2
- الأوسمة
- 49
استفسار يخص قريبي
********************************************
كي كانت الوالدة تاعو حامل ضربتها لاطونسيون
واضطر الأطباء يولودوها ولادة قيصرية في الشهر الثامن
كانت خطر على ولدها وعليها والأطباء متوقعوش يعيش.
المهم بعد الولادة بقى الرضيع في مستشفى خاص
للعناية بيه لأنو خلق ناقص في النمو.
كان حجمو صغير .
بعدها بقاو والديه يتابعو فيه عند طبيبة مختصة وكل 3شهور رونديvو
ويتبعو واش تقولهم .وبان الطفل عادي لأنو اندمج مع المجتمع وتصرفاتو عادية.
وحجمو كبر ناقص شوي مي شكلو مقبول
آخر كونترول ليه باه تتأكد الطبيبة
كان كي عاد 6سنين
ونص
عاودت شافتو ومعاها طبيب نفساني
دارلو حصة
سقساه فيها على حاجات وطلب منو يرسم ويكتبلو
باه يحلل بعض الامور..منها رسم قطة سوداء اللون ... المهم
بعدها ظهر في التحليل:
-أنو لاطونسيون كي قاست أمو قاستو هو
على الجيهة تاع الفهامة
وجيهة الحفظ سليمة لأنو في المدرسة
مواد الحفظ يحفظهم بكل سهولة ولكن الرياضيات ميفهمهاش
-عندو حاجة في المدرسة والطبيب النفساني شك في المعلمة لي تدرسو بلي
تضغط عليه ولاحاجة زيما هك (على الرغم من ان والديه قالولها على حالتو )
-نصحها بنظام غداء خاص
ولازم البنان واللوز والجوز ....
وتاني يغرسو القمح في دارهم
وكي يطيب يديوه ويطحنوه ويدوروهولو ياكلو...
-من الضروري الطبيب النفساني يتكلم مع المعلمة تاعو خلال الايام القادمة.
-لازم ينخرط مع المجتمع اكثر
يدير رياضة ونشاطات ...
-الابتعاد عن التلفاز لانو يخليه يعيش في عالم الخيال ومنها يعلمو لكدب
ومعاه ايضا الكومبيوتر.
وهكا باه تتحسن حالتو .
-لانو هو فعلا يتفرج في قناة طيور الجنة مدمن عليها
وحافظ الاناشيد تاعها كل .
-درك حبيت نسقسيك دكتورة رقية
هل في مثل الحالات هادي
ممكن تتحسن الحالة ؟
وادا عندك نصائح أخرى تساعد هاد الطفل قوليلي عليها ؟
-وكيف اثرت الحالة النفسية ؟
آخر تعديل:
