الى كل انصار الوفاق السطايفي الكاس في طي النسيان والبطولة لينا يا شبان

[بثيــــنة 19]

السلام عليكم ورحمة الله وبركاته



الى كل انصار الوفاق السطايفي خلاص ننساو الكاس



لعبنا بصح الحظ والكل كان ضدنا حتى ارضية الميدان كانت ضدنا



واللي يقول ظاهرة فيزيائية يروح يلعب بعيد قتلتونا بالتفلسيف وانتما ماتعرفو والو



واحد يجيبلي فيديو ويقولي مش اول مرة



واحد يقول بلي مانفهموش فالبالون وبلي الكرة كيما تضربها مدورة ترجعلك



انا نقوللكم ربي يهديكم



مرانيش نقلل من فوز المولودية نهناها بالمناسبة



بصح كون يقولولنا من اللول مانلعبوش كامل ماتش خرطي كيما تاع البارح


قالك ارضية صالحة وراكم تخفيو في الخسارة



خسرنا ايه مانختلفش معاك بصح ارضية كيما تاع 5جويلية يليق يغلقوها كامل



ماتنساوش التبهديلة تاع البوسنة كامل ضحكو علينا



يخي حنا جزائريية نعرفو رواحنا مليح ونعرفو الملاعب تاعنا



ماكان لاه نكدبو على رواحنا



والبطولة ان شاء الله سطايفية وبالتوفيق للوفاق في دوري الابطال



وسلاام

 

[crazy of mydz]

شكرا اختي بثينة وانا اشاطرك في كل ما قلتي
مبروك للمولودية وهارد لاك للوفاق
والبطولة ان شاء الله راح تكون سطايفية ​

 

[بثيــــنة 19]

شكرا اختي بثينة وانا اشاطرك في كل ما قلتي
مبروك للمولودية وهارد لاك للوفاق
والبطولة ان شاء الله راح تكون سطايفية ​

نعم خيتي ولي فات مات دكا التخمام على وش بقا
وكيما قولتيها نشالله الشومبيونا لينا