ادخلو من فضلكم

[رهف سعد]

اخت زوجي عندما تكون حامل ما يجيهاش الوجع ابدا وما تتفتحش تولد قيصري حلم حياتها تلد عادي ارجو من عنده اي خبرة يشاركنا حا لتها تصعب علا العدو حابة تولد عادي مع انها لما تكون حامل تمشي كثير وتزغد بزاف ولي قالولها دا رتها ولكن ما تفتحتش ابدا لعندها اي خبرة لا تبخلو علينا لانها حلمها الولادة عادي

 

[نبض الحياة]

السلآم عليكم
شوفي حبوبة المراة اذا بدات بولادة قيصرية احتمآل كبير انهآ تكمل بيهآ وعندهآ فقط 3 مرآت تولد
المرة 4 في خطر على صحتهآ
و نسبيآ مكآنش طريقة تبعد المراة اللي موآلفة تولد قيصريآ عن العملية
بآسكو العمليآت القيصرية عندهآ اسبآب
والكول اللي مآ ينفتحش رآجع امآ لقصر القآمة هنآ bassin يكون ضيق البيبي مآ يقدرش يخرج
او في حآلة ترآكم الدهون
نقص السآئل الامنيوسي يعجل بالولآدة القيصرية
والاسبآب عديدة
لكن طرق لتجنب الولآدة القيصرية مآ زلت مآ سمعت بيهآ
انو المراة تمشي وتتحرك في الاشهر الاخيرة من الحمل لتسهيل الولآدة فقط
كيمآ يقولو حتى البيبي يهبط التحت
لكن ليس لرفع احتمآلية الولآدة العآدية
قوليلهآ تخلي ثقتهآ بالله فهو القآدر على كل شيء
ممكن ربي يستجيب دعآءهآ ويلبي رغبتهآ
لكن علميآ هو مآ اخبرتك به
سلآمي​

 

[رهف سعد]

انا اسال اكثر شيئ ماهي الاسباب الي ما تخليش الكول يتفتح

 

[نبض الحياة]

انا اسال اكثر شيئ ماهي الاسباب الي ما تخليش الكول يتفتح

المشي حبيبتي في الشهر التآسع عآمل محفز لكن ليس الى درجة اجهآد النفس
اما غيرهآ من محفزآت يجب ان تكون تحت اشراف الطبيبة
​

 

[anissa 13]

والله ياختي الولادة القيصرية نضنها شيء عادي جدا المهم البيبي سليم وهي تتعافى
نظن ماكان حتى سبب يخلي الكول مايتفتحش يمكن شيء تاع ربي
يقولو افضل شي يفتح الكول هو تناول التمر والعسل فالشهر التاسع وليس قبله هادو يقولوها من بكري والله تعالى اعلى واعلم
ربي يفرحها يارب
​

 

[رهف سعد]

نشكرك يااختي علا الرد اكن هي حابة تعيش هدي التجربة والولادة عادي ماكانش ما احسن منها العملية حتى اسمها يخوف

 

[ام اسراءواسحاق]

يا اختي رهف فكرتيني في الولادة ، حتى انا الكول ماينفتحش بصح ميحبوش يديرولي قيصرية ، و ولادتي عدووووووووووويا ما نتمناهالوش تقدري تقولي نموت و نعاود نحيا بصح الحمد لله على نعمته .
هاذي المرة مرت خويا ولدت و جات ولادتها ساهلة قلت للراجلي شفت ربي عطاها على حساب نيتها ، قالي علاه و نتي نيتك ماشي صافية ؟
حشمت على روحي ملقيت ما نقولو ، من بعد لعبتهالو قتلو ايه هي وليدها زاد صغير بزاف على هكذا ماندرتش، ماشي كيما ولادي .

 

[والدة فاروق]

السلام عليكم شوفي ختي انا حطمت الرقم القياسي للمشي في الشهر التاسع هكذا والكول ما نفتحش
وبالرغم من ان ولدي كان في وضعية الولادة لكنو في اخر لحظة بدل الوجهة تاعو ماحبش يخرج دارولي السيروم حتى ما قديتش حتى وليت نحبي على رجلي ما قدرتش نوقف ومع كل هاد المعاناة اصر فاروق على عدم الخروج فقرر الاطباء اخراجه بالقوة وعملولي عملية قيصرية
قالولي عندك امكانية تولدي ولادة عادية اذا فوتي 3 سنين لان حملي كان طبيعي جدا ويبق مكتوب ربي

 

[anissa 13]

ام اسراء ضحكني راجلك على نيتك ماشي مليحة هههههههههه المهم جا قيصري ولا عادي
والدة فاروق انا نظن فاروق عجبو الدفا هههههه ماحبش يخرج ربي يفرحك بيه
رهف والله ياختي انا فاول حمل اجهضت فالشهر الخامس وولدوني عادي شفت الموت قلت ياريت سكروني وعملولي عملية على الاقل مانحسش ومانشوفش ولدي ينزاد ميت بصح الحمد لله على كلشي
​

 

[ام انس الحبيب]

ربي يرزق الي ما عندوش ويشد للعندو وليداتو
والله ما كان واحد راضي على حالو
الي مازيدتش خلاص تقول كون غير نزيد حتى بعملية معليش والي عمل العملية ايقول كون غير نجرب الطبيعي ولي شاف الم الولادة الطبيعية ايقول كون غير عملولي العملية باه ما نحسش وبين هذا و هذاك واحد محروم مسكين يتمنى يكون عندو صغير ويخرج لهذي الدنيا باي طريقة حبها
المهم ربي يجبر بخاطر كل واحد ويعطي كل واحد واش يتمنى
اللهم امين
المهم الخلقة التامة
​

 

[ام انس الحبيب]

ربي يسهل ليها
و يعطيها واش تتمنى ويبعث ليها سويعة ساهلة
اللهم امين
​

 

[ام اسراءواسحاق]

ام اسراء ضحكني راجلك على نيتك ماشي مليحة هههههههههه المهم جا قيصري ولا عادي

والدة فاروق انا نظن فاروق عجبو الدفا هههههه ماحبش يخرج ربي يفرحك بيه
رهف والله ياختي انا فاول حمل اجهضت فالشهر الخامس وولدوني عادي شفت الموت قلت ياريت سكروني وعملولي عملية على الاقل مانحسش ومانشوفش ولدي ينزاد ميت بصح الحمد لله على كلشي​

الحمد لله يا انيسة ولدت عادي ماشي قيصرية ،و كي نكون نولد نقول للراجلي شهدلي راني رايحة نموت و هو يبدا يبكي ، و نبدا نعض في يديا يقولي هاكي يدي انا عضيها ، و في اسراء و الله العظيم شعري تالمون نتفتو في السبيطار كي رجعت للدار محبش يسلكلي عمرتو بزيت الزيتون و بديت نمشط و نبكي نمشط و نبكي و قلت داود ما يزيد يعاود و كتبلي ربي حملت اسحاق على الربعين .
و الحمد لله على كل حال .

 

[anissa 13]

ام اسراء راني حاسة بيك ياختي بصح كي تشوفيهم يجرو قدام عينيك تنساي كلشي حتى الوجع ربي يخليهملك يارب
ام انس عندك الحق اختي الواحد لازم يقول الحمد لله على كلشي
​

 

[رهف سعد]

الله يخليكم كلكم ولله ما كان خير من الولادة العادي اخت زوجي حابة تولد عادي الله يحرم وجوهكم النار الي تسمع حاجة تقولهالي باش الكول نتاعها يتفتح وما تنساوش الولادة القيصرية اولادها معدودين ...........اله يخليلك اسراء واسحاق واش راهي يماك راني ما فهمتكش علا الخاص

 

[نبض الحياة]

ارجوكم لحبيبآت لآ تخرجوآ عن نطآق السؤآل والجوآب
يغلق الموضوع​