أمر يخص الزواج

[EL General]

سلآم ،

صحا البيبليك صافا عليكم يخي ؟

جيت باش نحكيلكم على الزواج و بالضبط واحد القضية تابعة للزواج
هي انو كي يتزوجو زوج توأم مع بعضاهم في نفس العرس و نفس اليوم يقولك
يضربوهم بعين ، و ماشي شرط توأم حتى كون يكونوا زوج خاوة و لا صحاب في نفس النهار يقولك العين تضربهم ، بصح مفهمتهاش انا هادي العين تضربهم كيفاش ؟ :-o
و jestement قاعد نحكي هكا parce que عندي خاوتي توأم كبار تزوجوا في نفس النهار في نفس العرس و لعجوز تقولهم و الله يضربوكم بعين :d و دارو العرس
و دركا عندهم 5 سنوات زواج ، و ماصراتلهم عين ما وألو هههه :-r
و جابو ذراري توأم تاني هههه :up:

حبيت نعرف العين هادي اسكو كاين منها و لآ لآ ؟

سلآمي
​

 

[بنت الـ25]

السلام عليكم اخي حسني
دوكا انت تحكي على قضية التوأم ولا الخاوة اللي يتزوجو في نهار واحد وخايفين مالعين؟
ولا متامنش بالعين في حد ذاتها؟
المهم فالقضية اللولة الحق الحق جامي فاتت عليا هاد الحالة
وومسعتش بلي الخاوة اللي يتزوجو في نهار واحد يجيبو لعين
اما القضية الثانية نقلك يا اخي حسني انو العين حق سيرتو فالعراس
كاين ناس حسادين يشوفو مع العرسان وميقولوش ما شاء الله والشيطان حاضر ميراطيش
وقد ثبت ان الحق عين من خلال أحاديث الرسول عليه الصلاة والسلام جبت منها شوية باش ندعم وجهة نظري

عن عائشة رضي الله عنها قالت : " كان رسول الله صلى الله عليه وسلم يأمرني أن أسترقي من العين " ، وعن النبي صلى الله عليه وسلم قال : " العين حق ولو كان شيء سابق القدر لسبقته العين ، وإذا استغسلتم فاغسلوا "


​

وعن أسماء بنت عميس أنها قالت : يا رسول الله ، إن بني جعفر تصيبهم العين ، أفنسترقي لهم ؟ ، قال : نعم ، فلو كان شيء سابق القدر لسبقته العين .
​

وروى أبو داود عن عائشة رضي الله عنها قالت : كان يؤمر العائن فيتوضأ ثم يغسل منه المعين .
​

 

[SOFIANE020]

ربي يستر من العين
راهي صواريخ في هدا الوقت ههههههه

 

[Ma$Ter]

عليكم السلام ورحمة الله وبركاته
ربى يباركلك فى عائتك والتوام والتوام لوخرين :d
العين راهى حق لاكن الانسان دايما يحصن نفسو باذكار الصباح و المساء
وزيد امك راهى خايفة على ولادها :$ على اقل حاجة توسوس

بارك الله فيك خويا حسنى
لعقوبة لعرسك انت :d فى 2020
​

 

[serinee]

اهلا بيك خويا
جمعة مباركة
انا نقولك خويا العين حق و العين كاينة منها و دركا الناس تحسدك في كلشي
خصوصا فالاعراس يشوفو 2 خاوة يتزوجو ميعرفوش يقولو مشاء الله او الله يبارك
يعرفو غير يحسدو اوووووووووووووووه شفتو دار فلاني زوجو 2 او اوووووووووووه دارو زوج عراس
ياي يا ريتك مادؤت هدا الموضوع درك انا ثاني نخاف ختاش انا ثاني تومية مي الحمد لله مع اخ مش مع اخت
شكرا للموضوع الرائع

​

 

[أم راضية ~_]

السلام عليكم
الناس يعينو الواحد كي يقرا كي يكون فاهم فما بالك كي يتزوج
و الناس راهي حاصلة باش تزوج واحد برك وحايرين فيه واش تقول كي يشوفو زوج خاوة تزوجو مرة وحدة هاهي تجيهم الخلعة و ما يقولوش الله يباركلهم يبقاو مدهوشين وادا كانو توام يبداو يماجينيو في حاجات و تخدملهم امور ما يعلم بيها غير ربي
ربي يستر من العين والحسد
شكرا على الموضوع​

 

[siimo]

يعطيك الصحة على الموضوع تاعك
صح كاينة منها العين و كيما قال الرسول صلى الله عليه و سلم: العين حق . متفق عليه ، زاد مسلم : ولو كان شيء سابق القدر سبقته العين .
قول الرسول صلى الله عليه وسلم : نصف قبوركم من عيونكم .​

وقوله عليه الصلاة والسلام : لو تسابق القدر والعين لسبقت العين القدر .
وقوله عليه الصلاة والسلام : لاتقتلوا إخوانكم هلا بركتم،إن نصف أمتي تموت بالعين

و ربي يبارك في خواتك التوام و في ولادهم التوام و يحفضهم من العين......
و يليق الانسان كي يشوف حاجة ولا شخص و يعجبه يقول ما شاء الله تبارك الرحمن​

 

[zagane]

salam alycom
barak ellah frik

 

[هبة الرحمان2]

الله يحفضهم من العين العين حق وانجينيرال توام تفوت فيهم العين بسرعه.

 

[ماكانش]

العين كاينة يا حبيبنا مارادونا وفيها حديث من عند الرسول صلى الله عليه وسلم

 

[جمــآنــة]

لــي عووده للمنـاقشــة، مع انو الموضوع مش من تخصصي هههههههههههههههههههههههه :d

 

[فتاة حساسة]

العين كاينة وبزززاف اللي تزوجو 2 وضلابتهمو عين ..ربي يرتنا وربي يتر وليدات خاوتك :d​

 

[Amauri]

العين حق و الطيرة باطل خيي
لازم الواحد يدير حسابوا و راها العين قادرة تديك للقبر ربي يسترنا

 

[سمسم السمسومة]

ربي يبارك.............و تزيد تقول فيها توام و جابوا توام علاه عليك مخفتش من عيونا حنا.....ربي يحفظكم و يستركم من العين يا رب

 

[جمــآنــة]

اوّلاً راح نقـولك بللي العيـن حقّ

والله يبااررك على خوتـك وولادهـم الله يباااااااااارك ربي يخليييهم ويحفظهم،

انــا نعـرف واحــد تـزوّج هـو وخـوه، مـالا كي داو واحدا منالعرايس و عادو جيين ماليهَــا دارو اكسيـدون غيير ربيي ستــر، الحمـد لله مكــانش خسَــائـر مي لوكـان تشـوف الطـاكسي تخلـــــع :s متصـدقــش بلي مازالهم حيين، وفي نفــس الوقـــــــــت الكاميـو لي داو فيه قــش نفـــس هادي العروسة دار اكسيـدون وهومَــا رايحيــن >_< ، تخيّــل، يعنــي باش تعـرف بلي العيــن حقّ وكــاين منهَــــــــا !، وتصـرَا بزافْ خـاوَا كيتزوجو يعينوهمـ هادي،

ربّي يحفظــلكـ خـاوتكـ وولادهـم، آميــــــــن​