السلام عليكم ورحمة الله تعالى وبركاته
اليوم حبيت نحكيو على المهر ، وراني نشوف بلي الرجال راهم يقولوا صعيب الزواج ، المهر ......و.................. ، انا على ما اظن المشكل مرهوش في مهر المراة ، هذا حقها يا سيدي و+ ماكانش لحد الان امراة فرضت على زوجها المبلغ الفلاني انا هاذي مازال متلاقيتش بيها واذا صرات واحدة في الالف ، والشاذ لا يقاس عليه، كاين ناس نعرفهم مرفهين ومعطاو غير 10 ملاين ، واحنا صراحة مزالت ماشية نتاع 10 ملاين ، مالقري الذهب غالي بصح هاذيك هي، لي تعطيلوا ناصيتو تعطيلوا في دارو .:d:d:dنقولكم حاجة وبصريح العبارة ، انت علاش تروح دير شومبرة نتاع 20 مليون ولا 40 مليون امشي قيسك يا سيدي ، وزيد علاه نرفع روحي للسما :-h:-h:-h نتوما الرجال ثاني عندكم واحد العزة نتاع النفس ، لي تديكم للتهلكة ،كيما يقولو الزلط والتفرعين كل واحد يمشي قيس جيبو .، ونضمنلك بلي المراة واش جبتلها راهي راضية غير انك متحقرهاش ، واذا طحت في وحدة مادية هاذي حاجة واحداخرا .
صح زواج ليلة تدبارو عام ، بصح المشكل مرهوش في المهر ، اذن سيبالابان تقولوا المراة والمراة :graduation::graduation::graduation::yahoo01::yahoo01::yahoo01: .
تامنوني نهار نسمع بالمهر نحس راني في سوق البقر ، وعيب يعني امراة ولا الولي ديالها يساوم بنتو والله كاررثة .القناعة والصح في الهنا ، كاينة ولا ما كانش
.واش قلتوا ليجان ، زعمة جات غير في المهر ؟ :-r:-r:-rولا حاجات واحداخرين ، وبيناتنا المراة ماكان مادخلها اذا ما قدرتش تشري شومبرة هي حكايتها حكاية المهر وسيبون .
والباقي ليك ، بيتك ومقر سكناك وصح هي راح تقاسمك فيه بصح واش ذنبها ؟
واش نتومة شحال وصلوا المهور عندكم هههههههههههههه
في انتظار تفاعلاتكم ، متقولوليش برك هاذي واش راهي تهدر هههههههههههههههه
في لامان :regards01::regards01::regards01:
آخر تعديل:
