مقرقشات جدد

[samah06]

يا لمويات لحقتوني راني جبت واش وعدتكم لكن الصور خرجو ناقصين خاصة سينية القهوة
جبتلكم مقرقشات
ديري 4كيلات فرينة مع كيلة زبدة دايبة قرصة ملح وشمخيها بالماء وماء الزهر
ومن بعد لوزيها كيما النعمة كريات صغيرة
حلي الاولى ثم قصيها في النص خطوط متوازية حزيها من الاجنب ولحيها في اباط تاع طماطم او معجون واحدري طيابها راهو واعر بزاف ومن بعد نحيها
نتمنى تجربوها راهي تحمر الوجه وحاجة جديدة بالتوفيق مع الصور التوضيح اكثر

 

[ibtesem]

الله الله على الفكرة سموحة سمى مانرميش بواطة تاع الطماطم من هاك
بصحتك المقرقشات اختي

 

[angel]

مشكووووووووووووووووووووووورة
​

 

[samah06]

ابتسام عجباتك غير فكرة لباطة مطيشيهاش
معجبوكش لمقرقشات حبيبتي حشيتيلي ركايبي وانا نحسب مانعرف واش راح اندير هههههههههههههههههه

 

[samah06]

ابتسام هاهي سينية القهوة من جديد
وانت مكيش معانا حتى اديري رد جديد

 

[om siraje]

allah allah ya lfahla baynin haylin bzf wfekra raw3a ta3 loba6a hata zet lwahad maykhasaresh:dhhhrabi ykhalik hanona​

 

[ibtesem]

ههههه ياسموحة عجبتني لمقرقشات ونموت فيها
والله يعطيك الصحة عليها راح تشوفي تطبيقي

 

[حكيك]

يعطيك الصحة ومشكورة على الفكرة ينقل الى

وصفات الحلويات الحصرية و المجربة

 

[iman88]

بارك الله فيك سموحة

حنا نستعملوا هاذ الطريقة و لكن نديرو مقلة كبيرة عادي فيها زيت و العلبة تاع الطماطم ننزع لها القاع نتاعها و نقيسو ا الحبة في القوطي حتى تشد روحها نرفع القوطي باه تكمل طيابها و نزيدو الثانية و هكذا

 

[serinee]

mmmmmmmmmmmm
habibti jawak yhablo w chakal chbab bzzf ya3tik el saha samoha fahla
​

 

[كوثر الوهرانية]

مشكورة سموحة على الوصفة و الطريقة انتضري تطبيقي ان شاء الله

 

[shahrazad]

امممم سموحة والله فكرة هادي ههههه
وخرجولك هايلين
يعطيك الصحة حنونة
​

 

[ام ريهام]

امممممممممم
يعطيك الصحة والله فكرتيني بيهم كانت يما ديرهم الله يذكرها بالخير

 

[hadda0425]

اوووووووووو سماح فكرة مليحة يعطيك الصحة
شكون جا عندك نشوف في 3 تع حليب ههههههههههه
​

 

[samah06]

ايمان يعطيك الصحة الفكرة تاعك مليحة
هكاك متتعدبيش في طيابها انا نلقا مشكل باه نجبدها ونتحرق
لكن مليحة في ماكلتها يخلص الصحن ريح

 

[Smile Queen]

يعطيك الصحة حبيبتي

 

[زائــــــــرة حلوة]

خرجولك هااااايلين, بارك الله فيك على الوصفة:up:

 

[samah06]

يعطيكم الصحة لتفاعلكم معي وردودكن اللي شجعتني
حدة هادو جيراني 3 يشربو حليب وانا وواحدة اخرى نشربو قهوة
والاولاد راهم في الكوزينة في الطابلة تاع الدوم

 

[nada242008]

اممممممممممممممممم يا سموحة جاتك هااايلة نطبقها ان شاء الله بصح قوليلي مافيهاش الخميرة ؟

 

[حاملـة المسك]

فكرة ممتازة ...بوركت​