موقف محرج

[والدة فاروق]

السلام عليكم ان شاء الله يكون الجميع بالف خير .صرالي ليوم موقف محرج رحت للدوش كي جيت نخلص طاحلي الصرف وكان تم طفل صغير تكون عنده 3 سنين رفدلي 10دج واعطهالي قتلو ديها شريها حلوة ماماه ماعجبهاش الحال وبدات تعيط ولدي ما يشدش الدراهم قلتلها ما فيها والو عنقت ولدها وقاتلي ما تعطيهش الصالة كانت معمرة بالنسا والله غير حشمت انا عند بالي غادي تفرح كي نفرح ولدها واش رايكم انا لي غلطت ولا هي .انا لوكان كنت في بلاصتها نشوفها على انها فعل خير لوكان جا مبلغ كبير نقول بالاك فهمتها حاجة اخرى لكنو مبلغ صغير ما يدي ما يرد درك الواحد يبغي يدير الخير يخاف.

 

[sahiko hamza]

والله رانا تغيبيان
اختي ماتتقلقيش
كاين مايحبوش ولادهم يوالفوا على الدراهم
يعني مايولفوهمش يشدو حاجة من عند شخص غريب
اني قلت غريب نسبة الى الطفل الصغير
وكل واحد وكيفاه يحب يربي ولدو

اما باه تقولي على روحك انك غلطتي لا
ونورمال حاجة كيما هك ماتعمريش راسكـ .
​

 

[ZAKI ZIANI]

باه تقولي على روحك انك غلطتي لا
ونورمال حاجة كيما هك ماتعمريش راسكـ

 

[والدة فاروق]

والله رانا تغيبيان
اختي ماتتقلقيش
كاين مايحبوش ولادهم يوالفوا على الدراهم
يعني مايولفوهمش يشدو حاجة من عند شخص غريب
اني قلت غريب نسبة الى الطفل الصغير
وكل واحد وكيفاه يحب يربي ولدو

اما باه تقولي على روحك انك غلطتي لا
ونورمال حاجة كيما هك ماتعمريش راسكـ .
​

عندك الحق خويا خاصة في هدا الوقت وين كتر الاختطاف ولت الناس ماديرش لامان حتى فب المقربين

 

[والدة فاروق]

باه تقولي على روحك انك غلطتي لا
ونورمال حاجة كيما هك ماتعمريش راسكـ

شكرا اخي الله يحفظك

 

[homework]

عادي اختي الكريمة مغلطيش بصح ذورك بعد الاختطافات لي صرات الامهات توسوسوا على ولادهم كبير بالك الناس مشي كفكيف انت لكبيرة

 

[Ma$Ter]

مش غالطة فى راى
ما تعمريش راسك بيها

 

[والدة فاروق]

مش غالطة فى راى
ما تعمريش راسك بيها

شكرا اخي الكريم

 

[والدة فاروق]

عادي اختي الكريمة مغلطيش بصح ذورك بعد الاختطافات لي صرات الامهات توسوسوا على ولادهم كبير بالك الناس مشي كفكيف انت لكبيرة

شكرا اخي الكريم راني متفهمة الخوف تاع ولدها حتى انا عندي ولد ونخاف عليه لكن الشي لي ماعجبنيش هو ردة فعلها قدام الناس كانت قادرة ترد علي بطريقة لبقة تقولي صحيتي ختي ما نبغيش نولف ولدي هاد الطبيعة لكن لا هي بدات تعيط علي مشي حق عليها

 

[!≈[سُِـِيٌــِـِفّ اٌڷِخً‘يٌـرُ]≈!]

عندها لحق مش حابتو يوالف بدراهم

مي كان لازم عليها تعدل في طريقة الكلام
​

 

[سمسم السمسومة]

بلاك هي شايفة فيها ماشي مليحة لولدها...مديري والو في بالك....

 

[والدة فاروق]

بلاك هي شايفة فيها ماشي مليحة لولدها...مديري والو في بالك....

شكرا اختي

 

[رضوة الجزائرية]

كما قال الاخ الاول كاين لي مايحبوش يعلمو ولادهم المال بصح لو انا نقولها لك بطريقة ضريفة او اخد عليه النقود ارضاء لك شكرا​

 

[3ish.tchof]

لا ام عدها حق

به ولدها ما يولفش على هذ العقلية وتروح فيه عادة
​