كيكة الطبقات راااائعة بالخطوات من مطبخي

[ام اماني05]

السلام عليكم غالياتي
كيف الحال نتمنى تكونو كامل بخير

جبتلكم اليوم كيكة باردة بعصير البرتقال ذوقها راااائع وساهلة في التحضير
الطبقة الاولى:


2 بيض،3 م ك سكر،6 م ك عصير برتقال،6 م ك زيت،6 م ك فرينة،1خميرة

بواسطة الخلاط الكهربائي نخلط البيض مع السكر والفاني جيدا ثم نضيف الزيت ونحرك ثم عصير البرتقال واخيرا نضيف الخميرة والفرينة لنكونو غربلناهم ونحرك من فوق لتحت حتى يتجانس الخليط
ندهن المول نتاع الكيك لي يكون يتفتح نحط الخليط

ندخلها تطيب في فرن يكون سخون مسبقا على درجة حرارة180 درجة ونخليها تبرد تماما
انا نزعتها من المول وحطيتها داخل هذا السغكل ولي ما عندهاش تخليها في مول الكيك لي طيبنا فيه لي يتفتح

الطبقة الثانية:
نقوم بتحضير كريم باتسيير ونحتاج الى
نصف لتر حليب، صفار بيضتين،3 م ك سكر،2 م ك نشا،فاني،قطعة زبدة
نسخن الحليب على النار
من جهة نخلط صفار البيض مع النشا والفاني والسكر ونضيفلهم شوية حليب سخون نحرك ونسكب الخليط فوق الحليب حتى يعقد نطفي عليه ونضيف قطعة الزبدة ونحرك وهذا شكلها

نفرغ كريم باتسيير على طبقة الكيكة

نغطيها ونخليها تبرد شوية من بعد ندخلها للثلاجة تبرد تماما
الطبقة الثالثة:
نحتاج الى المكونات التالية
نصف لتر عصير برتقال،3 م ك سكر،2 باكي فلان فاني،2 م ك نشا

هنا نسيت نصور السكر والنشا :d
ننخلط المقادير ونحطها فوق النار مع التحريك حتى يعقد ونصب فوق طبقة الكريم باتسيير

ندخلها للثلاجة حتى تبرد وتتماسك جيدا بعدها ننزعها من المول
بعدها نزينها حسب الرغبة
انا زينتها بالكيوي والكرز و الكريم شانتي والبرتقال
وهذا شكلها النهائي

هنا كي قطعتها اممممم مع كاس عصير روووووووعة

وهنا عن قرب لاحظو الطبقات يمي يمي

نتمنى تعجبكم الكيكة وتجربوها لانها هااااايلة
في امان الله​

 

[Djazaire-El-Ghalia]

سلمت الأيادي المبدعة أم أماني بارك الله وفيك شكراً أنّك نزلت عند طلبي وطلب الأخوات في وضع الوصفة عندي سؤال برك إذا كان ممكن الفلان اللي ٱستعملتيه تع شحال من لتر خاطر أنا خارج الجزائر وماعندناش هذا العلب وأنا نسييييييت:up:

 

[ام اماني05]

سلمت الأيادي المبدعة أم أماني بارك الله وفيك شكراً أنّك نزلت عند طلبي وطلب الأخوات في وضع الوصفة عندي سؤال برك إذا كان ممكن الفلان اللي ٱستعملتيه تع شحال من لتر خاطر أنا خارج الجزائر وماعندناش هذا العلب وأنا نسييييييت:up:

اسمحاي اختي الغالية طولت عليك كنت مشغولة
بالنسبة للفلان عملت 2علب كل علبة نتاع نصف لتر واي سؤال انا في الخدمة

 

[Djazaire-El-Ghalia]

اسمحاي اختي الغالية طولت عليك كنت مشغولة
بالنسبة للفلان عملت 2علب كل علبة نتاع نصف لتر واي سؤال انا في الخدمة

بارك الله فيك أختي أم أماني بالعكس أنا ٱسمحيلي تعبتك معايا إن شاء الله تكونلك في ميزان الحسنات بقالي غير التطبيق ربّي يحفظك يا الغلا:$

 

[iman88]

احلى تقييييييييييم لاحلى ام اماني

بارك الله فيك كايك و لا اروع ماشاء الله

ربي يخليك:regards01:​

 

[زائــــــــرة حلوة]

اممممممم تطبيقك رائع ,الشكر موصول لصاحبة الوصفة الأخت ياسمين 77 ربي يجازيها خير.

 

[ام اسراءواسحاق]

اكثر من رائعة
جزاك الله كل خير .

 

[نرج ـسية]

ماشاءلله ماشاءلله والله وصفاتك تستاهل تتحط في كتاب
بارك الله فيك ام اماني إتقان ووصفات جديدة ورائعة
ربي يحفظ ذوك الاديات

 

[SAMIRA25]

اممممم يعطيك الصحة تحفة بارك الله فيك و ربي يجازيك كل خير اختي ام اماني و يحفظك لاهلك​

 

[faloussa]

الله يبارك اتقان وجودة امممممممممم رائعة يعطيك الصحة ام امانى وصفة رائعة وكيما قالتلك نرجسية تسستاهل انك تعملي كتاب

 

[ام اسحاق]

الله الله عليك يا ام اماني ...... فعلا تستحقين مليون اعجاب
ربي يبارك تعجز الكلمات على التعبير:regards01:

 

[كوثر الوهرانية]

الف شكر لكي اختي ام اماني

 

[عاشقة الوردة]

اممممم تشهي
مشكورة على الابداع الدائم

 

[رضوة الجزائرية]

روووووووووووووووووووووعة مشكورة تسلمي​

 

[الحلم الوردي]

ممممممممممممممممم
ج ـــــ ــــــاتك هايلة
بصحتك

​

 

[oumsif]

الله يبارك ام اماني روعة تسلم ايدك والله حلوياتك كلها تحفة ربي يبعد العين اعليك

 

[ندى الورود]

كيكة فعلا يسيل لها اللعاب
يعطيك الصحة يا أم أماني
​

 

[mimi53]

حبيبتي ام اماني ربي يخليك لينا اطباقك وحلوياتك كلها روعة كروعتكي لكي مني الف شكر وتحية
راني طبقتها ونقولك يعطيك الصحة
وجعلها الله في ميزان حسناتك

 

[om siraje]

jatek tohfa ya oum amani kolshi men 3andek raw3a merci bzf bzf

 

[hadda0425]

هايلة ام اماني تسلم ايدك
​