كلمة واحدة من عندكم رايحة تعاوني

[سارة 196]

السلام عليكم احبتي في الله ارجو منكم ان تساعدوني لاني فعلا في حيرة من امري
انا شابة في العشرينات من عمري درست وانهيت الدراسة متحصلة على شهادة الليسانس
تقدم لخطبتي شاب سأل عنه اهلي قالو عنه كل خير انسان مصلي وخلوق ودوتربية عالية عامل حر
صليت صلاة الاستخارة لعدة ايام عسى الله ينور طريقي
لكن في عندي مشكلة سمعت انو اخد قرض من البنك كيما يسموها تدعيم الشباب واهلي قالولي هده حياتك انت حرة جبنالك كلشي عنو المليح واللي ماشي مليح لكي انت القرار وانا بصراحة راسي راهو حابس بغيتكم تعاونوني وتعطوني رايكم ونصائحكم تهمني لاني مشوشة التفكير لانهم قالولي عندك يومين في يدك يعني الثلاثاء نرجعلهم الخبر
اللي عندو كلمة واحدة يقدر يعاوني بيها تفرحني

 

[بنت الـ25]

السلام عليكم اختي
وش فيها كي يكون آخذ قرض من البنك؟
أسكو انتي مقلقة من قضية الدين اللي تسايلو البانكة ؟
ولا قضية الربا والفوائد المترتبة على القرض؟
إذا اللولة الله غالب اللي حاب يدير مستقبل ومعندوش منين يلزمو يسلف سوا من عند الناس ولا من عند البانكة
باش يقدر يبدا حياتو ويبني نفسو ويأسس أسرة ويعيش في استقرار كيما كامل الشعب
اما قضية الربا معندي وش نحكيلك فيها خاطر فتاو فيها بزاف
وفي كل حال انتي درتي استخارة والشي لي راكي تحسيه ومرتاحتلو ديريه سواء قبول او رفض
وكيما قالولك اهلك اي قرار تتخذيه انتي الوحيدة المسؤولة عنو
وربي يوفقك للاختيار السليم

​

 

[imy_amani]

اختي اذا كان اللي شاغلك هو القرض ومن الناحية الدينية
كاين قروض مدتهم وزارة الشؤون الدينية منذ مدة وماعليهم اي فائدة يعني 0 بالمئة
يمكن اللي تقدملك راه دار فيها

ربي ييسر لك اختي
ويفتح عليك ويرزقك الزوج الصالح اللي يحبك ويصونك ويحفظك ويعينك حتى تكوني قريبة من ربي

تقبلي مروري
​

 

[روز]

يَا أَيُّهَا الَّذِينَ آَمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ
فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ وَإِنْ تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ [البقرة: 278، 279].

بصراحة مش حابة نبان معقدة وفيلسوفة أو ماشابه لكن أختي كل شي مقدور عليه إلا الربا
الربا ماعندوش أعذار أبدا
قبل ما نظلم الأخ إسألي هل القرض لي أخذو من غير فوائد يعني بنسبة 0بالمئة
إذا كان كذلك فوافقي وربي يسعدلك أيامك
لكن إذا كان القرض بفوائد الأفضل يا أختي تبتعدي إلا إذا قرر هو أنو يرجع القرض للبنك
القرآن يقول فآذنو بحرب من الله ورسوله فهل أنت وهو قادرين على تلك الحرب !

والله يا أختي شفت ناس بزاف خرجت فيهم وإذا ماخرجتش فيهم خرجت في أولادهم أو صحتهم
الإنسان يلزم كي يجي يبني حياتو يلزم يبنيها على الصح
غير هذا أنا بصراحة أرفضه جملة وتفصيلا
والقرار قرارك في الاخير
ربي ينورلك طريقك

​

 

[sahiko hamza]

مادامو وليد فاميلية علاه راكي تشاوري في روحك ؟
​

 

[سارة 196]

السلام عليكم شكرا لمروركم والله العظيم كلامكم طمني
بالنسبة للاخت اللي سالتني من اي ناحية انا مقلقة اكيد من قضية الربا Mïŋěţţe

 

[بنت الـ25]

ايمالا الربا كيما علابالنا كامل انو حرام وهدا ثابت فالقرآن الكريم
ومنزيدلكش كلمة على واش قالت اختي روز
​

 

[عاشقة الاسم المفقود]

رايي مثل السيدة روز وربي يجيب لي فيه الخير

 

[فجري لا وربي]

بالنسبة للأخت أنا نقولها كلمة وحدة
واعتبريني أخوك الناصح
لوكان أنا أختي يجيها نفس الخاطب
وهو عندو معاملات مع البنوك
و الله ما يديها.
لأنو ككمل البنوك الجزائرية تتعامل بالربا
مام يبدلولو اسمو بأي طريقة يبقى ربا
و العياذ بالله
مهما قالو نسبة الفائدة صفر بالمئة ما كانش منها
لأن الربا يخرجوه من جهة أخرى مثل الضرائب
أو المساهمة الشخصية أو التأمينات
المهم البنوك تخرج الفائدة بأي طريقة
و هناك عضو قال ربما قرض من الشؤون الدينية
إتقو الله في أنفسكم
العلماء الأجلاء أفتو بعدم جواز أخذ قروض من الشؤون الدينية
لماااااااااااااااااااااااذا
لأن أموال الشؤون الدينية هي أموال الزكاة
أموال الزكاة يجب أن تذهب لمستحقيها من ألأاصناف الثمانية المذكورة
في القرآن الكريم و فقط ، و ليس للقروض
كما تفعل الجزائر حاليا
لأن الفقراء و مستحقي الزكاة مساوي لكمية مقادير الزكاة بالضبط
و بما أن عدد الفقراء يتزايد ، فذلك لعدم إخراج الزكاة و عدم إعطائها لمستحقيها

و أخيرا نصيحتي للأخت نقوللها يخلف عليك ربي
واتحراي صاحب الرزق الحلال

تقبل مروري سلام
​

 

[־●ـ‗غمــــوض ــالــورد_ـ●־]

اسمحيلي اختي منقدرش نولي مفتي في الامور هدي
منيش عارفة اصلا عماه راهوا مدي قرض واسكوا هدا داخل في الربا ولا لا يعني حاجة منيش عارفتها ومنقدرش نحكم على الشخص لي مادي قرض باسكوا بالاك ظروفوا ومعندوش منين يسلف وتحتمت عليه يدي قرض باش يعاون روحوا ويدير مستقبلوا +en منيش عارفة انت عماه راكي خايفة وانت قلتي انوا وليد فاميلية اخلاقوا مليحة و و و و وزيد راكي صليتي صلاة الاستخارة نظن شوفي وش يريحك خليها لربي وخلاه حنونــــــــــة وديري في بالك بلي متقدريش تحكمي على لواحد حتى تعيشي معاه بش تعرفي كلشي عليــــــــــه خليــــــــــنا من هدي انتاع نسقسي عليه و و و باسكوا شحال من واحد حكموا عليه بحاجة خاطياتوا الناس تشوفوا مش مليح وتلقايه هو لي تحوسي عليه وتتمنايه يكون فيه كل الصفات لمليحة ولعكس تاني تلقايه يحكموا عليه بالملاحة وهو مباعد تلقايه 0 donc مش من حاجة بالاك تافهة تحكمي عليه هكا وتخافي صفي قلبك ومشي بالنية وحطي ربي ديما معاك راح تصيبي لخير انشاءالله ...وربي يكمل انشاءالله ويهنـــــــــــيك ويجيبها فالخير والصواب انشاءالله متقلقيش روحك خلاه.
​

 

[ahlam02]

اسمحيلي اختي دخلت ننصحك وليت نقرعج خاطر جازو يومين على موضوعك قبلتي بيه ولا لا....:p

 

[سارة 196]

ايه قبلت بيه

 

[־●ـ‗غمــــوض ــالــورد_ـ●־]

ايه قبلت بيه

مبروك علـــــــــــــــــــيك حنونــــــــــــــــــــــــة ربي يكملك ويهنيــــــــــــــــــــــــك....
​

 

[ابو مازن]

يقول الرسول صلى الله عليه و سلم

= ما ندم من استشار و ما خاب من استخار =

مبروك عليك اختي الفاضلة

و لكن النصيحة النصيحة فأبواب الحلال كثيرة انصحي خطيبك إن قدر على ترك هذا القدر سيعوضه الله خيرا منه و ما ذلك على الله بعزيز

اللهم إنّ نسألك خيره و خير ما جُبِل عليه و نعوذ بك من شره و من شر ما جبل عليه

نسأل الله لأختنا تمام الأمور

 

[ahlam02]

هكدا اختي تعجبيني مبروك عليك ربي يكملك ويهنيك