هل انت مع الزيادة في تسعيرة النقل ام ضدها

[sami44]

السلام عليكم ورحمة الله

كما تعلمون اقدمت وزارة التقل مؤخرا على الزيادة في تسعيرة النقل
هذه الزيادة خلفت امتعاضا كبيرا لدى المواطنين وارتياحا لدى الناقلين

بالنسبة للمواطن البسيط له الحق في التذمر لان بعد الخبز والحليب اضيف له هم النقل
اما الناقلين الخواص يبررون ارتياحهم للزيادة بسبب غلاء قطع الغيار الخ..
والكل يعلم ان بارونات النقل هم المستفيد الوحيد من هذ الزيادة خاصة اذا علمنا ان الوزارةالوصية اتخذت القرار دون المشاورة مع الهيئات الاخرة

والان هل انت مع هذ الزيادة ام ضدها


لكم التحية وكل الشكر
​

 

[la_safa]

السلآم عليكم ..

بصرآحة أنآ ضد , و كمآ قلت :

بالنسبة للمواطن البسيط له الحق في التذمر
لان بعد الخبز والحليب اضيف له هم النقل

يعني الانسآن يشوف ليه و يشوف لغيرو
وحآيد الخبز مآش لآحقين عليه يزيدولهم هم النقل .. ~
​

 

[mohgladiator]

طبعا ضد
الواحد يعود لازملو
100 الف
غي باش يدور فالسونطر تاع البلاد

​

 

[ЯǾᵯẫḭṧşẰ]

صراحة انا ضد شي هادا
واش خلاو لناس البساطة
انا من جيهتي منستعملوش كامل مي شوية
والله ماحق عليهم
​

 

[وائل ابن الجزائر]

,’~
الســـــــــلآآم عليكـــــم ورحمـة الله تعالـى وبـركـاتـهانــآ في الوسط لاني لا اتنقل سوى بسيارتي
بالنسبــة للمواطن البسيط انا ضدهــآ
وبالنسبة للناقلين المحتاجين معاهــآ

​

 

[fahou]

يعطيك الصحة على الموضوع ، أنا صراحة قاسني في الصميم ، على خاطر ملي زادو في التسعيرة وليت نركب 15 ألف باش نروح نخدم و نولي للدار مع الفطور هاداك هو تنحي 5000 دج من الشهرية كي والو ، أنا ضد هاد الزيادة 100% المشكل تاع النقل مازال ، تروح تقعد ساعة باش تركب + الاكتظاظ في الطريق يعني الكومبرومو . في بالي لازم يحسنو الخدمة و يفتحو الطرقان ومن بعد كي يزيدو ماعليش نقدرو نبلعوها ، مارانيش نخمم على روحي بزاف أنا نخدم يامات كي نتزوج ان شاء الله نحبس ، بصح يغيضوا الزوالية مساكن لازم يخدمو على ولادهم وين رايحين بيها ، نحكيلكم هادي صراتلي هاد اليامات كيما زادو التسعيرة ، خلصت 10 دج قالي روسوفور 20دج قعدت نريكلامي ، أري واحد 20 دج بزاف نطق رجل كان قاعد قدامي قالي واش راح نديرو ، أنا نخلص 18000 دج والدراري والكراء ، سكت مالقيت ما نهدر الواحد يقول الحمد لله ، ياحليل على الزوالي ......

 

[✿أسيـل✿]

السلآم عليكم

بصرآحة أنآ ضد

كل شي راه غالي في هذي البـلاد
خص غير لهوا منا للقدام نولو نخلصوه
بففففففففففففففففف مزرية

الله يجعـل الخيـــر

​

 

[نسرين84]

السلام عليكم
أنا ضد الزيادة هذه من ابسط الحقوق للمواطن توفير النقل بأسعار مقبولة
كن حتى كي يزيدو في السعر يحسنو في الخدمات نقولو ما عليش

 

[simou11]

ضد ضد ضد
تبان صغيرة كي يقولك زاد 5 دينارات
مي كي تجي تشوف 5 فوق 5 تلقى روحك خاسر على طول الخط
كاين لي يقراو بعيد اوبليجي يركب 4 مرات في النهار
6 ألاف كل يوم تتلم تتلم تولي ياسر

مي النقل الحكومي يخدم بليزاري
يعني كي ماتهودش فلاري فينال مايحكمش عليك 15 دينار
مش كيما لوخر 15 لوكان حتى ركبتي فيه 2 ماتر

ربي يستر
كلش ماشي و يغلى
_ غير العباد ماشية و ترخس :p _ ​

 

[mirna cool]

انا اكيييييييييييييييد

ضـــــــــــــــــد

يا نآآآآآآآآآآآآآس خاآآآآآآآآآآآآآآآآآآآآآآآآفوا ربي ،

حسبي الله ونعم الوكييييييييييييييييييييييييييييل
​

 

[منايا الجنة]

تم التصويت
بصح فات الوقت راهم زادولهم و الي يحب يخدم كاش حاجة يروح يخدمها بدارهم الشعب و هني راسك

 

[souss]

انا ضد الزيادة في اي شي حتى الاجور لانو الزيادة ب100دج في الاخر يقبلها زيادة في الاسعار ب200 الى 300دج
ربي يهديهم بصح حنا تاني غاطين بزاف و نعاونو فيهم مهما زادو في سعر اي حاجة ما يتلقاو حتى ردة فعل او اعتراض او احتجاج نقبلو كلشي و نبقاو ديما نخلصو و نتذمرو بينا بين روحنا كون .....كون جيانا نعبرو و نبينو استياءنا و مواقفنا ماكانوش يقدرو يحقرو علينا

 

[meriem milagro]

اعتقد انه لا داعي للتصويت حتى ...

 

[قناص الغرام]

باينة الشعب الجزائري مايحبش الي يخربلوا في جيبو
​

 

[3ish.tchof]

كل حبين يغنوا على ظهر الزوالي

انا ضد مع اني منستعملش نقل حضري

عندي نقل تاعي فيلو ورجليا ههههههههههه

يزدو ولا يطروا
​

 

[anissa 13]

اكيد ضد المواطن عندو تكاليف كثيرة وزيد كاين اللي عندو ولادو يقراو ويستعملو النقل 4 مرات فاليوم والله بزاف
ربي يهدي حكومتنا
​