الدزيريين حلوى سبيسيال في العالم

[طائر الخير]

بسم الله الرحمان الرحيم

​

بداية الكلام بالتحية و أحسن تحية تحية الإسلام و تحية الإسلام السلام​

فالسلام عليكم وحمة الله تعالى وبركاته​

الحمد لله و الصلاة و السلام على خير خلق الله محمد صلى الله عليه وسلم



​

ليجان، الجانات :d ماعليكمش صافا؟؟ الامور ماشية طرونكيليتي...



​

كاينا حاجة بانتلي هاذ الايامات ياسر وهي طريقة كلام الدزيرين بصفة عامة بالماكلة؟؟؟؟ وهذا دليل على حب الدزيريين للماكلة​

صحا درك نبداو بليزيــ Gـــزومبل و قولولي كاين منها ولا لا:



​

-- الكونطرول ساهل Gـــاطو.​

-- واحد راح يدخل شريك مع الشابي يقوللو تدخل شركة مع الشابي؟؟؟..... دراهمك يروحو في كيلة زيت وفي رواية اخرى جغمة ماء.​

-- ايييي وليدي سكر و بنتي عسل مقطر...​

-- تدبر على واحد يدر حاجة مش مضمونة... يقولك لالا اللعب مش بالعشا.​

-- الدزاير راح تلعب مع البرازيل..... درك ياكلونا سلاطة.​

-- تقول لصاحبك نقرى من الثمانية للزوج يقولك ولغدا؟؟؟؟​

-- واحد يحكي مع وحدة في البورطابل .... قوليلي حاجة حلوة؟؟؟ تقولو عسل، سكر، كوجاك...شيء من هذا القبيل.​

-- واحد راح يتزوج يقول لخطيبتو .... المهم الماكلة مانسمحش تلعبيلي فيها.

​

-- تلقا واحد يحبوه الغاشي الكل و يحبو يديرو قعدات معاه يقولولك:​

-هذاك انسان Gــــازوزة​

-ماتشبعش منو​

-قعدتو حلوة​

-- جماعة قاعدين يفوت عليهم واحد مرفه يقولو شوف الناس الشبعانة.​

-- زوج يتناقشو و واحد يسخن شوي يقولو لاخر واش راح تاكلنا ولا؟؟؟​

-- الطوموبيلات كاين اللوزة و كاين الكاوكاوة...وهاذو خلي لازمهم نهار وحدهم.​

-- البورطابلات كاين الميلفاية و الــ Gـــوفريطا.....

​

و الاخيرة زوج يمشوا في الصحرا واحد يخخم في الماء و لاخر حاب ياكل اللوبيا :s.... تبانلي هاذي عارفينها نتاع واش :d

​

وكما قال الشيخ كشك رحمه الله عنا نحن الجزائريين: عجبت لقوم ياكلون النساء و ينكحون الطعام.

​

ايا واش تقولو انتوم؟؟​

 

[حفيد هواري بومدين]

تعجبني كلمة هاداك الانسان قازوزة ههههه
---
وافقت على الموضوع

 

[!≈[سُِـِيٌــِـِفّ اٌڷِخً‘يٌـرُ]≈!]

شعب اكول

ولهدرة غير بثقيل عندنا

تهدر معاه يقلك واش الشخشوخة وكتاه

مي نقلك صاحبي تجي في لماكلة وما تكونش في حوايج أخرى

دمت بود
​

 

[la_safa]

السلام عليكم ،

والله يآ خويآ انآ نقرى الأمثلة جآني الضحك هههه
شعب يفرط في كلشي غير كرشو لآلآ :d ،

حقآ نسيت نخبركـ بلي ليوم وحد التمرين سآهل مآء
ولآ كيمآ يقلكـ لولآد الصغآر ذركـ نضربو نرجعو خضرة فوق عشآ

والله غير صح كلشي نربطوه بالمآكلة ،
مآنعرف اذآ هآذي طبيعة فينآ غير نحنآ ولآ مآم في الدول العربية :s
بصح عندي عآدي بالعكس حآجة طريفة
رآهي تعبير مجآزي تضفي على المعنى جمآلآ و وضوحآ و لذآذة :d ..

شكرآآ عالموضوع ~
​

 

[Ma$Ter]

عليكم السلام ورحمة الله

اكبر حاجة تمشى فى البلاد تاعنا هى الاكل :$
واش راح يجيك منهم ههههه
موضوع قازوز خويا يوسف
تشبع ردود :d

​

 

[طائر الخير]

تعجبني كلمة هاداك الانسان قازوزة ههههه
---
وافقت على الموضوع

شكرا على الاعتماد اخي عبدو

مليحة كي يكون عندنا مشرف قازوزة كيما انت :d
​

 

[طائر الخير]

شعب اكول

ولهدرة غير بثقيل عندنا

تهدر معاه يقلك واش الشخشوخة وكتاه

مي نقلك صاحبي تجي في لماكلة وما تكونش في حوايج أخرى

دمت بود
​

هههههه

عندك الحق في هاذي عبد الرزاق

المصيبة راهي جات في الماكلة وجاية في حوايج اخرى:d

يعطيك الصحة خو
​

 

[!≈[سُِـِيٌــِـِفّ اٌڷِخً‘يٌـرُ]≈!]

هههههه

عندك الحق في هاذي عبد الرزاق

المصيبة راهي جات في الماكلة وجاية في حوايج اخرى:d

يعطيك الصحة خو
​

ما بغيتش نشبعك هدرة برك

ههههههههه

و لله يا صاحبي لي نقدرو عليها هيا ندعو لخوتنا و لروحنا بهدايا برك

:up::up::up::regards01:

 

[طائر الخير]

السلام عليكم ،

والله يآ خويآ انآ نقرى الأمثلة جآني الضحك هههه
شعب يفرط في كلشي غير كرشو لآلآ :d ،

حقآ نسيت نخبركـ بلي ليوم وحد التمرين سآهل مآء
ولآ كيمآ يقلكـ لولآد الصغآر ذركـ نضربو نرجعو خضرة فوق عشآ

والله غير صح كلشي نربطوه بالمآكلة ،
مآنعرف اذآ هآذي طبيعة فينآ غير نحنآ ولآ مآم في الدول العربية :s
بصح عندي عآدي بالعكس حآجة طريفة
رآهي تعبير مجآزي تضفي على المعنى جمآلآ و وضوحآ و لذآذة :d ..

شكرآآ عالموضوع ~
​

منورة صفاء

الماكلة درك تولي رمز وطني في يوم من الايام:d

ايييييي فكرتيني في نتاع خضرة فوق عشا هههه هاذي مشهورة

على حساب علمي هاد الظاهرة غير عندنا منتشرة بهاد القوة

اكيد طريفة لان الشعب الجزائري مبدع في كل شي و مشهور بابداعو في الهدرة البنينة وهادا طبعا من اجل التوضيح و اضافة نكهة الى الكلام:d

العفو اختي يعطيك الصحة
​

 

[طائر الخير]

عليكم السلام ورحمة الله

اكبر حاجة تمشى فى البلاد تاعنا هى الاكل :$
واش راح يجيك منهم ههههه
موضوع قازوز خويا يوسف
تشبع ردود :d

​

صحا حكيم

هاذا واش رابحين منهم اللحم غالي و الهدرة عليه باطل ....اشبع يا مواطن :d

قازوز كيما انتوما خيو

نشبعو ردود معليش ان شاء الله ما تونش فيها التخمة

يعطيك الصحة حكيم
​

 

[طائر الخير]

ما بغيتش نشبعك هدرة برك

ههههههههه

و لله يا صاحبي لي نقدرو عليها هيا ندعو لخوتنا و لروحنا بهدايا برك

:up::up::up::regards01:

اللهم امين

ديجا مابقاليش بلاصة لهذيك الهدرة هههههه

بارك الله فيك حبيبي وصلت

:up:
​

 

[imy_amani]

زوج يتناقشو و واحد يسخن شوي يقولو لاخر واش راح تاكلنا ولا؟؟؟
هههههههههههههههههه
عجبتني هادي ههههههههه
كاينة منها مين يغلب عليه يقوله كولني
ههههههه
شكراااااااااا على الموضوع
​

 

[طائر الخير]

زوج يتناقشو و واحد يسخن شوي يقولو لاخر واش راح تاكلنا ولا؟؟؟
هههههههههههههههههه
عجبتني هادي ههههههههه
كاينة منها مين يغلب عليه يقوله كولني
ههههههه
شكراااااااااا على الموضوع
​

ههههههه

العفو الاء الرحمن

ربي يدوم الفرحة اختي

يعطيك الصحة و شكرا على المرور
​

 

[عاصفة الورود]

الجزايريين معظم هدرتهم على الماكلة
طبيعة ومشات فينا معندنا مانديرو
نسيت نقولك
موضوع يشهي :d
سلام
​

 

[طائر الخير]

الجزايريين معظم هدرتهم على الماكلة
طبيعة ومشات فينا معندنا مانديرو
نسيت نقولك
موضوع يشهي :d
سلام
​

منورة اختي

كي تجي تاكليه خلي الفوطوات نتاعنا و اشبعي بالهدرة :d

شكرا على المرور يعطيك الصحة
​

 

[السلطانة]

وعليكم السلام
شعب تاع هم هم
:d
علاقة حب وطيدة تربطه مع الطعام
موضوعك حلو بزاف
شعب يخدم باه ياكل
لازم تكون مصطلحاتو هكا
يعطيك الصحة

​

 

[طائر الخير]

وعليكم السلام
شعب تاع هم هم
:d
علاقة حب وطيدة تربطه مع الطعام
موضوعك حلو بزاف
شعب يخدم باه ياكل
لازم تكون مصطلحاتو هكا
يعطيك الصحة

​

اهلا بالسندريلا

معناتو عنوان الموضوع جا ناقص حماضة علابالي الطماطم هذاك مش مليح:d

فكرتيني بعلاقة الحب الظاهر نجلاء مش سامعة

ميرسي اختي و شكرا على المرور و الاقتراح:up:
​

 

[stella.m]

هذي حال الشعب الجزائري يجري غير على الخبزة
ويخدم غير على الماكلة على بيها نصيبوها في كامل هدرتو
موضوعك حلو يعطيك الصحة
الخاوة ما خلاو حتى كلمة نقولها :d
​

 

[طائر الخير]

هذي حال الشعب الجزائري يجري غير على الخبزة
ويخدم غير على الماكلة على بيها نصيبوها في كامل هدرتو
موضوعك حلو يعطيك الصحة
الخاوة ما خلاو حتى كلمة نقولها :d
​

مرحبا نعيمة

الشعب الجزائري الشعب الذي حير شعوب العالم....غريب في كل شيء:d

شكرا على المرور اللي كي لعسل:up:
​

 

[zagane]

السلام عليكم
واش بيك كليتني ب عينيك من الصباح تشوف فيا