,,,,,,,,,,,,,,,,,,,, اْما فيما يخص الرجل يتعامل وكاْنه لا يملك اْختة اْو اْنه لا ينجب بنتا لا بل نفسر هذا فقط باْنه لا يغار عليهن . والذي يدهشني حين اْنصح فتاة تقول لي اْنوي الحلال والله بمعنى الكلمة راسي يحبس واْريد فقط اْن اْعرف كيف تفكر هل يبارك الله في مثل هذه العلاقات الشئ الذي مبداْه حرام ماْلوه الفشل نساْل الله اْن يهدينا سبل السلام

 

[بنت الـ25]

اهلا كاترين
موضوعك حساس ويقيس فالصميم
أنا نستغرب من الطفلة اللي تمد نيمرو تعها لأي كان وتدير الثقة في أي كان
وأنا من عندي هي شخص مسؤول وتستاهل كل ما ترتب على هذا التصرف الطائش
كيما يقولواشقائنا في سوريا " خليها تقلع شوكها بإيدها"

في المقابل الشاب اللي ميخافش ربي هو اللي يدير هاد الأمور وينشر رقمها
ديفوا تلقايه يقلك " انا جاتني فرصة ما نضيعهاش"
طبعا الفرصة ماكانتش اساسا رايحة تجيه لو هو ما سعاش ليها برجليه
وهو في نظري إنسان تافه سطحي يجري ورا صغائر الأمور:down:
والطفلة مستحيل تمدلو رقمها بدون ما يطلبو
وفي جميع الأحوال ربي يهدي الشباب ويستر البنات


​

 

[كاترين]

أهلا بيك كاترين
يعطيك الصحة على الموضوع الباهي والحساس
اولا العضو هذا بلغي بيه الإدارة
والله ساعات كي نشوف امور لبرا نقول ماكانش طفلة ماهيش ...
وكي نسمعو كيما حكاياتك نقول العكس
كاين ناس خباثة غرضهم من التسجيل فالمنتديات المعاكسة ويتبلاو بنات الناس
لبرا يحشمو وزيدي مايقدروش ومايشبهو لوالو يجيو ورا الميكروات ويبداو يلعبو فيها
كاين بنات نيات وكاين الفاهمات الحافظات
يعطيك الصحة
​

بلا مزية
و راها اصابع اليد ماشي بكل كيف كيف
انا بغيت برك ننقل واش شفت ماكانش القصد نتاعي نشهر لواش صرا ، بصح كي شفت هكاك فكرت ف الطفلة و الحمد لله اللي جات في نيميرو يتبدل و مجاتش في حاجة اخرى . :down:
شكرا على المرور منور خويا

 

[كاترين]

نعم أختي عندك لحق

مي ناس كامل مش كيف كيف

انا واحد ناس عندي أرقام

مي الحمد لله جامي درت حاجة كيما هكا

و مداير حساب و إلا أيروحلي تليفون مداير لموت باس لتليفون

و ربي يهدي ما خلق
​

و الله كل واحد حر أخي ، و كل واحد و نيتو و الاحسن الحذر و كيما قلت دير موتباس للتلفون خير ، الوخذة ايلا ولا اللي عندو النيميرو ينشر فيه بلا ما يسرقولو التلفون و من تلقاء نفسو
مشكور خيوو على المشاركة الطييبة

 

[كاترين]

بارك الله فيك على اهتمامك أختي​

لكن هل هذا العضو هو في منتدى اللمة أو منتدى آخر؟؟؟​

لأن إلى حد الآن راني نشوف علاقات أخوية بين الأعضاء​

وريهولي برك ونخليه يندم على النهار لي خمم فيه يعمل حاجة كيما هذي​

ونصيحة أخوية لكل الأخوات " العضوات " وحتى الأعضاء :d​

المعلومات الشخصية لا تعطى في المنتديات​

وإلا علاش نستعملو أسماء مستعارة؟؟؟؟ ​

كل واحد يحط الإسم واللقب وصورة من البطاقة الشخصية وخلاص...​

ونقول لهذه البنت إن شاء الله هذا يكون درس ليك في المرات القادمة​

وأرمي عليك هذا الرقم وأشري puce جديدة وتتهناي منو ​

سلام​

أخي انا قصدي ماشي التشهير لواش صرا انا راني نحكي على المشكل بصفة عامة ، و جات في راسي الفكرة كي شفت هداك الشي .
المهم خارج مجال هاد المشكلة نقولوا بلي الطفلة اللي ما تحرزش روحها ف هاد الوقت و حاطة على روحها ، و الله غير يدوها للواد بلا ما تحس .
ربي يخليك خويا على المشاركة القيمة

 

[كاترين]

اهلا كاترين
موضوعك حساس ويقيس فالصميم
أنا نستغرب من الطفلة اللي تمد نيمرو تعها لأي كان وتدير الثقة في أي كان
وأنا من عندي هي شخص مسؤول وتستاهل كل ما ترتب على هذا التصرف الطائش
كيما يقولواشقائنا في سوريا " خليها تقلع شوكها بإيدها"

في المقابل الشاب اللي ميخافش ربي هو اللي يدير هاد الأمور وينشر رقمها
ديفوا تلقايه يقلك " انا جاتني فرصة ما نضيعهاش"
طبعا الفرصة ماكانتش اساسا رايحة تجيه لو هو ما سعاش ليها برجليه
وهو في نظري إنسان تافه سطحي يجري ورا صغائر الأمور:down:
والطفلة مستحيل تمدلو رقمها بدون ما يطلبو
وفي جميع الأحوال ربي يهدي الشباب ويستر البنات


​

و الله عندك الحق :d هادي نتاع الثقة وحدها :d و كيما قلتي هي المسؤول الاول و الوحيد على واش راه رايح يصرالها خاطر هي جابت الصداع لروحها .
و الطفلة العاقلة نعرفها انا خاطي المشاكل و تعرف شكون تجمع :-r ماشي كل من هب و دب .
يعيشك اختي على البصمة المميزة منوره~:$

 

[الصراحة راحة]

بارك الله فيك كاترين على الموضوع القيم
إن شاء الله لبناة يفهموا مليح بأن الامر ليس بالهين
شكرا وتحياتي ​

 

[كاترين]

بارك الله فيك كاترين على الموضوع القيم
إن شاء الله لبناة يفهموا مليح بأن الامر ليس بالهين
شكرا وتحياتي ​

و فيك بركة غاليتي :$
و ان شاء الله توصل الرسالة .
ودي و عبير وردي