ايااا لبنات اعطوني رايكم فهاد الموضوع

[nina chinouia]

السلام عليكم و رحمة الله تعالى و بركاته

لاحظت بلي معظم الاولاد وللاو يقولو لبنات يحبو الحديدة و التحواس و مول الشكارة و..و..و..

هوما مايقراو مايخدمو نهار كامل وهوما شادين الحيووووط و قاعدين فالحومة غير السريقة و الزطلة

امبعد يقولو لبنات تاع درك ماشي بنات فاميليا و يبيعو روحهم على جال الدراهم و مايحبوش الزاوالي يحبو مول الايبيزا

خاااوتي نحو هاد الافكاار من ريسانكم على خاطرش ماتروحوش بعيد بهاد العقلية ولا كيفاش لبنااات

مع احتراماتي للاولاد و البناات

 

[بنت الـ25]

السلام عليكم و رحمة الله تعالى و بركاته

وعليكم السلام ورحمة الله تعالى وبركاته
​

لاحظت بلي معظم الاولاد وللاو يقولو لبنات يحبو الحديدة و التحواس و مول الشكارة و..و..و..

لا خاطر لبنات هوما اللي شيعوها على رواحهم
مرة انا نمشي فالطريق نسمع في وحدة تحكي بالصوت مع صحاباتها والغاشي يسمع
" قتلو كون ما تجيبليش كادو مليح فالفالنتين مكلاه تجي سيغتو فالطوموبيل لمقرقبة تاعك هديك تبهدل بيا"
مي مش لبنات كامل يخمو هكا بيان سيغ
التربية والمحيط يلعبو دور كبير
​

هوما مايقراو مايخدمو نهار كامل وهوما شادين الحيووووط و قاعدين فالحومة غير السريقة و الزطلة

ليامات هادو نلاحظ بزاف انو كي تحكيو تعممو
وهدا خطأ

​

امبعد يقولو لبنات تاع درك ماشي بنات فاميليا و يبيعو روحهم على جال الدراهم و مايحبوش الزاوالي يحبو مول الايبيزا

​

خاااوتي نحو هاد الافكاار من ريسانكم على خاطرش ماتروحوش بعيد بهاد العقلية ولا كيفاش لبنااات

مع احتراماتي للاولاد و البناات

الماديات والماديات كرهنا صح من هاد الهدرة مي مكانش دخان من دون نار
في كل بلاصة كاين لمليح والحاير
وتوجور يروح لمليح في سبة الدوني وتروح بنت الفاميلية في سبة "الحايرة"

متابعة للنقاش اللي نتمنى يكون راقي

​

 

[*RAHMA]

madirich 3lihoum khti
koul chi b yed rabi w rabi 3alem wech kayen fi 9alb w 39el koul wahed fina
merci

 

[عاشقة الكرة]

كل واحد يعرف روحو شكون واذا كنت صافية فداخلك ختي متشكيش فروحك حنونتي
ولوكان تراعي لوجوه العباد والله ماتصفى
مالا واش نقول لخيتي ديري ربي فبالك وقولي ربي يهدي
تقبلي تدخلي​

 

[ماكانش]

أهلا بيك ختي
يعطيك الصحة على الموضوع الباهي
مافهمتش مليح وين حابة توصلي
بصح حكاية لبنات يحبو الدراهم حاجة تبالي مانختالفوش فيها وماكانش ألي ماتحبش الدراهم
طبعا ماشي كامل
لمخيرة فيهم تقلك ولد فاميلة وعندو الدراهم
وثاني بزاف ولاد يبقاو شوماج وحاكمين لحيوط هاذي راني معاك فيها
مي وين حبيتي توصلي مافهمتش ؟؟؟
​

 

[همس الوُرود]

ختي والله ضحكتيني صح
أنتي خلطتي بين الدكورا
هادوك الي يخبطو وووووو......... أسمحيلي سمعتي هدراتهم أنتي باش قولي قالو وقالو؟؟
ويلا سمعي وأنتي واش داك ليهم
أون بليس صح لبنات مابقاوش بنات فاميليا ​

 

[خيرة جانت]

بوركتي أخيتي الكريمة
لي عودة بحول الله لأشاركك النقاش

 

[sahiko hamza]

كل واحد وكيفاه
كاين لي تحب لحديدة وكاين لي تحب السترة يعني واح دمايسمع بيها
وكاين لي تخرجها عيني عين وهاذوك لي خلاو الاولاد يحكو ويعمو مي أغلبيتنا عارفين بلي مش كامل
لأنو راح يتفكر ويتلفت منا برك يلقى أختو تنضفلو في فراشوا ..

للعلم ماعنديش أخت فالدار مي علابالي كيفاه يخمو لي عندهم خواتاتهم .
​

 

[سمسم السمسومة]

ماشي البنات كامل يخمموا فالماديات..........

 

[السلطانة]

وعليكم السلام
كاين الطفلة المادية
وكاين الطفلة لي تحب تعيش هنية
وبين هادي وهاديك
طغات الأولى
وتعمم الحكم على الجميع
في الحين ماش الجميع هاكداك
ياريت كل واحد قبل ميحكم
يفكر ميعممش ديراكت
شكرا على الموضوع
سلامي ​

 

[ليديا المتفائلة]

حبيبتي اولا شكرا علموضوع....
انا معاك كيماعجبكش الحال كيقولو علبنات يحبو المال وماهمش بنات فاميليا و...و...و....الخ
لكن ياحبيبتي كيما كاينة ليتفضل
مول المال..ثاني كاينة ليتفضل الفقيرالمعدوم لكن عندو اخلاق
وبنات الفاميليا بزاااااف ولي يقول غير هاذ الشي راه يشوف غير بعين وحدة برك....
وهذي هي الدنيا فيها لمليحة
وفيها الحايرة .....
وياسعدها لي تشوف مع اخلاق
الرجل ورجولتو
وماتخممش في جيبو لانو لي في جيبو من رزق رب العالمين تروح
وتجي اما الاخلاق فتبقى طول العمروربي يهدي بناتنا وولادنا.

​

 

[nina chinouia]

ختي والله ضحكتيني صح
أنتي خلطتي بين الدكورا
هادوك الي يخبطو وووووو......... أسمحيلي سمعتي هدراتهم أنتي باش قولي قالو وقالو؟؟
ويلا سمعي وأنتي واش داك ليهم
أون بليس صح لبنات مابقاوش بنات فاميليا ​

ماخلطتش بين الدكورا كاين ولاد الفاميليا بزاااف و كاين لي لالا

و رانا نسمعوا هاد الهدرة فالاغاني و حتى برا

وكي قلتي واش داك ليهم انا نقولك الحمد لله ختيتو انا بنت فاميليا وماكاله تغلطي

انا طرحت هاد الموضوع للنقاش ماشي لحاجة اخرى

وانتي كي قلتي لبنات ماشي بنات فاميليا انتي راكي طفلة والحديث قياس ختو

 

[nina chinouia]

يعطيكم الصحة خاوتي على التفاعل انا طرحت هاد الموضوع للنقاش باش نشوف راي البنات و الولاد عليه

ماشي على حاجة اخرى و طبعا ماشي كامل كيف كيف

:up:

 

[همس الوُرود]

ماخلطتش بين الدكورا كاين ولاد الفاميليا بزاااف و كاين لي لالا

وي صح فيهم وعليهم
​

و رانا نسمعوا هاد الهدرة فالاغاني و حتى برا

آآ أوكي ختي أنا ماراني نسمع لغنا مانسمع بهاد الهدرات
​

وكي قلتي واش داك ليهم انا نقولك الحمد لله ختيتو انا بنت فاميليا وماكاله تغلطي

لالا أنا ماقصديش حاجة كيما هاك ويلا ولات الطفلة تتت مابقاتش هدرة كسع​

انا طرحت هاد الموضوع للنقاش ماشي لحاجة اخرى

وي ختي وأنا راني نتناقش تاني أسمحيلي واقيلا كلامي جا هجومي مافهمتيش قصدي

وانتي كي قلتي لبنات ماشي بنات فاميليا انتي راكي طفلة والحديث قياس ختو
وي ختي لبنات تاع هاد الزمان ماولاوش متربيات مادامها تعري روحا برا وتتسرول وتفتن فالدكورا وتحط فالريحة بالدمة باش يشموها فيها وتحوس على السروال السيري باش تبان زعما لاطاي باهية وووووو..... هادي بقات تربية؟؟؟ أون+ راني نهدر على الأغلبية كي نقول لبنات بيسك قلييييييييييييييييييييييييييييييييييييييييييييييييييييييييييييل وين تلقاي وحدة ساترة روحا
ختي ماش أنا نخرج للفيلاج مانلقاش بنات نلقى كشغل باربي هاديك الي كنت نلعب بيها كي كنت صغير ملطخين بالماكياج وحالتهم حالة صابغين شعرهم ومخرجينو هادا سيري وتمضغ فالشينغوم وتضحك بأعلى صوتها وتزيد تقولك أنا مربية ويلا هي مربية شكون الي ..... وكيفاه مدايرة؟؟
ماش الطفلة تدير لعجب وتحوس على الغاشي يقوللها مربية لمربي أو باين ول... أو باين
ونتمنى تكون وصلتك الفكرة تاعي ماتزعفيش عليا بيسك كل وحدة ورايها أنا هاادا رأيي وماش معناها أني ضدك نقدر نقولك صاحيتي ونروح مي الله غالب هدا رأيي
سلام ​

]

 

[nina usma]

MRC nina mawdu3 grave chbab

iban lbnat masla7jiyat hada wach yat9al 3lina:s

mi ki yro7 rajal yatzawaj b3djuza 3la jal lkwarat hadik nourmal

akhtiwna durk wala liy7awass 3a satra masla7ji

rabi yahdina w yahdihum

:d​

 

[nina chinouia]

ماخلطتش بين الدكورا كاين ولاد الفاميليا بزاااف و كاين لي لالا

وي صح فيهم وعليهم
​

و رانا نسمعوا هاد الهدرة فالاغاني و حتى برا

آآ أوكي ختي أنا ماراني نسمع لغنا مانسمع بهاد الهدرات
​

وكي قلتي واش داك ليهم انا نقولك الحمد لله ختيتو انا بنت فاميليا وماكاله تغلطي

لالا أنا ماقصديش حاجة كيما هاك ويلا ولات الطفلة تتت مابقاتش هدرة كسع​

انا طرحت هاد الموضوع للنقاش ماشي لحاجة اخرى

وي ختي وأنا راني نتناقش تاني أسمحيلي واقيلا كلامي جا هجومي مافهمتيش قصدي

وانتي كي قلتي لبنات ماشي بنات فاميليا انتي راكي طفلة والحديث قياس ختو
وي ختي لبنات تاع هاد الزمان ماولاوش متربيات مادامها تعري روحا برا وتتسرول وتفتن فالدكورا وتحط فالريحة بالدمة باش يشموها فيها وتحوس على السروال السيري باش تبان زعما لاطاي باهية وووووو..... هادي بقات تربية؟؟؟ أون+ راني نهدر على الأغلبية كي نقول لبنات بيسك قلييييييييييييييييييييييييييييييييييييييييييييييييييييييييييييل وين تلقاي وحدة ساترة روحا
ختي ماش أنا نخرج للفيلاج مانلقاش بنات نلقى كشغل باربي هاديك الي كنت نلعب بيها كي كنت صغير ملطخين بالماكياج وحالتهم حالة صابغين شعرهم ومخرجينو هادا سيري وتمضغ فالشينغوم وتضحك بأعلى صوتها وتزيد تقولك أنا مربية ويلا هي مربية شكون الي ..... وكيفاه مدايرة؟؟
ماش الطفلة تدير لعجب وتحوس على الغاشي يقوللها مربية لمربي أو باين ول... أو باين
ونتمنى تكون وصلتك الفكرة تاعي ماتزعفيش عليا بيسك كل وحدة ورايها أنا هاادا رأيي وماش معناها أني ضدك نقدر نقولك صاحيتي ونروح مي الله غالب هدا رأيي
سلام ​

]

وي ختي وصلتني الفكرة تاعك و شكرااا على رايك طبعا كل واحد و رايو

 

[nina chinouia]

MRC nina mawdu3 grave chbab

iban lbnat masla7jiyat hada wach yat9al 3lina:s

mi ki yro7 rajal yatzawaj b3djuza 3la jal lkwarat hadik nourmal

akhtiwna durk wala liy7awass 3a satra masla7ji

rabi yahdina w yahdihum

:d​

هدااا واش حبيت نوصل يعطيك الصحة نينا عالمشاركة في الموضوع

 

[فتاة حساسة]

ههههههههههههههههههههههههههههههههههههههههههههههه والله ياخيت ضحكتيني...


المهم والله اني طفلة واني نشوف كاين بنات ..يموتو على الدرهم..مي كاين بنات ففاميليا..رحمة ربي مزالها كاينا ومتخلصش.ربي يهدينا ويرزقنا ولاد الحلال اللي نكملو حياتنا معاهم على طاعة الله ورسوله.مشكزرة خيتي على الموضوع المميز​

 

[lee yong]

الدنيا gاع راهي مخلطة ومقلوبة يا خاوتي
حاجة ما راهيش في بلاصتها قوا الفساد والفوضى والهدرة على بنات الناس
تحب تفهم واش راه صاري تتشوكا
مرسيييي بزاف على الموضوع

 

[nesrine17]

موضوع شباب وظاهرة منتشرة ياو هاد الشباب لي مايلحقش لحاجة يهدر فيها