رؤساء المطبخ وسرقة الماكولات في الجامعة

[zagane]

السلام عليكم
رؤساء المطبخ وسرقة الماكولات
رئيس مطبخ كان مسافر في الحافلة وعمر الباكاجBagages بالريفيتايمة هادا ديسار وهادا فرماج وهادا ..... وقع ديراباج للكار هاداك انتشر القش مع الريفيتايما و الدم في الطريق كي جاو الدرك والحماية المدنية سالهم واحد من الحماية قال ليهم وين راه الفريقو لي دخل في الكار شاف الفرماج كثر من القش .

واحد كي طلعوه شاف كوزينة في الجامعة حل حانوت تاع جاج في شارع لي يسكن فيه وبدى يبيع بسوما رخيسة في الدجاج والطلبة في الجامعة عام كامل ما كلاوش اللحم .
جارنا كان يخدم شاف كوزينة في شركة ديما كي يجي عطلة يبعث لينا ماء سعيدة والمشروبات والسخايف الله اعلم منين
واش رايكم في اللي يخدم في العسل وما يدوقش
واش رايكم في اللي يخدم في الكوزينة وما يدوقش

 

[حفيد هواري بومدين]

اه يا زقان تقيسها قد قد .... واش رح نقولو ربي يصلح البلاد برك

راه كامل يسرقوو كامل باندياا

 

[روز]

تعددت التسميات والسرقة واحدة
السرقة هي سرقة مافيها لا عسل ومايذوقوش ولا غيرو
ناس تخاف من الميزان إلا كاش ماكلاو منو نص غرام ولا ربع غرام من حق الآخرين
وناس تنهب بالكيلاوات والشكاير بلا خوف من ربي سبحانه لي راه يشوف فيهم
السرقة تبدا من كي يجي الطفل ليماه ويقلها راني سرقت طباشير من المدرسة وتضحكلو وتقلو صحيت بني شاطر وتوصل
للشاف كوزين لي راك تهدر عليه وتزيد للسرقة على أعلى المستويات كي شكيب خليل والخليفة وجماعتهم
كي يغيب القصاص والخوف من ربي وقلة التربية هذا لي متوقع يصير​

 

[SAMIRA25]

و عليكم السلام
عندنا نكت تقول سئل القذافي ما هي اغنى دولة في العالم قالهم الجزائر
قالولو و علاه قالهم لي يجي يسرق و مازال ما طحتش
الكل يسرق الا من رحم ربي
من عامل النظافة لعامل المطبخ حتى وزير الشؤون الدينية تاعنا راهو متهم بسرقة اموال الحجاج ؟؟؟؟؟
البلاد ربي يسترها و يسترنا....​

 

[SETIF étudiant]

السلام عليكم موضووووووووووووووووع مليح يعطيك الصحة

نقولك ولا الناس بكل مجرمين سرارقة الا من رحم ربي والحرام في لي تحكم برك وانا عندي السرقة درجات بمعنى تقدر تكون من المسؤول من المواطن من .......خخخخخخخخخخخخخخخخخخ

انا لي تحبسلي راسي خويا يقولك دولتنا تدير مبالغ كبيرة و كي تجي تشوف نوعية البلا يبانلك مكان ماكان كلو دود وعفن خخخخخ :smile02:

وهذا كله بسبب حنا عندنا دراهم بزاف وسي سا يقولك المال السايب يعلم السرقة طاق على من طاق و القافز يطير


سي ماكلتنا في الجامعة باطل والنقل باطل وزيد تعب الخدامة مع شهريتهم القليلة ها يذوقو معليش مي بحدووود برك بضوااابط

وفي الاخير انا كطالب ناكل برا ناكل بدراهمي
وكل واحد فينا يملأ صحيفته بما يشاء كاين ربي وكاين الحساب يأكلون السحت في الدنيا والنار في الآخرة (اقصد الحيتان الكبيرة التي تنهب كثيرا والتي لا تشبع من كروشها ) .

 

[ماكانش]

شيفان الكوزينة يديو في حقهم ومايديوش حق الطالب
الطلبة ياكولو اللحم يديسرو وكلش
الشيفان والطبابخة يديو الزايد ويديو في حقهم
الكوزيني عندهم عامين كانو يسلكو 18 ميا للشهر ومتزوجين هل هذا حق ؟؟؟؟؟
يديو حقهم وما يكفيهم مادام مرت شهيد عجوزة وتضرب 10 ملاين للشهر وقاعدة ...
ثم علاه نحكيو على واحد هز جاجاة ولا 5 جاجات و 4 بايط فرماج ووحدة كاشر ومانحكيوش على ألي راهو يسرق فالملايير الممليرة وسوناطراك والديار والخدمات وووو ؟؟؟
مانلتاوش بالفرماج خويا ونلتاو بالولاة والأميار والناس ألي تنهب بالملاير
​

 

[Only me]

موضوعك جا في وقتو

والله رانا نعانيو ،، شوية ديسار ويقاحرونا فيهـ

والمشكل ماشي غير الشيفان لي يديو كامل متفاهمين مع بعض حتى لي فام دوميناج تجي ترمي البلا تاعك تقولك سربيلي بيه شوية لوبيا :s والخبز لازم تسمح فيهـ واذا كان كاشير لازم تمدولها خاطر غير صالح للاستهلاك

وكل حاجة تخلاص يعوضولنا بالكاشير رايح ينبت في كروشنا

 

[Only me]

شيفان الكوزينة يديو في حقهم ومايديوش حق الطالب
الطلبة ياكولو اللحم يديسرو وكلش
الشيفان والطبابخة يديو الزايد ويديو في حقهم
الكوزيني عندهم عامين كانو يسلكو 18 ميا للشهر ومتزوجين هل هذا حق ؟؟؟؟؟
يديو حقهم وما يكفيهم مادام مرت شهيد عجوزة وتضرب 10 ملاين للشهر وقاعدة ...
ثم علاه نحكيو على واحد هز جاجاة ولا 5 جاجات و 4 بايط فرماج ووحدة كاشر ومانحكيوش على ألي راهو يسرق فالملايير الممليرة وسوناطراك والديار والخدمات وووو ؟؟؟
مانلتاوش بالفرماج خويا ونلتاو بالولاة والأميار والناس ألي تنهب بالملاير
​

عندك الحق أسفيان ،،

مي لوكان السرقة هاذي والعادات السيئة يبطلها الانسان البسيط يبدلها النظام كامل

يعني لا يغير الله مابقوم حتى يغيرو ما بأنفسهم

معليش حتى احنا لوكان تصحلنا نعاودو نعاودو لاشتى على شوية كاشير

 

[nanoche]

السلام عليكم خويا و شكرا على الموضوع الجميل
يقول الله تعالى : "وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِنَ اللَّهِ ۗ وَاللَّهُ عَزِيزٌ حَكِيمٌ"
ربي نزل القرآن و هو صالح لكل زمان و مكان و هو يقول السارق و السارقة بين زوج اللي غلط يخلص ماقالش اللي سرق حاجة صغيرة اقطعوله صبعه و اللي سرق حاجة كبيرة اقطعوله يده يعني السرقة تبقى سرقة مهما كانت
« qui vole un oeuf vole un boeuf »
يادرا هاذ السيد كي يوصلهم لدارو واش يقول لولاده جبتلكم من الريسطو؟؟ او سرقتلكم من الريسطو؟؟؟
حتى و لو الخلصة ديالو قليلة هذا ما يعطيهش الحق باش يمد يده على حاجة ماشي رزقه لأن الله سبحانه و تعالى كتب لكل واحد فينا رزقه في الدنيا يلحقه برك الانسان عَجول و ما يحبش يستنى .... قوت ولاده ربي اللي يعطيهولو ماشي يوكلهم الحرام و مبعد يقول علاش ولادي خرجولي ماشي ملاح و انا تعبت عليهم و انا وانا ايمالا راقب روحك يا خويا ووكل اولادك الحلال و علمهم مايمدوش يدهم لحاجة ماشي رزقهم و تشوف كيفاش ربي يرزقك الذرية الصالحة
و سمعت بزاف حكايات على واش يصير في الريسطو في الجامعات ... الاخر ما يلحقش الماكلا لأنهم يعبوها في لي بوات باش يديوها هوما وخلي وخلي.....
ربي يهدينا و ما يخليش الشيطان يغوينا وربي يقدرنا على نفوسنا ياارب
اسمحولي على الاطالة و تقبل خوياَ مروري
​

 

[ماكانش]

عندك الحق أسفيان ،،

مي لوكان السرقة هاذي والعادات السيئة يبطلها الانسان البسيط يبدلها النظام كامل

يعني لا يغير الله مابقوم حتى يغيرو ما بأنفسهم

معليش حتى احنا لوكان تصحلنا نعاودو نعاودو لاشتى على شوية كاشير

لالا ختي
فالتغيير نبداو من لكبير للصغير
من المليار للجاجة

 

[رضوان40]

ختي نت هكل حرتي ربيي يهديك الجزائر بكلها مسروقة قاغد غير الكركاسسسسسسسسسسسس