كيفاش اطيبو الجلبانة

[أم أمين23]

​

الجلبانة وما ادراك ما الجلبانة يلا قولولنا كيفاش اديروها عندها طرق كثيرة وهادي احدى الطرق:
تجيبي اللحم تاعك تحطيه مع البصل تفرميه فرما ناعما تزيدي الزيت الفلفل اكحل والملح والكمون وفلفل احمر وحبتين طماطم حب والا ما عندكش ممكن اضيفي المصبرة من بعد وخلاص وخليها تتقلى في هاد الاثناء وجدي القرنون تاعك ويظهرلي تعرفو واش هو القرنون هاي صورتو الا الاسم يختلف

وتقشريه تخلي القلب برك

وتكوني ثاني قشرتي الحلبانة حطيهم على التقلية وزيدي الماء وخليها تغلي زيدي الطماطم وخليها حتان تلبي وهي ليك ويالصحة عليكم

 

[ملكًة الاحسآس]

السلآم عليكم
مآم حنآ فالغآلب نديروهآ بهآد الطريقة
بصح أكره حآجة عندي كي نديرهآ هدآكـ القرنون
يوليو صبآعيآ مآغون حتى نولي نحك فالقآرص
ومرآت نفوروهآ مع الزرودية والبطآطآ و امبعد نزيدولهآ الي كآين
كآشير ولآ زيتون أكحل ونآكلوهآ :d
ومرة دآرتهآ اختي فالفووغ نسيت كفآه الطريقة بصح مآعجبتنآش
من هدآك النهآر مآزآدت دآرتهآ :-h ​

 

[amira94]

السلام عليكم

أهلا أم امين ان شاء الله تكوني بخير

حنا الجلبانة نطيبوها بطريقة أخرى واليك الطريقة :

نجيبو لحم ومن الأفضل لحم البقر + بصل مفروم + ثوم + ملح + توابل + زيت ونقلي على نار هادئة
ونقليها مليح ومن بعد نمرق ونخلي اللحم يطيب لما يدخلو الطياب نحطو الجلبانة في المرق ونخلوها تطيب
ومن بعد كي تطيب نجيبو بيض ونخلطه في صحن ثم نفرغه على المرق ونتركه قليلا ثم نخلط الكل مع بعض

وشهية طيبة
​

 

[أم أمين23]

السلآم عليكم
مآم حنآ فالغآلب نديروهآ بهآد الطريقة
بصح أكره حآجة عندي كي نديرهآ هدآكـ القرنون
يوليو صبآعيآ مآغون حتى نولي نحك فالقآرص
ومرآت نفوروهآ مع الزرودية والبطآطآ و امبعد نزيدولهآ الي كآين
كآشير ولآ زيتون أكحل ونآكلوهآ :d
هنا سلاطة يعني
ومرة دآرتهآ اختي فالفووغ نسيت كفآه الطريقة بصح مآعجبتنآش
من هدآك النهآر مآزآدت دآرتهآ :-h ​

انا ثاني نديرها في الفور باللحم المرحي المرة الي فاتت درتها هاكاك مي هاد المرة قلت خلي نحط هادي
​

 

[أم أمين23]

السلام عليكم

أهلا أم امين ان شاء الله تكوني بخير
وعليكم السلام ورحمة الله وبركاته اهلا بيك
حنا الجلبانة نطيبوها بطريقة أخرى واليك الطريقة :
يلا مادابينا
نجيبو لحم ومن الأفضل لحم البقر + بصل مفروم + ثوم + ملح + توابل ونقلي على نار هادئة
ونقليها مليح ومن بعد نمرق ونخلي اللحم يطيب لما يدخلو الطياب نحطو الجلبانة في المرق ونخلوها تطيب
ومن بعد كي تطيب نجيبو بيض ونخلطه في صحن ثم نفرغه على المرق ونتركه قليلا ثم نخلط الكل مع بعض

وشهية طيبة
​

مام انا نديرها بالبيض الا كانت بيضاء ونزيدولها القارص
​

 

[amira94]

مام انا نديرها بالبيض الا كانت بيضاء ونزيدولها القارص
​

ايه لازم القارص من فوق يعطيها بنة
​

 

[lina-67]

شوفو طريقتي في تحضير الجلبانة في الفور

من مطبخي بطاطا بالدجاج و الجلبانة و بالصور

 

[amira94]

طريقة هايلة أختي شكراااااااا
​

 

[samah06]

اختي ام امين انا نحب الجلبانة بمرق ابيض لما تكون باللحم
وكي نديرها بالدجاج نديرها حمراء
اممممممم شحال بنينة بيضا مع القارص والمعدنوس
يعطيك الصحة

 

[أم أمين23]

جهاد مشكورة تم الاطلاع
اميرة منورة بمرورك
سماح انا حسب واش عندي وكيما جات بيضا والا حمرا في استعمال اللحم او الدجاج

 

[مينة آلاء الْقُدُّوس]

ماشاء الله جاتك هايلة حنا مكانش اختلاف كبير فالطريقة

برك نديرو المرقة بيضاء ونديرولها المعدنوس يجي هايل مع الجلبانة
بصحتكم

 

[أم أمين23]

الله يسلمك اختي مينة نورتي بمرورك وانا ثلني احيانا اخرى نديرها هكاكا من باب التغيير مرة هكا ومرة هكا

 

[joumane]

يعطيك الصحه حببتي جاتك هايله والمسيو هكا يحبها مي انا نحبها بيضا بالجاج وفي الخير نلوحها في الفور تعقد مليح ويتحمر الجاج تجي هايله

 

[أم أمين23]

ا
صح في الفور تعطيها بنة اخرى بصحتك وبصحت الميسو منورة من جديد

 

[nassima 87]

بالقرنون او الزرودية او الجاج اممممم نموت عليها

 

[أم أمين23]

اهلا اختي نسيمة شكلها هايل مشكورة على المرور

 

[nassima 87]

اهلا اختي نسيمة شكلها هايل مشكورة على المرور

الله يسلمك بلا مزيا :regards01:

 

[lina-67]

طريقة اخرى

شوفي اختي ام امين هذي طريقة اخرى تحطي البطاطا و الجلبانة و اللحم كامل في البلا تاع الفور مع ليزيبيس و مرقي بكاس ماء و غطيه بالالمنيوم و كي يطيب نحي الالمنيوم و خليه يتحمر

​

 

[أم أمين23]

طريقة حلوة وجديدة بصح بلا بصل بلا زيت بلا والو برك البطاطا والجلبانة واللحم

 

[lina-67]

لا لا مافيهش البصل برك درت شوية زيت الزيتون